ଅଭିଯୁକ୍ତକୁ ଧରିବାର ପ୍ରୟାସ କନେଷ୍ଟବଳଙ୍କୁ ପଡିଲା ମହଙ୍ଗା, ହରାଇଲେ ପତ୍ନୀ ଓ ଝିଅଙ୍କୁ
ରାୟପୁର: ଛତିଶଗଡର ସୁରଜପୁର ଜିଲ୍ଲାରେ ହଇଚଇ । ମାଆ, ଝିଅଙ୍କ ହତ୍ୟା ଘଟଣାକୁ ନେଇ ଅଞ୍ଚଳରେ ଉତ୍ତେଜନା । ଅଭିଯୁକ୍ତର ଘରେ ନିଆଁ ଲଗାଇଦେଲେ ସ୍ଥାନୀୟ ବାସିନ୍ଦା । ପୁଲିସ କର୍ମୀଙ୍କୁ ହତ୍ୟାକରିବାରେ ବିଫଳ ହେବାରୁ ପ୍ରତିଶୋଧ ପରାୟଣ ହୋଇ ଏମିତି ନାରକୀୟ କାଣ୍ଡ ଭିଆଇଛି ଅଭିଯୁକ୍ତ । ସବୁଠୁ ବଡ କଥା ଅଭିଯୁକ୍ତ ହେଉଛି ଜଣେ କଂଗ୍ରେସ ନେତା ।
ସୂଚନା ମୁତାବକ, କଂଗ୍ରେସର ଜିଲ୍ଲା ଯୁବ ମହାସଚିବ କୁଲଦୀପ ସାହୁ ଜଣେ ପେସାଦାର ଅପରାଧୀ । ତା ନାଁରେ ବିଭିନ୍ନ ଅଭିଯୋଗ ରହିଛି । ଏକ ଅଭିଯୋଗକୁ ନେଇ ପୋଲିସ ତାଙ୍କୁ ଗିରଫ କରିବାକୁ ଗୋଡାଇବା ସମୟରେ ସେ ଓଲଟା ପୋଲିସକୁ ଗାଡି ଚଢାଇ ମାରିବାକୁ ଚେଷ୍ଟା କରିବା ସହ ସେଠାରୁ ଫେରାର ହୋଇଯାଇଥିଲା । ଏମିତି କି ଜଣ ପୋଲିସ କର୍ମୀ ଉପରେ ଗରମ ତେଲ େଫୋପାଡି ଥିଲା । ଏହି ଘଟଣାରେ କନେଷ୍ଟବଳ ତାଲିବ ସେଖ ତାଙ୍କୁ ଧରିବାକୁ ତାଙ୍କ ପଛରେ ଗୋଡାଇଥିଲା ।
କୁଲଦୀପ ଘରେ ପୋଲିସ ପସି ଖୋଜିବା ବେଳେ ସେ ଫେରାର ହୋଇଯାଇଥିଲେ । ଶେଖ ନିଜ ଘରକୁ ଆସନ୍ତି ତ ଦେଖିଲେ କି, ଘରର କବାଟ ଭଙ୍ଗା ଯାଇଛି ଓ ଘରେ ତାଙ୍କ ସ୍ତ୍ରୀ ଓ ଝିଅ ନାହାନ୍ତି । ସେ ଓ ପାଖ ପଡିଶା ମା-ଝିଅଙ୍କୁ ବହୁ ଖୋଜିବା ପରେ ପାଖ ବିଲରୁ ଉଭୟଙ୍କ ଅର୍ଦ୍ଧନଗ୍ନ ଶବ ମିଳିଥିଲା । ଉଭୟଙ୍କ ଦେହରେ ଛୁରା ମାଡର ଚିହ୍ନ ରହିଥିଲା । ପୋଲିସ କୁଲଦୀପକୁ ଧରିବାକୁ ଏଣେତେଣେ ଖୋଜାଖୋଜି ଆରମ୍ଭ କରୁଥିବା ବେଳେ ସ୍ଥାନୀୟ ଲୋକଙ୍କ ଭିତରେ ଏହି ଖବର ବ୍ୟାପୀଯାଇଥିଲା ।
ଉତ୍ୟକ୍ତ ଲୋକ କୁଲଦୀପଙ୍କ ଘର ସମ୍ମୁଖରେ ପହଞ୍ଚି ଘର ଆଗରେ ଥିବା ଗାଡି ସବୁକୁ ଜାଳିବା ସହ ଘର ଓ ଗୋଦାମରେ ମଧ୍ୟ ନିଆଁ ଲଗାଇ ଦେଇଥିଲେ । ତେବେ କୁଲଦୀପ ଓ ତାର ପରିବାର ବର୍ଗ ସେତେବେଳକୁ ଘରୁ ଫେରାର ହୋଇଯାଇଥିଲେ । ହଜାର ହଜାର ସଂଖ୍ୟାରେ ଲୋକ ରାସ୍ତାକୁ ଓହ୍ଲାଇବା ସହ ମାଆ- ଝିଅଙ୍କ ପାଇଁ ଲଢେଇ କରିବା ଆରମ୍ଭ କରିଛନ୍ତି । ପୋଲିସ ପ୍ରଶାସନ ଲୋକଙ୍କୁ ବୁଝାଇବାକୁ ଚେଷ୍ଟା କରୁଛି । ଲୋକଙ୍କୁ ପୋଲିସ ଉପରେ ବିଶ୍ୱାସ ରଖିବାକୁ ଅପିଲ କରାଯାଉଛି । କିନ୍ତୁ ଲୋକଙ୍କ ଆକ୍ରୋଶ ଥମିବାର ନାଁ ନେଉନାହିଁ ।
छत्तीसगढ़ में आज फिर धुआँ उठा है
सूरजपुर में एक बदमाश ने पुलिसवाले के घर में घुसकर पत्नी और छोटी बच्ची को मार डाला।
आज ग़ुस्साए लोगों ने आरोपी के कबाड़ी दुकान में आग लगा दी है।
रात को पुलिसवाले पर गर्म तेल आरोपी ने हमला भी किया था। pic.twitter.com/ktf1SZrZx8— Yogendra Patel Tilda Neora (@YNeora) October 14, 2024
