Video: ପୁଞ୍ଚ-ଜାମ୍ମୁ ଜାତୀୟ ରାଜପଥରେ ସେନା ଗାଡିରେ ଲାଗିଲା ନିଆଁ, ଦୁର୍ଘଟଣାରେ ୪ ସୈନିକ ସହିଦ
ନୂଆଦିଲ୍ଲୀ: ଗୁରୁବାର ଜାମ୍ମୁ କାଶ୍ମୀରରେ ଏକ ବଡ଼ ଦୁର୍ଘଟଣା ଘଟିଛି । ପୁଞ୍ଚ-ଜାମ୍ମୁ ଜାତୀୟ ରାଜପଥରେ ଏକ ସେନା ଗାଡିରେ ଏକ ବଡ଼ ଧରଣର ଅଗ୍ନିକାଣ୍ଡ ଘଟିଥିଲା । ଏହି ଦୁର୍ଘଟଣାରେ ଅତି କମରେ ୪ ଜଣ ସୈନିକ ସହିଦ ହେବା ସୂଚନା ମିଳିଛି । ଏହି ଦୁର୍ଘଟଣା ଭାଟୁଡୁୟାନ ଅଞ୍ଚଳରେ ଘଟିଛି । ସୂଚନା ପାଇବା ମାତ୍ରେ ସେନାର ଉଚ୍ଚ ପଦାଧିକାରୀମାନେ ଘଟଣାସ୍ଥଳରେ ପହଞ୍ଚିଛନ୍ତି । ବାର୍ତ୍ତମାନ ମାମଲାର ତଦନ୍ତ ଚାଲିଛି ।
ସୂଚନା ଅନୁସାରେ ବିଦ୍ୟୁତ୍ ତାର ଖସିବା କାରଣରୁ ଟ୍ରକ୍ରେ ନିଆଁ ଲାଗିଥିଲା । କିନ୍ତୁ ଏହା ତଦନ୍ତ ପରେ ହିଁ ଷ୍ପଷ୍ଟ ହେବ । ତେବେ ବାର୍ତ୍ତମାନ ପର୍ଯ୍ୟନ୍ତ ଏହି ଘଟଣାରେ ସହିଦ ଯବାନଙ୍କ ସଂଖ୍ୟା ସମ୍ପର୍କରେ ସେନାର କୌଣସି ପ୍ରତିକ୍ରିୟା ଆସି ନାହିଁ ।
ଏହି ଘଟଣାର ଭିଡିଓ ଏବେ ସାମ୍ନାକୁ ଆସିଛି, ଯେଉଁଥିରେ ଦେଖିବାକୁ ମିଳୁଛି ଯେ, ସୈନିକ ମାନଙ୍କୁ ନେଇ ଯାଉଥିବା ଏକ ଟ୍ରକ୍ରେ ଭୟଙ୍କର ଭାବେ ନିଆଁ ଲାଗି ଜଳୁଛି । ନିକଟରେ ଥିବା ଲୋକମାନେ ଏହି ଘଟଣାର ଖବର ପାଇ ସେଠାରେ ଆସି ପହଞ୍ଚୁଥିବା ମଧ୍ୟ ଦେଖିବାକୁ ମିଳିଥିଲା ।
VIDEO | Indian Army vehicle catches fire in Jammu and Kashmir's Poonch sector. More details are awaited. pic.twitter.com/E4gyvthM54
— Press Trust of India (@PTI_News) April 20, 2023
