ବସ୍ତା ଭିତରୁ ଉଦ୍ଧାର ହେଲା ଯୁବକଙ୍କ ଗଳିତ ମୃତଦେହ: କେହି ଦୁର୍ବୁତ୍ତ ହତ୍ୟା କରି ଫିଙ୍ଗିଦେଇଥିବା ଅନୁମାନ

ସୁନ୍ଦରଗଡ଼: ରାସ୍ତା କଡ଼ରୁ ମିଳିଲା ଯୁବକଙ୍କ ଅର୍ଦ୍ଧଗଳିତ ମୃତଦେହ । ବଡ଼ଗାଁ ଥାନା ଗରିଆମାଲ ନିକଟ ୧୦ ନଂ ରାଜ୍ୟ ରାଜପଥରୁ ଏକ ବସ୍ତା ଭିତରୁ ଉଦ୍ଧାର ହେଲା ଯୁବକଙ୍କ ଗଳିତ ମୃତଦେହ । ଯୁବକଙ୍କୁ ହତ୍ୟା ପରେ ଅଖାରେ ମୃତଦେହ ପୂରାଇ କେହି ଫିଙ୍ଗିଥିବା ସନ୍ଦେହ କରାଯାଉଛି ।

ସୂଚନା ଅନୁଯାୟୀ, ରାସ୍ତା କଡ଼ରେ ଗୋଟିଏ ବସ୍ତା ପଡିଥିବା ଦେଖି ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ, ପୋଲିସ ବସ୍ତାର ଯାଞ୍ଚ କରିବା ପରେ ଏଥିରେ ମୃତଦେହ ମଳିଥିଲା । ମୃତ ଶରୀରଟି ଜଣେ ପୁରୁଷ ର ହୋଇଥିବାବେଳେ ତାର ବୟସ ପାଖାପାଖି 35 ବର୍ଷ ହୋଇଥିବା ଅନୁମାନ୍ କରାଯାଉଛି , ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳି ନଥିବାବେଳେ ଘଟଣା ସ୍ଥଳରେ ବଡ଼ଗାଁ ପୋଲିସ ଓ ସାଇଣ୍ଟିଫିକ ଟିମର ତଦନ୍ତ ଜାରି ରହିଛି , କେହି ଦୁବୃର୍ତ୍ତ ହତ୍ୟା କରି ଏଭଳି କାଣ୍ଡ ଘଟାଇଥିବା ସନ୍ଦେହ କରାଯାଉଛି ।