ପୁଣି ରାଜ୍ୟ ଉପରେ ଦୋଷ ଲଦିଲେ କେନ୍ଦ୍ର ସରକାର, ମନ୍ତ୍ରୀ କହିଲେ ମହଙ୍ଗା ବିମାନ ଯାତ୍ରା ପାଇଁ ଅଣ-ବିଜେପି ଶାସିତ ରାଜ୍ୟ ଦାୟୀ
ନୂଆଦିଲ୍ଲୀ: ତେଲ ଦର ବୃଦ୍ଧିକୁ ନେଇ ପୁଣି ଥରେ କେନ୍ଦ୍ର ସରକାର ଅଣ -ବିଜେପି ଶାସିତ ରାଜ୍ୟ ଗୁଡ଼ିକୁ ଟାର୍ଗେଟ କରିଛନ୍ତି । ପୁର୍ବ ବେସାମରିକ ମନ୍ତ୍ରୀ କହିଛନ୍ତି ଯେ, ଦିଲ୍ଲୀ, ମହାରାଷ୍ଟ୍ର ଏବଂ ପଶ୍ଚିମବଙ୍ଗ ଭଳି ରାଜ୍ୟ ଗୁଡ଼ିକ ବିମାନ ଟର୍ବାଇନ ଇନ୍ଧନ(ଏଟିଏଫ) ଉପରେ ୨୫ ପ୍ରତିଶତ ଭାଟ୍ ଲଗାଇଛନ୍ତି । ଯାହା କାରଣରୁ ବିମାନ ଟିକେଟ ଦର ବୃଦ୍ଧି ପାଇଛି ।
କେନ୍ଦ୍ର ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ୍ ମନ୍ତ୍ରାଳୟ ଦାୟିତ୍ୱରେ ଥିବା ହରଦୀପ ସିଂ ପୁରୀ ଏକ ଟ୍ୱିଟ୍ କରି କହିଛନ୍ତି ଯେ, ବିମାନ ପରିଚାଳନା କରିବା କ୍ଷେତ୍ରରେ ୪୦% ଏଟିଏଫର ହୋଇଥାଏ । ଯଦି ଏଟିଏଫ ମହଙ୍ଗା ହୁଏ, ତେବେ ବିମାନ ଟିକେଟ୍ ଦାମ ମଧ୍ୟ ବୃଦ୍ଧି ପାଇବ ।
ସେ ଏହା ମଧ୍ୟ କହିଛନ୍ତି ଯେ, ବିଜେପି ଶାସିତ ରାଜ୍ୟ ମାନଙ୍କରେ ଭାଟ୍ ନା ବରାବର ରହିଛି । ଏହି ସମୟରେ ସେ ଉତ୍ତରପ୍ରଦେଶମ, ନାଗାଲାଣ୍ଡ ଏବଂ ଜାମ୍ମୁ କାଶ୍ମୀର ଭଳି ରାଜ୍ୟ ଗୁଡ଼ିକର ଉଦାହରଣ ଦେଇଥିଲେ । ଯେଉଁଠାରେ ମାତ୍ର ଏକ ପ୍ରତିଶତ ଭାଟ୍ ଲାଗୁ ହୋଇଛି । ପୁରୀ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ନିଶ୍ଚିତ କରିଛନ୍ତି ଯେ ବିମାନରେ ଯାତ୍ରା କରିବା ଏତେ ଶସ୍ତା ହେବ ଯେ ସାଧାରଣ ଲୋକ ମଧ୍ୟ ଜାହାଜରେ ଯାତ୍ରା କରିପାରିବେ, କିନ୍ତୁ ଏହି ରାଜ୍ୟଗୁଡ଼ିକ ଏଥିରେ ବାଧା ସୃଷ୍ଟି କରିଛନ୍ତି।