ବିବାହର କିଛି ସମୟ ପରେ ରହିଥିଲା କନ୍ୟାଙ୍କ ପରୀକ୍ଷା, ବାହାବେଦିରୁ ସିଧା ପରୀକ୍ଷା କେନ୍ଦ୍ର ଗଲେ ନବବଧୂ

ଭୁବନେଶ୍ବର: ଆନ୍ଧ୍ରପ୍ରଦେଶରୁ ସାମ୍ନାକୁ ଆସିଛି ଏକ ପ୍ରେରଣାଦାୟୀ ଘଟଣା । ବିବାହ ଦିନ ମଧ୍ୟ ନିଜ ପରୀକ୍ଷା କଥା ଭୁଲିନଥିଲେ ନବବଧୂ ।

ବିବାହର ତିନି ଘଣ୍ଟା ପରେ ବାହା ପୋଷାକରେ ପରୀକ୍ଷା ଦେଲେ ନବବଧୂ । ବାହା ଯୋଡ଼ରେ ତାଙ୍କୁ ପରୀକ୍ଷା କେନ୍ଦ୍ରରେ ଦେଖାଯାଇଥିଲା । ଆନ୍ଧ୍ରପ୍ରଦେଶର ଏହି ଘଟଣା ସୋସିଆଲ ମିଡ଼ିଆରେ ଚର୍ଚ୍ଚାର ବିଷୟ ପାଲଟିଛି ।

ବିବାହ ଦିନ କନ୍ୟାଙ୍କର ତିରୁପତିର ପଦ୍ମାବତୀ ଡ୍ରିଗ୍ରୀ କଲେଜରେ ଗ୍ରୁପ 2 ପରୀକ୍ଷା ରହିଥିଲା । ଦମ୍ପତିଙ୍କର ସକାଳ ୬ଟାରେ ବିବାହ ଶେଷ ହୋଇଥିଲା । ଏହାପରେ ନବବଧୂ ଜଣକ ଦିନ ୯ ଟାରେ ପରୀକ୍ଷା ଦେବା ପାଇଁ ପରୀକ୍ଷା କେନ୍ଦ୍ରରେ ପହଞ୍ଚିଯାଇଥିଲେ ।

ସମ୍ପୃକ୍ତ ଯୁବତୀଙ୍କର ପରୀକ୍ଷା କେନ୍ଦ୍ର ଠାରୁ ୨୦୦ କିଲୋମିଟର ଦୂରରେ ବିବାହ କାର୍ଯ୍ୟ ସମ୍ପର୍ଣ୍ଣ ହୋଇଥିଲା । ତେଣୁ କନ୍ୟା ସିଧି ବିବାହ ମଣ୍ଡପରୁ ପରୀକ୍ଷା କେନ୍ଦ୍ରକୁ ଯାଇଥିଲେ । କିନ୍ତୁ କର୍ତ୍ତୃପକ୍ଷ ପ୍ରଥମେ ତାଙ୍କୁ ପରୀକ୍ଷା କେନ୍ଦ୍ରକୁ ଯିବାକୁ ବାରଣ କରିଥିଲେ ।

କିନ୍ତୁ ଉପରିସ୍ଥ ଅଧିକାରୀଙ୍କ ସହିତ ଆଲୋଚନା କରିବା ପରେ ତାଙ୍କୁ ପରୀକ୍ଷା ଦେବା ପାଇଁ ଅନୁମତି ଦିଆଯାଇଥିଲା । ତେବେ ଏହି ଘଟଣା ସୋସିଆଲ ମିଡିଆରେ ଭାଇରାଲ ହେବା ପରେ ତାଙ୍କୁ ଚାରିଆଡ଼ୁ ଶୁଭେଚ୍ଛାର ସୁଅ ଛୁଟୁଛି ।