ବିବାହର ଆରମ୍ଭରୁ ଶେଷ ପର୍ଯ୍ୟନ୍ତ ପଞ୍ଜାବୀରେ କଥା ହୋଇଥିଲେ କାଟ୍ରିନା କୈଫ୍, ଜାଣନ୍ତୁ କଣ କହିଲେ ଭିକିଙ୍କ ସମ୍ପର୍କିୟ ଭଉଣୀ
ନୂଆଦିଲ୍ଲୀ: ନିକଟରେ ଭିକି ଓ କାଟ୍ରିନାଙ୍କ ରାଜକୀୟ ବିବାହ ସମ୍ପନ୍ନ ହୋଇଛି । ସେମାନଙ୍କ ବିବାହ ଫଟୋ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି । ଡିସେମ୍ବର ୯ ତାରିଖରେ ବିବାହପରେ ଭିକି ଓ କ୍ୟାଟ୍ ଅଫିସିଆଲ୍ ସାଇଟ୍ ରେ ସ୍ୱାମୀ-ସ୍ତ୍ରୀ ଭାବରେ ଫଟୋ ସେୟାର୍ କରିଥିଲେ । ତେବେ ଭିକି-କ୍ୟାଟ୍ ସମ୍ପୂର୍ଣ୍ଣ ଭାବେ କନଫିଡେନ୍ସିଆଲ୍ ରହିଥିଲା । ବିବାହରେ ଅତିଥି ମାନଙ୍କୁ ଫୋନ୍ ମଧ୍ୟ ବ୍ୟବହାର କରିବାକୁ ଦିଆଯାଇନଥିଲା ।
ବର୍ତ୍ତମାନ ଭିକି କୌଶଲଙ୍କ ସମ୍ପର୍କୀୟ ଭଉଣୀ ଉପାସନା ଭୋହରା ବିବାହର କିଛି ମଜାଦାର୍ ଅନୁଭୂତି ସେୟାର୍ କରିଛନ୍ତି । ସେ ସବୁଠାରୁ ଆଶ୍ଚର୍ଯ୍ୟକର କଥା ସେୟାର୍ କରି କହିଛନ୍ତି ଯେ, କାଟ୍ରିନା ବିବାହ ଆରମ୍ଭରୁ ଶେଷ ପର୍ଯ୍ୟନ୍ତ କେବଳ ପଞ୍ଜାବୀରେ କଥା ବାର୍ତ୍ତା କରିଥିଲେ । ବିବାହ ପରଠାରୁ ସେମାନଙ୍କ ଫ୍ୟାନ୍ସ ମାନେ ବିବାହ ସମ୍ପର୍କରେ ଜାଣିବାକୁ ଖୁବ ଉତ୍ସାହିତ ଥିଲେ । ତେବେ ଉପାସନା କିଛି ରୋମାଞ୍ଚକର କଥା ସେୟାର୍ କରି ଫ୍ୟାନ୍ସ ମାନଙ୍କୁ ଉତ୍ସୁକତାକୁ ବଢ଼ାଇଛନ୍ତି ।
View this post on Instagram
ଏହି ପରିପ୍ରେକ୍ଷୀରେ ଜଣେ ୟୁଜର୍ ଉପାସନାଙ୍କୁ ପ୍ରଶ୍ନ କରିଥିଲେ ଯେ, କଣ କାଟ୍ରିନା ବିବାହ ଦିନ ପଞ୍ଜାବୀରେ କଥା ହୋଇଥିଲେ? ଏହାର ଉତ୍ତରରେ ଉପାସନା କହିଥିଲେ ଯେ, ହଁ, ବିବାହ ଆରମ୍ଭରୁ ଶେଷ ପର୍ଯ୍ୟନ୍ତ କାଟ୍ରିନା କେବଳ ପଞ୍ଜାବୀରେ କଥା ହୋଇଥିଲେ । ଆଉ ଜଣେ ୟୁଜର୍ ପଚାରିଥିଲେ ଯେ, କାଟ୍ରିନାଙ୍କ ସହ ପ୍ରଥମ ଥର ଭେଟ କିପରି ଥିଲା? ଉପାସନା କହିଥିଲେ ଯେ, ଖୁବ୍ ଭଲ ଅନୁଭୂତି ଥିଲା । କାଟ୍ରିନାଙ୍କ ପରିବାର ସମ୍ପର୍କରେ ପଚରାଯିବାରୁ ଉପାସନା କହିଥିଲେ ଯେ, ତାଙ୍କ ପରିବାରର ସମସ୍ତ ସଦସ୍ୟ ଖୁବ୍ ଭଲ ।
