ଚାନ୍ଦା ମାଗି ନିର୍ବାଚନ ଲଢି ହେଲେ ବିଧାୟକ, ୪୦୦ କିମି ବାଇକ୍ ଚଢି ପହଞ୍ଚିଲେ ବିଧାନସଭା
ଭୋପାଳ: ମଧ୍ୟପ୍ରଦେଶରେ ଏବେ ଶେଷ ହୋଇଥିବା ବିଧାନସଭା ନିର୍ବାଚନରେ ଗଣତନ୍ତ୍ରର ଖୁବ୍ ସୁନ୍ଦର ଚିତ୍ର ସାମ୍ନାକୁ ଆସିଛି । ଏଠାରେ ଏପରି ଜଣେ ବ୍ୟକ୍ତି ବିଧାୟକ ହୋଇଯାଇଛନ୍ତି ଯାହାଙ୍କର ନା କୌଣସି ହୋର୍ଡିଂ ଦେଖିବାକୁ ମିଳିଥିଲା ନା ସେ ପୋଷ୍ଟର ବ୍ୟାନରରେ ନିଜର ପ୍ରଚାର କରିଥିଲେ । ନିର୍ବାଚନ ପ୍ରଚାର ଲାଗି ଜନତାଙ୍କ ଠାରୁ ଚାନ୍ଦା ମାଗିଥିଲେ ଓ ଜନତାଙ୍କ ଘରେ ଘରେ ପହଞ୍ଚି ନିଜର ପ୍ରଚାର କରିଥିଲେ । ଏହି ବିଧାୟକ ହେଉଛନ୍ତି ଭାରତ ଆଦିବାସୀ ପାର୍ଟି (ବାପ୍)ର ବିଧାୟକ କମଳେଶ୍ୱର ଡୋଡିୟାର । ଆଦିବାସୀ ସମାଜରୁ ଆସିଥିବା କମଲେଶ୍ୱର ଏକ ଅତ୍ୟନ୍ତ ଗରିବ ପରିବାରରୁ ଆସିଛନ୍ତି । ତାଙ୍କ ମା ମୂଲ ମଜୁରୀ କାମ କରି ପରିବାର ଚଳାଉଥିଲେ ।
एमपी के सैलाना सीट से भारत आदिवासी पार्टी ने एमपी में अपनी पहली जीत दर्ज की. प्रत्याशी कमलेश्वर डोडियार का कहना है कि उनकी आर्थिक स्थिति ठीक नहीं है और उन्होंने दोस्तों और सहयोगियों से उधर लेकर चुनाव लड़ा था. जीतने के बाद अब वे बाईक से ही भोपाल अपने दस्तावेज जमा करने जा रहे हैं. pic.twitter.com/IpcK1AAPW3
— NDTV MP Chhattisgarh (@NDTVMPCG) December 6, 2023
ଏବେ ମିଳିଥିବା ସୂଚନା ଅନୁଯାୟୀ ଭାରତ ଆଦିବାସୀ ପାର୍ଟି ବିଧାୟକ କମଳେଶ୍ୱର ୪୦୦ କିଲୋମିଟର ବାଇକ୍ ଚଢି ଭୋପାଳରେ ପହଞ୍ଚିଛନ୍ତି । ବିଧାନସଭାରେ ଔପଚାରିକତା ପୂରଣ କରିବା ଲାଗି ସେ ଥଣ୍ଡାରେ ୪୦୦କିଲୋମିଟର ବାଇକ୍ ଚଲାଇ ଗୁରୁବାର ବିଧାନସଭାରେ ପହଞ୍ଚିଥିଲେ ।
କମଳେଶ୍ୱର କହିଛନ୍ତି ସେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ୍ ଓବାମାଙ୍କ ଦ୍ୱାରା ପ୍ରଭାବିତ ହୋଇ ବିଧାନସଭା ନିର୍ବାଚନ ଲଢିଥିଲେ ଓ ବିଜୟ ବି ଲାଭ କରିଥିଲେ । ସେ ନିଜ ଶଳାଙ୍କ ସହ ବାଇକ୍ରେ ଭୋପାଳ ଆସିଛନ୍ତି । ସେ ବିଜେପିରେ ମିଶିବାକୁ ଇଚ୍ଛା ରଖିଛନ୍ତି । ସେ ଚାହୁଁଛନ୍ତି ଶିବରାଜ ସିଂ ଚୌହାନ ପୁଣି ଥରେ ମଧ୍ୟପ୍ରଦେଶରେ ମୁଖ୍ୟମନ୍ତ୍ରୀ ହୁଅନ୍ତୁ ।
