ଡ୍ରଗ୍ସ ମାମଲାରେ ବିଗ୍ ବସ୍ ଫେମ୍ ଏଜାଜ୍ ଖାନଙ୍କ ପତ୍ନୀ ଗିରଫ
ମୁମ୍ବାଇ: ବଢ଼ୁଛି ବିଗ୍ ବସ୍ ଫେମ୍ ଏଜାଜ୍ ଖାନଙ୍କ ଅଡ଼ୁଆ । ନିକଟରେ କଷ୍ଟମ ବିଭାଗ ତାଙ୍କ ଅଫିସରେ ଚଢ଼ାଉ କରିଥିଲା । ଏବେ ଡ୍ରଗ୍ସ ମାମଲାରେ କଷ୍ଟମ ବିଭାଗ ତାଙ୍କ ପତ୍ନୀଙ୍କୁ ଗିରଫ କରିଥିବା ଖବର ସାମ୍ନାକୁ ଆସିଛି । ତେବେ କଷ୍ଟମ ବିଭାଗର ଏଭଳି କାର୍ଯ୍ୟ ପରେ ଏଜାଜ୍ ଖାନ୍ ସୋସିଆଲ ମିଡିଆରେ ଏକ ଲମ୍ବା ପୋଷ୍ଟ ଶେୟାର କରିଛନ୍ତି ଯେଉଁଥିରେ ତାଙ୍କ ପରିବାରକୁ ଟାର୍ଗେଟ କରାଯାଉଥିବା କଥା କୁହାଯାଇଛି ।
ପୋଲିସ ସୂତ୍ରରୁ ପ୍ରକାଶ ଗୁରୁବାର କଷ୍ଟମ ବିଭାଗ ମୁମ୍ବାଇ ଯୋଗେଶ୍ୱରୀ ସ୍ଥିତ ଏଜାଜ୍ ଖାନଙ୍କ ଘରେ ଚଢ଼ାଉ କରିଥିଲେ । ଏହି ଚଢ଼ାଉ ସମୟରେ ତାଙ୍କ ଘରର ବିଭିନ୍ନ ସ୍ଥାନରୁ ଡ୍ରଗ୍ସ ଜବତ କରାଯାଇଥିଲା । ଡ୍ରଗ୍ସ କାରବାର ମାମଲାରେ ଏଜାଜଙ୍କ ପତ୍ନୀ ଫାଲନ୍ ଗୁଲିୱାଲା(Falon Guliwala) ସମ୍ପୃକ୍ତ ଥିବା ନେଇ ତାଙ୍କୁ ଗିରଫ କରାଯାଇଥିଲା । ପୋଲିସ ପ୍ରାୟ ୧୩୦ ଗ୍ରାମ ଗଞ୍ଜେଇ ସହ ଅନ୍ୟାନ୍ୟ ନିଶା ଦ୍ରବ୍ୟ ଜବତ କରିଥିଲା । ଏନେଇ ପୋଲିସ କହିଛି କି ଡ୍ରଗ୍ସ ମାମଲାରେ ଫାଲନ୍ ଗୁଲିୱାଲାଙ୍କୁ ପଚରାଉଚରା ପାଇଁ ତାଙ୍କୁ ଗିରଫ କରାଯାଇଛି । କହିରଖୁଛୁ ଏହା ପୂର୍ବରୁ ଡ୍ରଗ୍ସ ମାମଲାରେ ୨୦୨୧ରେ ଏଜାଜ୍ ଖାନଙ୍କୁ ମୁମ୍ବାଇ ଏୟାରପୋର୍ଟରୁ ଗିରଫ କରାଯାଇଥିଲା । ରିପୋର୍ଟରୁ ପ୍ରକାଶ ତାଙ୍କ ଅଫିସରୁ ୩୫ ଲକ୍ଷ ଟଙ୍କା ମୂଲ୍ୟର ୧୦ ଗ୍ରାମ MDMA ଜବତ କରାଯାଇଥିଲା । ୨୦୨୩ରେ ତାଙ୍କୁ ଜାମିନ୍ ମିିଳିଥିଲା ।
View this post on Instagram
