କରୋନା ରୋଗୀଙ୍କ ପାଇଁ ବଲିଉଡ୍ ଗୀତରେ ନାଚିଲେ ଡାକ୍ତର; ଭିଡିଓ ଭାଇରଲ୍
ଗୁଜୁରାଟ ୧୭ ।୪ (ଓଡିଶା ଭାସ୍କର) : ରୋଗୀଙ୍କ ପାଇଁ ବଲିଉଡ ଗୀତରେ ନାଚିଲେ ଡାକ୍ତର । ଏଭଳ ଏକ ଭିଡିଓ ସୋସିୟାଲ୍ ମିଡିଆରେ ଭାଇରଲ୍ ହେବାରେ ଲାଗିଛି । ଗୁଜୁରାଟର ବଡୋଦରାରେ ଥିବା ଏକ ହସ୍ପିଟାଲର ଏହି ଭିଡିଓ ବୋଲି ଜଣା ପଡିଛି । ସୂଚନା ଅନୁସାରେ ପାରୁଲ ସେବାଶ୍ରମ ହସ୍ପିଟାଲର ଜେନରାଲ୍ ୱାର୍ଡ ଡାକ୍ତର ଏବଂ କିଛି ସ୍ୱାସ୍ଥ୍ୟକର୍ମୀ ମିଶି କରୋନା ଆକ୍ରାନ୍ତି ରୋଗୀଙ୍କ ମନୋବଳ ବଢାଇବା ପାଇଁ ଫିଲ୍ମି ଗୀତରେ ସେମାନଙ୍କ ଲାଗି ନାଚୁଥିଲେ । ପିପିଇ କିଟ୍ ପିନ୍ଧି ‘ସୋଚନା କ୍ୟା ଜୋ ଭି ହୋଗା ଦେଖା ଯାଏଗା’ ଗୀତରେ ଏମାନେ ନୃତ୍ୟ କରୁଥିଲେ ।
सोचना क्या, जो भी होगा देखा जायेगा…
वडोदरा के पारुल सेवाश्रम अस्पताल का वीडियो. pic.twitter.com/A1l8p7J2Xl
— Puja Bharadwaj (@Pbndtv) April 16, 2021
ସପଟେ ରୋଗୀମାନେ ବେଡରେ ଶୋଇ ଡାକ୍ତରମାନଙ୍କ ନାଚକୁ ମନଭରି ଉପଭୋଗ କରୁଥିବା ବେଳେ ସେମାନଙ୍କ ତାଳେ ତାଳେ ରୋଗୀମାନେ ମଧ୍ୟ ବେଡରେ ଝୁମୁଥିବାର ଦେଖିବାକୁ ମିଳିଛି । କରୋନାକୁ ନେଇ ସମସ୍ତେ ଚିନ୍ତାରେ ଥିବା ବେଳେ ରୋଗୀମାନଙ୍କ ମନୋବଳ ବଢାଇବା ପାଇଁ ପାରୁଲ ସେବାଶ୍ରମ ହସ୍ପିଟାଲ ଡାକ୍ତରମାନଙ୍କର ଏମିତି ନିଆରା ପ୍ରୟାଶ ରୋଗୀମାନଙ୍କୁ ରୋଗ ସହ ଲଢିବା ପାଇଁ ପ୍ରେରଣା ଯୋଗାଉଛି । ଏହାସହ ଭିଡିଓଟିକୁ ଲୋକମାନେ ପ୍ରଶଂସା ମଧ୍ୟ କରୁଛନ୍ତି ।
