ଆଫଗାନିସ୍ତାନରେ ମହିଳାଙ୍କୁ ଅସଦାଚରଣ ଯୋଗୁଁ ଟି-୨୦ ସିରିଜ ବାତିଲ କଲା ଅଷ୍ଟ୍ରେଲିଆ
ନୂଆଦିଲ୍ଲୀ : ଆଫଗାନିସ୍ତାନରେ ମହିଳା ଓ ବାଳିକାଙ୍କ ପ୍ରତି ଖରାପ ବ୍ୟବହାର ହେଉଥିବା ଦର୍ଶାଇ ଅଷ୍ଟ୍ରେଲିଆ ଆଫଗାନିସ୍ତାନ ସହ ପ୍ରସ୍ତାବିତ ଟି-୨୦ ସିରିଜକୁ ବାତିଲ କରିବାକୁ ଘୋଷଣା କରିଛି । ଏହି ତିନି ମ୍ୟାଚ୍ ବିଶିଷ୍ଟ ଟି-୨୦ ସିରିଜ ଅଗଷ୍ଟରେ ଅଷ୍ଟ୍ରେଲିଆରେ ଖେଳାଯିବାର ଥିଲା ।
କ୍ରିକେଟ୍ ଅଷ୍ଟ୍ରେଲିଆ ସୋସିଆଲ ମିଡିଆ ସାଇଟ୍ ଏକ୍ସର ହ୍ୟାଣ୍ଡେଲରୁ ଏକ ଟୁଇଟ୍ କରି ଏହି ସୂଚନା ଦେଇଛି । ଅଷ୍ଟ୍ରେଲିଆ ସରକାରଙ୍କ ସହ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି ବୋଲି ସେ ଟୁଇଟ୍ କରି ସୂଚନା ଦେଇଛନ୍ତି ।
An update to our Aussie men's team schedule ⬇️
CA will continue its commitment to the participation of women and girls cricket around the world and will work closely with the ICC and the Afghanistan Cricket Board to resume bilateral matches in the future. pic.twitter.com/OIO5PLjle5
— Cricket Australia (@CricketAus) March 19, 2024
ତେବେ ଭବିଷ୍ୟତରେ ସେ ଆଫଗାନିସ୍ତାନ ସହ ମିଶି କାମ କରିବେ ବୋଲି ଏହି ଟୁଇଟ୍ ରେ ଆଶା ବ୍ୟକ୍ତ କରିଛନ୍ତି । ସାରା ବିଶ୍ୱରେ କ୍ରିକେଟରେ ମହିଳା ଓ ବାଳିକାଙ୍କ ଅଂଶଗ୍ରହଣ ଜାରି ରଖିବା ପାଇଁ କ୍ରିକେଟ୍ ଅଷ୍ଟ୍ରେଲିଆ ପ୍ରତିଶ୍ରୁତିବଦ୍ଧତା ଜାରି ରଖିବ ।
ଏବଂ ଭବିଷ୍ୟତରେ ଦ୍ୱିପାକ୍ଷିକ ମ୍ୟାଚ୍ ପୁନଃ ଆରମ୍ଭ କରିବା ପାଇଁ ଆଇସିସି ଏବଂ ଆଫଗାନିସ୍ତାନ କ୍ରିକେଟ୍ ବୋର୍ଡ ସହ ମିଳିତ ଭାବେ କାର୍ଯ୍ୟ କରିବେ ।
