ଆକାଶରେ ହୋଇଗଲା ଅଘଟଣ: କାହିଁକି ଅଧାରୁ ଫେରିଲା ଇଣ୍ଡିଗୋ ବିମାନ?

ନୂଆଦିଲ୍ଲୀ: ମଝି ଆକାଶରୁ ପ୍ରତ୍ୟାବର୍ତ୍ତନ କରିଛି ଇଣ୍ଡିଗୋ ବିମାନ । ଦିଲ୍ଲୀ ଯାଉଥିବା ସମୟରେ ଅଘଟଣ ଘଟିଯିବାରୁ ବାଧ୍ୟ ହୋଇ ବିମାନ ଫେରି ଆସିଛି । ବିମାନ ସହ ଏଭଳି ଏକ ଅଘଟଣ ଘଟିବା ପରେ ଦିଲ୍ଲୀ ପରିବର୍ତ୍ତେ ଗୌହାଟୀକୁ ଫେରିଛି ଇଣ୍ଡିଗୋ ବିମାନ । ବିମାନର ୧ ନମ୍ବର ଇଞ୍ଜିନରେ ତ୍ରୁଟି ପରିଲକ୍ଷିତ ହୋଇଛି ।

ସୂଚନା ଅନୁସାରେ, ଇଣ୍ଡିଗୋ 6E-6394 ବିମାନ ଗୌହାଟୀରୁ ଦିଲ୍ଲୀ ପାଇଁ ଉଡାଣ ଭରିଥିଲା । କିନ୍ତୁ ମଝି ଆକାଶରେ ବିମାନ ସହ ଅଘଟଣ ଘଟିଯାଇଛି । ବିମାନାରେ ବାର୍ଡ ଡିଟ ନେଇ ସନ୍ଦେହ କରାଯାଉଛି । ବାର୍ଡ ହିଟ ପରେ ଦିଲ୍ଲୀ ଯିବା ପରିବର୍ତ୍ତେ ପୁଣଶି ଥରେ ଗୌହାଟୀକୁ ଫେରିଛି ଇଣ୍ଡିଗୋ ବିମାନ । ଏଭଳି ଏକ ଅଘଟଣ ଯୋଗୁଁ ବିମାନର ୧ ନମ୍ବର ଇଞ୍ଜିନରେ ତ୍ରୁଟି ପରିଲକ୍ଷିତ ହୋଇଛି । ମାତ୍ର ୧୬୦୦ ଫୁଟ ଉପରେ ବିମାନ ଉଡୁଥିବା ସମୟରେ ବାର୍ଡ ହିଟ ଭଳି ଘଟଣା ଘଟିଥିବା ନେଇ ସୂଚନା ମିଳିଛି ।