ପୁଣି କମ୍ପିଲା ପୃଥିବୀ ; ନ୍ୟୁଜିଲ୍ୟାଣ୍ଡରେ ଶକ୍ତିଶାଳୀ ଭୂକମ୍ପ , ରିକ୍ଟର ସ୍କେଲରେ ତୀବ୍ରତା ୭. ୧

ନୂଆଦିଲ୍ଲୀ : ଗୁରୁବାର ସକାଳେ ନ୍ୟୁଜିଲାଣ୍ଡରେ ଭୂମିକମ୍ପ ଅନୁଭୂତ ହୋଇଥିଲା। ରିଚ୍ଟର ସ୍କେଲରେ ଭୂକମ୍ପ କମ୍ପନର ତୀବ୍ରତା ୭. ୧ ଥିଲା । କୁହାଯାଉଛି ଯେ ନ୍ୟୁଜିଲ୍ୟାଣ୍ଡର କରମାଡେକ୍ ଦ୍ୱୀପରେ ଏହି ଭୂକମ୍ପ ଘଟିଛି। ଚୀନ ଭୂକମ୍ପ ନେଟୱାର୍କ କେନ୍ଦ୍ର (CENC) ଅନୁଯାୟୀ, ନ୍ୟୁଜିଲ୍ୟାଣ୍ଡରେ ଚୀନ ସମୟ ରାତି ୮.୫୬ ରେ ଏହି ଭୂକମ୍ପ ଘଟିଛି।
ଆମେରିକାର ଭୂତତ୍ତ୍ୱ ସର୍ବେକ୍ଷଣ ଅନୁଯାୟୀ ଏହି ଭୂକମ୍ପର ମାତ୍ରା ୭.୧ ଥିଲା। ଭୂକମ୍ପର କେନ୍ଦ୍ରସ୍ଥଳ ଭୂମି ଭିତରେ ୧୦ କିଲୋମିଟର ଥିଲା। ଭୂକମ୍ପ ପରେ ସୁନାମି ସତର୍କ ସୂଚନା ଜାରି କରାଯାଇଛି।

ସୂଚନାଯୋଗ୍ୟ, ଗତକାଲି ଚୀନରେ ଭୂକମ୍ପ ଝଟକା ଅନୁଭୂତ ହୋଇଥିଲା । ଫେବୃଆରୀ ୬ ରେ ତୁର୍କୀ ଏବଂ ସିରିଆରେ ବହୁତ ଶକ୍ତିଶାଳୀ ଭୂକମ୍ପ ଅନୁଭୂତ ହୋଇଥିଲା। ରିକ୍ଟର ସ୍କେଲରେ ଏହାର ତୀବ୍ରତା ୭.୮ ଥିଲା। ଏହି ଭୂକମ୍ପର କେନ୍ଦ୍ରସ୍ଥଳ ଦକ୍ଷିଣ ତୁର୍କୀର ଗାଜିଆଣ୍ଟେପ ଥିଲା। ଏହା ସିରିଆ ଏବଂ ତୁର୍କୀର ସୀମାରେ ଅଛି । ଏଭଳି ପରିସ୍ଥିତିରେ ଭୂକମ୍ପ ଉଭୟ ଦେଶରେ ବ୍ୟାପକ ଧ୍ୱଂସ ଘଟାଇଥିଲା। ଏଥିରେ ୫୦ ହଜାର ଲୋକ ପ୍ରାଣ ହରାଇଲେ। ଲକ୍ଷ ଲକ୍ଷ ଆପାର୍ଟମେଣ୍ଟ ମଧ୍ୟ ନଷ୍ଟ ହୋଇଯାଇଥିଲା।