ମଝି ଆକାଶରେ ହେଲା ବଡ଼ ଦୁର୍ଘଟଣା, ତାରା ପରି ଖସିଲା ବିମାନର ଖଣ୍ଡ ଖଣ୍ଡ ଯନ୍ତ୍ରାଂଶ, ଭାଇରାଲ ଭିଡିଓ ଦେଖିଲେ..
ମଝି ଆକାଶରେ ହେଲା ବଡ଼ ଦୁର୍ଘଟଣା, ତାରା ପରି ଖସିଲା ବିମାନର ଖଣ୍ଡ ଖଣ୍ଡ ଯନ୍ତ୍ରାଂଶ, ଭାଇରାଲ ଭିଡିଓ ଦେଖିଲେ..
ଆଆକାଶରୁ ଭାଙ୍ଗି ତାରା ପରି ପଡ଼ିଥିବା ଏକ ବିମାନର ଖଣ୍ଡର ଏକ ଭିଡିଓ ସୋସିଆଲ ମିଡିଆରେ ଅଧିକ ଭାଇରାଲ ହେଉଛି, ଯାହାକୁ ଦେଖି ଲୋକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। କୁହାଯାଉଛି ଯେ, ଦୁଇଟି ସାମରିକ ବିମାନ ଆକାଶରେ ଆକ୍ରୋବାଟିକ୍ସ କରୁଥିବା ସମୟରେ ପରସ୍ପର ସହିତ ଧକ୍କା ହେବା ଫଳରେ ଏହି ଦୁର୍ଘଟଣା ଘଟିଥିଲା। ଏହି ଦୁର୍ଘଟଣାର ଫୁଟେଜ ସୋସିଆଲ ମିଡିଆରେ ପୋଷ୍ଟ ହେବା ମାତ୍ରେ ଏହା ଚର୍ଚ୍ଚାର ବିଷୟ ପାଲଟିଛି। ମଙ୍ଗଳବାର ଅପରାହ୍ନରେ ଏହି ଭୟଙ୍କର ହୃଦୟ ବିଦାରକ ଦୁର୍ଘଟଣା ଘଟିଥିଲା।
ଏହି ଭାଇରାଲ ଭିଡିଓରେ ଉତ୍ତର-ପୂର୍ବ ଫ୍ରାନ୍ସରେ ଏକ ତାଲିମ ଅଭ୍ୟାସ ସମୟରେ ଦୁଇଟି ବିମାନ ପରସ୍ପର ସହିତ ଧକ୍କା ହୋଇଥିଲା, ଯାହା ପରେ ବିମାନର ଖଣ୍ଡଗୁଡ଼ିକ ତାରା ପରି ଗୋଟିଏ ପରେ ଗୋଟିଏ ତଳକୁ ଖସି ପଡ଼ିଥିବା ଦେଖାଯାଇଥିଲା। କୁହାଯାଉଛି ଯେ, ଫରାସୀ ସାମରିକ ବିମାନଟି ସେଣ୍ଟ-ଡିଜିଅର ବାୟୁ ଘାଟିର ଉପରେ ଆକାଶରେ ଏହି ଆକ୍ରୋବାଟିକ୍ସ ପ୍ରଦର୍ଶନ କରୁଥିବା ସମୟରେ ଏହି ଦୁର୍ଘଟଣା ଘଟିଥିଲା।
ରିପୋର୍ଟ ଅନୁଯାୟୀ, ମଙ୍ଗଳବାର ଅପରାହ୍ନ ୩.୪୦ ମିନିଟ୍ରେ ଏୟାର ବେସ୍ ୧୧୩ ନିକଟରେ ଏକ ତାଲିମ ଅଭ୍ୟାସ ସମୟରେ ଏହି ଭୟଙ୍କର ଦୁର୍ଘଟଣା ଘଟିଥିଲା। ପାଟ୍ରୋଇଲ ଡି ଫ୍ରାନ୍ସ ଏୟାରଶୋ ପାଇଁ ୭ଟି ଆଲଫା ଜେଟ୍ ଅଭ୍ୟାସ କରୁଥିବା ବେଳେ, ଏକ ତାଲିମ ଅଭ୍ୟାସ ସମୟରେ ଦୁଇଟି ବିମାନ ଧକ୍କା ହୋଇଥିଲା। ଭିଡିଓରେ ଦେଖାଯାଉଛି ଯେ, ଧକ୍କା ପରେ ବିମାନର ଖଣ୍ଡଗୁଡ଼ିକ ଏପରି ପଡ଼ିଛି ଯେପରି ଉଲକାପାତ ବର୍ଷା ହେଉଛି। ଏହି ଭୟଙ୍କର ଦୁର୍ଘଟଣା ପରେ ବିମାନର ପାଇଲଟ ବିମାନରୁ ବାହାରକୁ ବାହାରି ଆସିଥିଲେ। ସେ ପାରାଚ୍ୟୁଟ୍ ସାହାଯ୍ୟରେ ସୁରକ୍ଷିତ ଭାବରେ ଅବତରଣ କରିଥିଲେ।
ଫୁଟେଜରେ ଦେଖାଯାଉଛି ଯେ, ବିମାନଗୁଡ଼ିକ ଆକାଶରେ ଉଡ଼ୁଥିବା ବେଳେ ଲାଲ, ଧଳା ଏବଂ ନୀଳ ଧୂଆଁ ଛାଡ଼ିଥିଲା, ଯେତେବେଳେ ଏହି ଦୁର୍ଘଟଣା ଘଟିଥିଲା। ରିପୋର୍ଟ ଅନୁସାରେ, ଦୁର୍ଘଟଣା ପରେ, ପ୍ରଥମ ଜେଟ ସେଣ୍ଟ-ଡିଜିୟରର କାଲିନ ସାଇଲୋରେ ଦୁର୍ଘଟଣାଗ୍ରସ୍ତ ହୋଇଥିଲା, ଯେତେବେଳେ ଦ୍ୱିତୀୟ ବିମାନଟି କେନାଲରେ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣା ପରେ ପାଇଲଟ ଏବଂ ଜଣେ ଯାତ୍ରୀ ଉଭୟ ଚେତା ଫେରିପାଇଛନ୍ତି ବୋଲି କୁହାଯାଉଛି। ଦୁର୍ଘଟଣାକୁ ନିଶ୍ଚିତ କରି ଫ୍ରାନ୍ସ ସଶସ୍ତ୍ର ବାହିନୀ ମନ୍ତ୍ରୀ ସେବାଷ୍ଟିନ ଲେକୋର୍ନୁ କହିଛନ୍ତି, ‘ଏକ ଜରୁରୀକାଳୀନ ଅଭିଯାନ ଚାଲିଛି। ଗୃହ ମନ୍ତ୍ରଣାଳୟ ଏବଂ ସଶସ୍ତ୍ର ବାହିନୀ ମନ୍ତ୍ରଣାଳୟ ଦ୍ୱାରା ସମନ୍ବୟ ରକ୍ଷା କରାଯାଉଛି।