ପୁଅ ଜନ୍ମ ହେବା ପରେ ସାମ୍ନାକୁ ଆସିଲା ରୋହିତ ଶର୍ମାଙ୍କର ପ୍ରଥମ ରିଆକ୍ସନ, ଜାଣନ୍ତୁ କ’ଣ କହିଲେ ଅଧିନାୟକ
ନୂଆଦିଲ୍ଲୀ: ଭାରତୀୟ ଅଧିନାୟକ ରୋହିତ ଶର୍ମାଙ୍କ ଘରେ ପୁଣି କୁଆଁ କୁଆଁ ଶବ୍ଦ ଶୁଣାଯାଇଛି । ରୋହିତଙ୍କ ସ୍ତ୍ରୀ ରିତିକା ସଜଦେହ ଶୁକ୍ରବାର ଦିନ ପୁଅକୁ ଜନ୍ମ ଦେଇଛନ୍ତି । ରୋହିତଙ୍କ ପରିବାରରେ ବର୍ତ୍ତମାନ ଚାରି ଜଣ ସଦସ୍ୟ ହୋଇଯାଇଛନ୍ତି । ରୋହିତ ଏବଂ ରିତିକାଙ୍କର ଗୋଟିଏ ପୁଅ ସମାୟରା ଅଟନ୍ତି, ଯାହାର ଜନ୍ମ ୨୦୧୮ରେ ହୋଇଥିଲା । ପୁଅର ଜନ୍ମ ପରେ ରୋହିତଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି । କ୍ୟାପ୍ଟେନ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରିଛନ୍ତି ଏବଂ ନିଜର ହାଲ-ଏ-ଦିଲ୍ ବାଖ୍ୟା କରିଛନ୍ତି । ରୋହିତଙ୍କ ପୁଅ ଜନ୍ମ କାରଣରୁ ଭାରତୀୟ ଟିମ ସହ ସେ ଅଷ୍ଟ୍ରେଲିଆ ଯାଇପାରିନାହାନ୍ତି । ଭାରତକୁ ୨୨ ନଭେମ୍ବରରେ ଅଷ୍ଟ୍ରେଲିଆ ବିପକ୍ଷରେ ପାଞ୍ଚଟି ମ୍ୟାଚର ଟେଷ୍ଟ ସିରିଜ ଖେଳିବାକୁ ଥିଲା ।
ରୋହିତ ଶନିବାର ଦିନ ଇନଷ୍ଟାଗ୍ରାମରେ ଏକ ଖୁସି ପରିବାରର ଆନିମେଟେଡ ଫଟୋ ସେୟାର କରିଛନ୍ତି । ସେ ଫଟୋରେ ଲେଖିଛନ୍ତି ଯେ, ‘ଏକ ପରିବାର ଯେଉଁଠି ଆମେ ଚାରି ଅଛୁ ।’ ରୋହିତଙ୍କ ଏହି ପୋଷ୍ଟରେ ଫ୍ୟାନ୍ସଙ୍କ ଜବରଦସ୍ତ କମେଣ୍ଟ ଆସିବାରେ ଲାଗିଛି । ଲୋକେ ସେମାନଙ୍କୁ ନିଜ-ନିଜ ହିସାବରେ ଅଭିନନ୍ଦନ ଜଣାଇଛନ୍ତି । ରୋହିତ ଏବଂ ରିତିକାଙ୍କ ବିବାହ ୧୩ ଡିସେମ୍ବର ୨୦୧୫ରେ ହୋଇଥିଲା । ଏହି ଦୁଇ ଜଣଙ୍କ ଭେଟ ଏକ ଇଭେଣ୍ଟରେ ହୋଇଥିଲା । ଦୁହେଁ ୬ ବର୍ଷ ପର୍ଯ୍ୟନ୍ତ ଡେଟ କରିଥିଲେ ।
View this post on Instagram
