Breaking News: ଘାଟି ରାସ୍ତାରେ ଓଲଟିଲା ବସ୍, ୨୪ ଆହତ, ୮ ଗୁରୁତର

ପାରଳାଖେମୁଣ୍ଡି: ରାୟଗଡ଼ ଥାନା ମାର୍ଲବା ଘାଟି ରାସ୍ତାରେ ଏକ ବସ୍ ଦୁର୍ଘଟଣାଗ୍ରସ୍ତ ହୋଇଛି । ବସଟି ଓଲଟିପଡ଼ିବାରୁ ୨୪ ଜଣ ଆହତ ହୋଇଥିବା ଜଣାପଡ଼ିଛି ।

ଭାରସାମ୍ୟ ହରାଇ ଘାଟିରେ ଓଲଟିପଡ଼ିଥିଲା ଯାତ୍ରୀବାହୀ ବସ୍ । ଏହି ଦୁର୍ଘଟଣାରେ ୮ ଜଣ ଗୁରୁତର ହୋଇଥିବା ଜଣାପଡ଼ିଛି ।

ବ୍ରହ୍ମପୁରରୁ ପାରଳାଖେମୁଣ୍ଡି ଆସୁଥିବା ସମୟରେ ବସଟି ଦୁର୍ଘଟଣାଗ୍ରସ୍ତ ହୋଇଥିଲା । ଆହତଙ୍କ ମଧ୍ୟରୁ ୮ ଜଣଙ୍କ ଅବସ୍ଥା ଗୁରୁତର ଥିବାବେଳେ ସେମାନଙ୍କୁ ମେଡିକାଲରେ ଭର୍ତ୍ତି କରାଯାଇଥିବା ଜଣାପଡ଼ିଛି ।

ଘାଟିର ଉଭୟ ପାଶ୍ୱର୍ରେ ଅନେକ ଗାଡ଼ ଅଟକି ରହିଥିବା ବେଳେ ଯାନବାହନ ଚଳାଚଳ ପ୍ରଭାବିତ ହୋଇଛି ।
ସ୍ଥାନୀୟ ପୋଲିସ ପହଞ୍ଚି ଘଟଣାର ଅଧିକ ତଦନ୍ତ ଜାରି ରଖିଛି ।