ସ୍ୱାସ୍ଥ୍ୟସେବା କ୍ଷେତ୍ରରେ ‘ଆମ୍ରି’ର ଆଉ ଏକ ପଦକ୍ଷେପ: ହସ୍ପିଟାଲ ପକ୍ଷରୁ ମାଗଣା ପରାମର୍ଶ ଶିବିର ଆୟୋଜନ

ଭୁବନେଶ୍ଵର: ସ୍ୱାସ୍ଥ୍ୟ ସେବା ଯୋଗାଇ ଦେବା କ୍ଷେତ୍ରରେ ପାରଦର୍ଶିତା ଲାଭ କରିଛି ଆମ୍ରି ହସ୍ପିଟାଲ। ଲୋକଙ୍କୁ ଭରସାଯୋଗ୍ୟ ଓ ସୁଲଭ ସ୍ୱାସ୍ଥ୍ୟ ସେବା ଯୋଗାଇବାରେ ଏହା ସର୍ବଦା ବଦ୍ଧପରିକର। ପୂର୍ବ ଭାରତର ଏହି ଅଗ୍ରଣୀ ସ୍ୱାସ୍ଥ୍ୟସେବା ଅନୁଷ୍ଠାନ ଆମ୍ରି ହସ୍ପିଟାଲ ଜନସାଧାରଣଙ୍କ ସେବା ଯୋଗାଇବା ନିମନ୍ତେ ପୁଣି ଆଉ ଏକ ପଦକ୍ଷେପ ଗ୍ରହଣ କରିଛି। ଆମ୍ରି ହସ୍ପିଟାଲ ପରିସରରେ ଏକ ନୂଆ ଲିଭର କ୍ଲିନିକର ଶୁଭାରମ୍ଭ କରିଛି। ଆସନ୍ତା ମେ ୮ ତାରିଖରେ ଏକ ମାଗଣା ଯକୃତ ସ୍ୱାସ୍ଥ୍ୟ ପରୀକ୍ଷା ଓ ପରାମର୍ଶ ଶିବିର ଆୟୋଜନ କରିବ ଆମ୍ରି ହସ୍ପିଟାଲ ।

ଲିଭର ପ୍ରତିରୋପଣ ସର୍ଜନ ଡକ୍ଟର ରାଜଶେଖର କେ କହିଛନ୍ତି, ଯକୃତ ରୋଗର ଶେଷ ପର୍ୟ୍ୟାୟରେ ଯକୃତ ପ୍ରତିରୋପଣ କରିବା ଦ୍ୱାରା ନିଶ୍ଚୟ ଏହି ସମସ୍ୟାର ସମାଧାନ ହୋଇପାରିବ। ଯକୃତ ରୋଗରୁ ସମ୍ପୂର୍ଣ୍ଣ ସୁସ୍ଥ ହେବାକୁ ହେଲେ ଠିକ୍ ସମୟରେ ପରାମର୍ଶ ଏବଂ ଅସ୍ତ୍ରୋପଚାର ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଆମ୍ରି ହସ୍ପିଟାଲର ପରିସରରେ ଲିଭର କ୍ଲିନିକ୍ ଉଦଘାଟନୀ ଦିବସରେ ସେଠାକୁ ଯାଇ ଡାକ୍ତରଙ୍କ ପାଖରୁ ସଠିକ୍ ପରାମର୍ଶ ନେବା ପାଇଁ ଆମେ ସମସ୍ତଙ୍କୁ ଉତ୍ସାହିତ କରୁଛୁ। ଏହି ଅବସରରେ ଆମ୍ରି ହସ୍ପିଟାଲର ମେଡିକାଲ ଗ୍ୟାଷ୍ଟ୍ରୋଏଣ୍ଟ୍ରୋଲୋଜିର ବରିଷ୍ଠ ପରାମର୍ଶଦାତା ଡାକ୍ତର ପ୍ରତାପ ବେହେରା ସ୍ୱାସ୍ଥ୍ୟ ଉପରେ ଯକୃତର ଗୁରୁତ୍ବପୂର୍ଣ୍ଣ ଭୂମିକା ଉପରେ ଗୁରୁତ୍ବାରୋପ କରି କହିଥିଲେ, ଆମ ଲିଭର ସାମଗ୍ରିକ ସ୍ୱାସ୍ଥ୍ୟ ବଜାୟ ରଖିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥାଏ। ସନ୍ତୁଳିତ ଖାଦ୍ୟ ଗ୍ରହଣ କରିବା, ନିୟମିତ ବ୍ୟାୟାମ ଏବଂ ମଦ୍ୟପାନକୁ ନିୟନ୍ତ୍ରଣ କରିବା ଭଳି ସରଳ ଜୀବନଶୈଳୀ ଯକୃତ ରୋଗର ଆଶଙ୍କାକୁ ଯଥେଷ୍ଟ ହ୍ରାସ କରିପାରେ।

ସେହିପରି ଗ୍ୟାଷ୍ଟ୍ରୋ-ଏଣ୍ଟ୍ରୋଲୋଜିର ପରାମର୍ଶଦାତା ଡାକ୍ତର ଜ୍ଞାନରଞ୍ଜନ ରାଉତ ଯକୃତ ରୋଗ ଉପରେ ଆଲୋକପାତ କରି ଉଦବେଗ ପ୍ରକାଶ କରି କହିଥିଲେ, କ୍ରନିକ୍ ଲିଭର ରୋଗ ପ୍ରାୟତଃ ଜନସାଧାରଣଙ୍କୁ ପ୍ରଭାବିତ କରିଥାଏ। ଏହା ଅନେକ ସମୟରେ ଗମ୍ଭୀର ଜଟିଳତା ସୃଷ୍ଟି କରିଥାଏ। ଏଣୁ ଯକୃତ ସ୍ୱାସ୍ଥ୍ୟ ଉପରେ ଏହି ଉତ୍ସର୍ଗୀକୃତ ଦିନ ପାଇଁ ମେ ୮ରେ ଆମ୍ରି ସହ ଯୋଡି ହେବାକୁ ଏବଂ ସୁସ୍ଥ ଯକୃତ ପାଇଁ ସକ୍ରିୟ ପଦକ୍ଷେପ ନେବା ପାଇଁ ଡକ୍ଟର ରାଉତ ଆହ୍ୱାନ ଦେଇଥିଲେ। ମାଗଣା ଲିଭର ସ୍ୱାସ୍ଥ୍ୟ ପରୀକ୍ଷା ଶିବିରରେ ଅଂଶଗ୍ରହଣକାରୀମାନେ ପ୍ରଶଂସନୀୟ ପରାମର୍ଶ ଦ୍ୱାରା ଉପକୃତ ହୋଇପାରିବେ। ଏକ ବିଶେଷଜ୍ଞ ଟିମର ମାର୍ଗଦର୍ଶନରେ ଯକୃତର ସୁସ୍ଥତା ସୁନିଶ୍ଚିତ କରିବାର ସୁଯୋଗ ପାଇବେ ଅଂଶଗ୍ରହଣକାରୀ। ଲିଭରର ସଠିକ୍ ଯତ୍ନ ନେବା ପାଇଁ ଗ୍ୟାଷ୍ଟ୍ରୋଏଣ୍ଟ୍ରୋଲୋଜିଷ୍ଟ ଡାକ୍ତର ପ୍ରତାପ ବେହେରା ଓ ଡାକ୍ତର ଜ୍ଞାନରଞ୍ଜନ ରାଉତଙ୍କଠାରୁ ଉଚିତ୍ ପରାମର୍ଶ ପାଇ ପାରିବେ। ଅଭିଜ୍ଞ ଡାକ୍ତରଙ୍କ ଠାରୁ ସମ୍ପୂର୍ଣ୍ଣ ଡାଇଗ୍ନୋଷ୍ଟିକ୍ ସମର୍ଥନ ପାଇବା ସହ ରେଡିଓଲୋଜିକାଲ୍ ମାଧ୍ୟମରେ ଯକୃତର ରୋଗକୁ ଚିହ୍ନଟ କରିପାରିବେ।

ଆମ୍ରି ହସ୍ପିଟାଲ ହେଉଛି ପୂର୍ବ ଭାରତର ସର୍ବବୃହତ ଘରୋଇ ସ୍ୱାସ୍ଥ୍ୟସେବା ଅନୁଷ୍ଠାନ। ଏହାର ଓଡ଼ିଶାର ଭୁବନେଶ୍ୱରରେ ଚାରିଟି ମଲ୍ଟି ସ୍ପେଶାଲିଟି ହସ୍ପିଟାଲ ରହିଛି। ପ୍ରାୟ ୧୨୦୦ ଶଯ୍ୟା ଏବଂ ଅତ୍ୟାଧୁନିକ ସୁବିଧା ସହିତ ଆମ୍ରି ଉଦାହରଣମୂଳକ କ୍ଲିନିକାଲ୍ ଟେଷ୍ଟିଂ ଏବଂ ଗୁଣାତ୍ମକ ସେବା ପ୍ରଦାନ କରୁଛି। ଏଠାରେ ବିଶିଷ୍ଟ ଡାକ୍ତର, ଉତ୍ତମ ପ୍ରଶିକ୍ଷିତ ନର୍ସିଂ ଏବଂ ପାରାମେଡିକାଲ କର୍ମଚାରୀଙ୍କ ଦ୍ୱାରା ଉନ୍ନତ ଚିକିତ୍ସା ସୁବିଧା ପ୍ରଦାନ କରିବାରେ ଏକ ଭରସାଯୋଗ୍ୟ ସ୍ୱାସ୍ଥ୍ୟ ସେବା ଅନୁଷ୍ଠାନ।