World Cup ପୂର୍ବରୁ ଟିମ ଇଣ୍ଡିଆକୁ ଝଟକା: ବଦଳିଗଲେ ଭାରତୀୟ ଦଳର କୋଚ୍
ନୂଆଦିଲ୍ଲୀ: ଦିନିକିଆ ବିଶ୍ୱକପକୁ ଆଉ ମାତ୍ର ୨ ମାସ ବାକି ରହିଛି । ଏହି ସମୟରେ ଭାରତୀୟ ଦଳରେ ବର୍ତ୍ତମାନ ବିଭିନ୍ନ ଏକ୍ସପେରିମେଣ୍ଟ ଦେଖିବାକୁ ମିଳୁଛି । ଦଳରେ ସର୍ବଶ୍ରେଷ୍ଠ ଖେଳାଳିଙ୍କ ଚୟନ ପାଇଁ ପରୀକ୍ଷା ନିରୀକ୍ଷା ଚାଲିଥିବା ବେଳେ ବର୍ତ୍ତମାନ କୋଚ୍ ପଦବୀରେ ବି ବଡ଼ ପରିବର୍ତ୍ତନ ଦେଖାଯାଇଛି । ବିଶ୍ୱକପ ପୂର୍ବରୁ ମୁଖ୍ୟ କୋଚ୍ ରାହୁଲ ଦ୍ରାବିଡଙ୍କୁ କୋଚ୍ ପଦରୁ ବାଦ୍ ଦିଆଯାଇଛି । ଆସନ୍ତା ଆୟରଲାଣ୍ଡ ସିରିଜରେ ନୂଆ କୋଚଙ୍କ ଅଧୀନରେ ଖେଳିବ ବୁମରାହ ବ୍ରିଗେଡ ।
ସୂଚନା ଅନୁସାରେ, ଏକ ବର୍ଷ ପରେ ପୁଣିଥରେ ଆୟରଲାଣ୍ଡ ଗସ୍ତରେ ଯାଉଛି ଟିମ ଇଣ୍ଡିଆ । ଏହି ଟି-୨୦ ସିରିଜ ପାଇଁ ସିନିୟର ଖେଳାଳିଙ୍କୁ ବିଶ୍ରାମ ମିଳିଥିବା ବେଳେ ନେତୃତ୍ୱ ନେଉଛନ୍ତି ୟର୍କର କିଙ୍ଗ ଜଶପ୍ରୀତ ବୁମରାହ । ଆହତ ଯୋଗୁଁ ବର୍ଷେ ପର୍ଯ୍ୟନ୍ତ ଦଳରୁ ବାଦ୍ ପଡ଼ିବା ପରେ ଏହି ସିରିଜ ସହ ବୁମରାହ ଦଳକୁ କମବ୍ୟାକ କରିବାକୁ ଯାଉଛନ୍ତି । ଏହାବ୍ୟତୀତ ଆୟରଲାଣ୍ଡ ବିପକ୍ଷ ସିରିଜ ପାଇଁ ମୁଖ୍ୟ କୋଚ ପଦବୀରେ ମଧ୍ୟ ପରିବର୍ତ୍ତନ ଦେଖିବାକୁ ମିଳିଛି । ଏହି ସରିଜରେ ଭାରତୀୟ ଦଳର ମୁଖ୍ୟ କୋଚ ରାହୁଲ ଦ୍ରାବିଡଙ୍କୁ ଦଳର କୋଚ ଭାବରେ ଦେଖିବାକୁ ମିଳିବନି । ଏହାସହିତ ଅନ୍ୟ କୋଚିଂ ଷ୍ଟାଫ ମଧ୍ୟ ଏହି ସିରିଜରେ ବିଶ୍ରାମ ନେଇଛନ୍ତି । ଏହି ସିରିଜ ପାଇଁ ଏନସିଏର ମୁଖ୍ୟ ଭିଭିଏସ ଲକ୍ଷ୍ମଣଙ୍କୁ କୋଚ୍ ପଦବୀ ଦିଆଯାଇଥିଲା । କିନ୍ତୁ ବର୍ତ୍ତମାନ ଜଣାଯାଇଛି ଯେ, ସେ ମଧ୍ୟ କୋଚ୍ ଭାବରେ ଆୟଲାଣ୍ଡ ଗସ୍ତରେ ଯାଇ ପାରିବେ ନାହିଁ । ଅର୍ଥାତ୍ ଭାରତୀୟ ଦଳ ମୁଖ୍ୟ କୋଚଙ୍କ ବିନା ଆୟରଲାଣ୍ଡ ସିରିଜ ଖେଳିବାକୁ ଯିବ ।
ଗତବର୍ଷ ଆୟରଲାଣ୍ଡ ବିପକ୍ଷ ସିରିଜରେ ଯିମ ଇଣ୍ଡିଆର ମୁଖ୍ୟ କୋଚ ଭାବରେ ଦାୟିତ୍ୱ ନେଇଥିଲେ ଭିଭିଏସ ଲକ୍ଷ୍ମଣ । କିନ୍ତୁ ଚଳିତଥର ସେ ଏହି ଦାୟିତ୍ୱରୁ ଓହରିଯିବା ପରେ ସିତାଂଶୁ କୋଟକ କିମ୍ବା ସାଇରାଜ ବହୁତୁଳେଙ୍କୁ କୋଚିଂ ଷ୍ଟାଫ ଭାବରେ ପଠାଇପାରେ ବିସିସିଆଇ । ଆୟଲାଣ୍ଡ ବିପକ୍ଷରେ ଭାରତ ୩ଟି ଟି-୨୦ ମ୍ୟାଚ ଖେଳିବ । ଅଗଷ୍ଟ ୧୮ ତାରିଖରେ ପ୍ରଥମ ଟି-୨୦ ଖେଳାଯିବାକୁ ଥିବା ବେଳେ ଦ୍ୱିତୀୟମ୍ୟାଚ ୨୦ ଏବଂ ୨୩ ତାରିଖରେ ତୃତୀୟ ତଥା ଶେଷ ମ୍ୟାଚ ଖେଳାଯିବ ।
NEWS 🚨- @Jaspritbumrah93 to lead #TeamIndia for Ireland T20Is.
Team – Jasprit Bumrah (Capt), Ruturaj Gaikwad (vc), Yashasvi Jaiswal, Tilak Varma, Rinku Singh, Sanju Samson (wk), Jitesh Sharma (wk), Shivam Dube, W Sundar, Shahbaz Ahmed, Ravi Bishnoi, Prasidh Krishna, Arshdeep…
— BCCI (@BCCI) July 31, 2023
ଆୟରଲାଣ୍ଡ ବିପକ୍ଷରେ ଭାରତୀୟ ଦଳ: ଜଶପ୍ରୀତ ବୁମରାହ(ଅଧିନାୟକ), ଋତୁରାଜ ଗାଏକ୍ୱାଡ(ଉପ-ଅଧିନାୟକ), ଯଶସ୍ୱୀ ଜଏସ୍ୱାଲ, ତିଲକ ବର୍ମା, ରିଙ୍କୁ ସିଂହ, ସଞ୍ଜୁ ସାମସନ, ଜିତେଶ ଶର୍ମା, ଶିବମ ଦୁବେ, ୱାଶିଂଟନ ସୁନ୍ଦର, ଶହବାଜ ଅହମଦ, ରବି ବିଷ୍ଣୋଇ, ପ୍ରସିଦ୍ଧ କୃଷ୍ଣା, ଅର୍ଶଦୀପ ସିଂହ, ମୁକେଶ କୁମାର ଏବଂ ଆଭେଶ ଖାନ୍
