ଏହିପରି ସେମାନେ … ,ସୁପ୍ରିମକୋର୍ଟରେ ପହଞ୍ଚିଥିବା BBC Documentary ନିଷେଧାଦେଶ ଉପରେ ପ୍ରତିକ୍ରିୟା ରଖିଲେ ଆଇନ ମନ୍ତ୍ରୀ
ନୂଆଦିଲ୍ଲୀ:ଗୁଜୁରାଟ ଦଙ୍ଗା ଉପରେ ଆଧାରିତ ବିବିସି ଡକ୍ୟୁମେଣ୍ଟାରୀ କୁ ନେଇ ବିବାଦ ଦିନକୁ ଦିନ ବଢୁଛି। ଏହା ଉପରେ ସରକାର ଲଗାଇଥିବା ପ୍ରତିବନ୍ଧକ ଏବେ ସୁପ୍ରିମକୋର୍ଟରେ ପହଞ୍ଚିଛି। ନିକଟରେ ଡକ୍ୟୁମେଣ୍ଟାରୀ ଉପରେ ପ୍ରତିବନ୍ଧକ ଲଗାଯାଇଥିଲା, ଯେଉଁଥିପାଇଁ ଏହାକୁ ହଟାଇବା ପାଇଁ ସୁପ୍ରିମକୋର୍ଟରେ ଏକ ପିଟିସନ ଦାଖଲ କରାଯାଇଛି। ଯଦିଓ ଏହି ଡକ୍ୟୁମେଣ୍ଟାରୀର ସ୍କ୍ରିନିଂ ଦେଶର ଅନେକ ବଡ ବିଶ୍ୱବିଦ୍ୟାଳୟରେ ମଧ୍ୟ କରାଯାଇଛି। ଏହା ପରେ ବିଶ୍ୱବିଦ୍ୟାଳୟରେ ବହୁ ବିବାଦ ଏବଂ ବିଶ୍ୱବିଦ୍ୟାଳୟରେ ପରିବେଶ ମଧ୍ୟ ନଷ୍ଟ କରୁଥିବା ସୂଚନା ମିଳୁଛି ।
This is how they waste the precious time of Hon'ble Supreme Court where thousands of common citizens are waiting and seeking dates for Justice. https://t.co/5kouG8Px2K
— Kiren Rijiju (@KirenRijiju) January 30, 2023
ସେପଟେ ବିବିସି ଡକ୍ୟୁମେଣ୍ଟାରୀ ଉପରେ ପ୍ରତିବନ୍ଧକ ହଟାଇବାକୁ ଆବେଦନ ଉପରେ କେନ୍ଦ୍ର ଆଇନ ମନ୍ତ୍ରୀ କିରେନ ରିଜିଜୁ ପ୍ରତିକ୍ରିୟା ପ୍ରକାଶ କରିଛନ୍ତି । ସୁପ୍ରିମକୋର୍ଟରେ ଦାଖଲ ହୋଇଥିବା ଆବେଦନ ସମ୍ପର୍କରେ କାହାର ନାମ ନ ନେଇ ରିଜିଜୁ ଏକ ଟ୍ୱିଟ୍ କରିଛନ୍ତି। ସେ ଏହି ଟ୍ୱଇଟରେ କହିଛନ୍ତି ଯେ ଏହି ଭଳି କାର୍ଯ୍ୟ କରି ସୁପ୍ରିମକୋର୍ଟର ବହୁମୂଲ୍ୟ ସମୟ ନଷ୍ଟ କରୁଛନ୍ତି, ଯେଉଁଠାରେ ହଜାର ହଜାର ସାଧାରଣ ନାଗରିକ ନ୍ୟାୟକୁ ଅପେକ୍ଷା କରିଛନ୍ତି ଏବଂ ତାରିଖ ଅପେକ୍ଷା କରୁଛନ୍ତି।
ସୂଚନାମୁତାବକ ୨୦୦୨ ଗୁଜୁରାଟ ଦଙ୍ଗା ଉପରେ ସୁପ୍ରିମକୋର୍ଟରେ ବିବିସିର ଡକ୍ୟୁମେଣ୍ଟାରୀ ଉପରେ ସରକାରଙ୍କ ନିଷେଧାଦେଶକୁ ଆଡଭୋକେଟ୍ ଏମ୍.ଏଲ୍ ଶର୍ମା ରଖିଥିଲେ। ଫେବୃଆରୀ ୬ ରେ ପ୍ରଧାନ ବିଚାରପତି ଡି.ୱାଇ ଚନ୍ଦ୍ରଚୁଡ଼ ଶୁଣାଣି ବିଷୟରେ କହିଥିଲେ। ଡକ୍ୟୁମେଣ୍ଟାରୀ ସଂପର୍କରେ ଏନ ରାମ, ପ୍ରଶାନ୍ତ ଭୂଷଣ ଏବଂ ଟିଏମସି କଂଗ୍ରେସ ସାଂସଦ ମହୁଆ ମିତ୍ରଙ୍କ ଭଳି ଟୁଇଟ୍ ଡିଲିଟ କରିବା ପ୍ରସଙ୍ଗ ମଧ୍ୟ କୋର୍ଟରେ ଉଠିଛି। ପ୍ରଧାନ ବିଚାରପତି ଏହା ଉପରେ ଶୁଣାଣି ମଧ୍ୟ କରିଛନ୍ତି।
ବାସ୍ତବରେ,ଏହି ଡକ୍ୟୁମେଣ୍ଟାରୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଷୟରେ ଦୁଇଟି ଭାଗରେ ପ୍ରସ୍ତୁତ କରାଯାଇଛି। ଏଥିରେ, ୨୦୦୨ ରେ ହେଇଥିବା ଗୁଜୁରାଟ ଦଙ୍ଗା ବିଷୟରେ କୁହାଯାଇଛି। ଏହା ସହିତ, ଏହି ବିବିସି ଡକ୍ୟୁମେଣ୍ଟାରୀରେ ସେହି ସମୟର ରାଜନୈତିକ ପରିସ୍ଥିତିର ଚିତ୍ର ମଧ୍ୟ ଦେଖାଯାଇଛି। ଏହା ସହିତ ପ୍ରଧାନମନ୍ତ୍ରୀ ମୋଦୀଙ୍କ ଗୁଜରାଟର ମୁଖ୍ୟମନ୍ତ୍ରୀ ହେବାର ଯୁଗ ମଧ୍ୟ ଚିତ୍ରଣ କରାଯାଇଛି । ଏହି ଡକ୍ୟୁମେଣ୍ଟାରୀର ପ୍ରଥମ ଏପିସୋଡ୍ ୧୭ ଜାନୁଆରୀରେ ବ୍ରିଟେନରେ ପ୍ରସାରିତ ହୋଇଥିଲା। ଯାହାକୁ ନେଇ ଏବେ ଭାରତରେ ବିବାଦ ବଢୁଛି ।
