‘ପୁଷ୍ପା-୨’ ପ୍ରିମିୟରରେ ରକ୍ତର ଛିଟା: ରିଲିଜ ବେଳେ ଦଳାଚକଟାରୁ ମହିଳାଙ୍କ ମୃତ୍ୟୁ

ହାଇଦ୍ରାବାଦ: ୩ ବର୍ଷର ଅପେକ୍ଷା ପରେ ଆଜି ରିଲିଜ ହେଉଛି ଆଇକନ୍ ଷ୍ଟାର ଅଲ୍ଲୁ ଅର୍ଜୁନଙ୍କ ‘ପୁଷ୍ପା-୨’ । ଏହାର ପ୍ରଥମ ପାର୍ଟ ବ୍ଲକବଷ୍ଟର ହେବା ପରେ ଦ୍ୱିତୀୟ ପାର୍ଟକୁ ଖୁବ ଉତ୍ସାହର ସହ ଅପେକ୍ଷା କରିଥିଲେ ପ୍ରଶଂସକ । କିନ୍ତୁ ରିଲିଜ ପୂର୍ବରୁ ପ୍ରଶଂସକଙ୍କ ରକ୍ତରେ ଭିଜିଛି ‘ପୁଷ୍ପା-୨’ । ହାଇଦ୍ରାବାଦରେ ‘ପୁଷ୍ପା-୨’ ପ୍ରିମିୟର ଶୋ’ରେ ବଡ଼ ଅଘଟଣ ଘଟିଯାଇଛି । ଫିଲ୍ମର ପ୍ରିମିୟର ଚାଲିଥିବା ବେଳେ ଫ୍ୟାନ୍ସମାନଙ୍କ ମଧ୍ୟରେ ଦଳାଚକଟା ହୋଇଛି । ଫଳରେ ଘଟଣାସ୍ଥଳରେ ୨ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି ।

ସୂଚନା ଅନୁସାରେ, ହାଇଦ୍ରାବାଦରେ ବହୁ ପ୍ରତିକ୍ଷୀତ ‘ପୁଷ୍ପା-୨’ ଫିଲ୍ମର ପ୍ରିମିୟର ଶୋ’ ଜାରି ରହିଥିଲା । ଏହି ସମୟରେ ଅଲ୍ଲୁ ଅର୍ଜୁନଙ୍କୁ ଦେଖିବା ପାଇଁ ଫ୍ୟାନ୍ସମାନଙ୍କ ଭିତରେ ପ୍ରବଳ ଭିଡ଼ ଏବଂ ଠେଲାପେଲା ହୋଇଥିଲା । ପରେ ଏହା ଦଳାଚକଟାର ରୂପ ନେଇଛି । ଏହି ଅଘଟଣରେ ଜଣେ ମହିଳାଙ୍କ ମୃତ୍ୟୁ ହୋଇଛି । ଠେଲାପେଲାରେ ଜଣେ ମହିଳା ତାଙ୍କ ପୁଅଙ୍କ ସହ ତଳେ ପଡ଼ି ଗୁରୁତର ହୋଇଥିଲେ । ତେବେ ସମ୍ପୃକ୍ତ ମହିଳାଙ୍କୁ ଉଦ୍ଧାର କରି ମେଡିକାଲ ନେଇଥିବା ବେଳେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ଅଲ୍ଲୁ ଅର୍ଜୁନଙ୍କ ଝଲକ ପାଇବା ପାଇଁ ହୋଇଥିବା ଏହି ଅଘଟଣରେ ମହିଳା ଜଣକ ପ୍ରାଣ ହରାଇଛନ୍ତି ।