୮୬ ଜଣ ମାଓବାଦୀ କଲେ ଆତ୍ମସମର୍ପଣ, ଗୃହମନ୍ତ୍ରୀ କହିଲେ- ଏହି ଦିନ ମଧ୍ୟରେ ଶେଷ ହୋଇଯିବ ନକ୍ସଲବାଦ

ତେଲେଙ୍ଗାନା: ୮୬ ଜଣ ମାଓବାଦୀ ଆତ୍ମସମର୍ପଣ କରିବା ଖବର ସାମ୍ନାକୁ ଆସିଛି। ତେଲେଙ୍ଗାନାର ଭଦ୍ରାଦ୍ରୀ କୋଥାଗୁଡେମ ଜିଲ୍ଲାରେ ଆତ୍ମସମର୍ପଣ କରିଛନ୍ତି। ଆତ୍ମସମର୍ପଣ କରିଥିବା ମାଓବାଦୀଙ୍କ ମଧ୍ୟରୁ ୨୦ ଜଣ ମହିଳା ମଧ୍ୟ ସାମିଲ ଅଛନ୍ତି।

ଆଇଜି ଚନ୍ଦ୍ରଶେଖର ରେଡ୍‌ଡୀଙ୍କ ନିକଟରେ ଆତ୍ମସମର୍ପଣ କରିଛନ୍ତି ୮୬ ମାଓବାଦୀ। ସମସ୍ତ ମାଓବାଦୀ ବିଜାପୁର ଓ ସୁକୁମା ଅଞ୍ଚଳର। ଏହାରି ମଧ୍ୟରେ କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ଶନିବାର ଦିନ ଦନ୍ତେୱାଡ଼ାରେ କହିଛନ୍ତି ଯେ, ଆଗାମୀ ୭ ବର୍ଷ ମଧ୍ୟରେ ଶେଷ ହୋଇଯିବ ନକ୍ସଲବାଦ। ସେ କହିଛନ୍ତି ଯେ, ଆଗାମୀ ଚୈତ୍ର ନବରାତ୍ରୀରେ ନକ୍ସଲବାଦ ଶେଷ ହୋଇଯିବ।

ଦନ୍ତେୱାଡାରେ ଆୟୋଜିତ ‘ବସ୍ତର ପଣ୍ଡୁମ’ କାର୍ଯ୍ୟକ୍ରମକୁନ୍ମନ୍ତ୍ରୋଧିତ କରି ଅମିତ ଶାହ କହିଛନ୍ତି ଯେ, ସେଇ ଦିନ ଚାଲିଯାଇଛି, ଯେବେ ଏଠାରେ ଗୁଳିବର୍ଷା ହେଉଥିଲା। ମୁଁ ପୁଣିଥରେ ନକ୍ସଲ ଭାଇ-ଭଉଣୀମାନଙ୍କୁ ଅନୁରୋଧ କରୁଛି, ଯେଉଁମାନଙ୍କ ହାତରେ ଅସ୍ତ୍ର ଅଛି ଏବଂ ଯେଉଁମାନଙ୍କ ହାତରେ ଅସ୍ତ୍ର ନାହିଁ, ସେମାନେ ସମସ୍ତେ ମୁଖ୍ୟଧାରାରେ ଫେରିଆସନ୍ତୁ, କାରଣ କୌଣସି ମଧ୍ୟ ନକ୍ସଲବାଦୀ ମରିଯାଉଛି, କାହାରିକୁ ଆନନ୍ଦ ମିଳୁନାହିଁ।