ଏପ୍ରିଲ ୩୦ରେ ଦେଖାଯିବ ବର୍ଷର ପ୍ରଥମ ସୂର୍ଯ୍ୟପରାଗ: ବଦଳିଯିବ ଏହି ୪ ରାଶିର ବ୍ୟକ୍ତିଙ୍କ ଭାଗ୍ୟ
ନୂଆଦିଲ୍ଲୀ: ୨୦୨୨ ମସିହାରେ ଦୁଇଟି ସୂର୍ଯ୍ୟପରାଗ ହେବ । ବର୍ଷର ପ୍ରଥମ ସୂର୍ଯ୍ୟପରାଗ ଏପ୍ରିଲ ୩୦ରେ ଲାଗିବ । ଏହା ଆଂଶିକ ସୂର୍ଯ୍ୟପରାଗ ହେବ । ଦ୍ୱିତୀୟ ସୂର୍ଯ୍ୟପରାଗ ୨୫ ଅକ୍ଟୋବରରେ ଲାଗିବ । ଏହା ମଧ୍ୟ ଏକ ଆଂଶିକ ସୂର୍ଯ୍ୟ ଗ୍ରହଣ ହେବ ବୋଲି ସୂଚନା ।
ଜ୍ୟୋତିଷ ଶାସ୍ତ୍ର ଅନୁସାରେ, ବର୍ଷର ପ୍ରଥମ ସୂର୍ଯ୍ୟପରାଗ ମଧ୍ୟରାତ୍ରି ୧୨:୧୫ ରୁ ରେ ଆରମ୍ଭ ହେବ, ଯାହାକି ମେ’୧ ସକାଳ ୦୪:୦୭ ପର୍ଯ୍ୟନ୍ତ ରହିବ । ଏହି ସୂର୍ଯ୍ୟପରାଗ ମେଷ ରାଶିରେ ଲାଗିବ । ଭାରତରେ ଏହା ଦୃଶ୍ୟମାନ ହେବ ନାହିଁ ଓ ଏହାର ସୂତକ କାଳ ମଧ୍ୟ ପାଳନ କରାଯିବନି । ଏହି ପରାଗ ପ୍ରଶାନ୍ତ ମହାସାଗର, ଆଟଲାଣ୍ଟିକ୍, ଆଣ୍ଟାର୍କଟିକା ଏବଂ ଦକ୍ଷିଣ ଆମେରିକାର ଦକ୍ଷିଣ-ପଶ୍ଚିମ ଭାଗରେ ଦୃଶ୍ୟମାନ ହେବ ।
ରାଶି ଉପରେ ପ୍ରଭାବ:
ବୃଷ- ବୃଷ ରାଶିର ଲୋକମାନଙ୍କ ପାଇଁ ଏହି ସୂର୍ଯ୍ୟପରାଗ ଶୁଭ ହେବାକୁ ଯାଉଛି । ଏହି ସମୟରେ ଆପଣଙ୍କର ଆର୍ଥିକ ସ୍ଥିତିରେ ଉନ୍ନତି ହେବ । ଆପଣଙ୍କ ଅସମାପ୍ତ କାମ ସରିଯିବ । ଯାହା ବି କାମ କର, ସେଥିରେ ସଫଳ ହେବେ । ଯାତ୍ରା କରିବା ଲାଭଦାୟକ ହେବ । ସମ୍ପତ୍ତିରେ ନିବେଶ ପାଇଁ ସମୟ ଭଲ ରହିଛି ।
କର୍କଟ- ବର୍ଷର ପ୍ରଥମ ସୂର୍ଯ୍ୟପରାଗ କର୍କଟ ରାଶିର ଲୋକଙ୍କ ପାଇଁ ଲାଭଦାୟକ ହେବ । କାର୍ଯ୍ୟରେ ସଫଳତା ମିଳିବ । ଆପଣ ସାଙ୍ଗମାନଙ୍କଠାରୁ ଲାଭ ପାଇପାରିବେ । ସମାଜରେ ମାନ-ସମ୍ମାନ ବୃଦ୍ଧି ପାଇବ । ଉଚ୍ଚ ପଦାଧିକାରୀଙ୍କ ସମର୍ଥନ ପାଇବେ ।
ତୁଳା- ତୁଳା ରାଶିର ଲୋକଙ୍କ ପାଇଁ ସୂର୍ଯ୍ୟପରାଗ ଶୁଭ ହେବ । କର୍ମକ୍ଷେତ୍ରରେ ଲାଭର ସମ୍ଭାବନା ରହିଛଇ । ଚାକିରିରେ ଅନେକ ସୁଯୋଗ ମିଳିବ । ସହଭାଗୀତା କାର୍ଯ୍ୟରେ ସଫଳତା ମିଳିବ । ଏହି ସମୟରେ ଆପଣ ଅଫିସରେ ଏକ ଭିନ୍ନ ପରିଚୟ ସୃଷ୍ଟି କରିବାକୁ ସମର୍ଥ ହେବେ ।
ଧନୁ – ଧନୁ ରାଶିର ଲୋକଙ୍କ ଆର୍ଥିକ ଦିଗ ମଜଭୁତ ହେବ । ସରକାରୀ ଚାକିରି କରୁଥିବା ଲୋକମାନେ ଶୁଭ ଫଳାଫଳ ପାଇବେ । ବିଦେଶରୁ ଚାକିରି ଅଫର ଆସିପାରେ । ବ୍ୟବସାୟୀମାନେ ଲାଭ ପାଇବେ ।
