ଫେସବୁକ୍ କମ୍ପାନୀ ମେଟାର ବଡ଼ ଘୋଷଣା, ରୁଷ ସରକାରୀ ମିଡିଆକୁ କରିବ ବ୍ଳକ୍
ନୂଆଦିଲ୍ଲୀ: ରୁଷ ଓ ୟୁକ୍ରେନ ଯୁଦ୍ଧ ମଧ୍ୟରେ ଫେସବୁକ୍ ର ପ୍ୟାରେଣ୍ଟ୍ କମ୍ପାନୀ ମେଟା ଏକ ବଡ଼ ଘୋଷଣା କରିବ । ରୁଷ ମିଡିଆ ଆରଟି ଓ ସ୍ପୁଟନିକ୍ କୁ ୟୁରୋପୀୟ ୟୁନିଅନ୍ ରେ ବ୍ଲକ୍ କରିବ ମେଟା । ଏନେଇ ମଙ୍ଗଳବାର ଦିନ କମ୍ପାନୀର ଗ୍ଲୋବାଲ୍ ଆଫାୟାର୍ ହେଡ୍ ନିକ୍ କ୍ଲେଗ୍ ସୂଚନା ଦେଇଛନ୍ତି । ମେଟା ନିଜର ସମସ୍ତ ପ୍ଲାଟଫର୍ମରେ ରୁଷର ସରକାରୀ ମିଡିଆ ଆଉଟଲେଟ୍ ଆରଟି ଓ ସ୍ପୁଟନିକ୍ ଉପରେ ରୋକ୍ ଲଗାଇବ ।
ନିକ୍ କ୍ଲେଗ୍ ନିଜ ଟୁଇଟର୍ ରେ ଏକ ପୋଷ୍ଟ୍ ରେ କହିଛନ୍ତି ଯେ, କମ୍ପାନୀର ୟୁରୋପୀୟ ୟୁନିଅନ୍ ଓ ଅନେକ ଦେଶର ସରକାରଙ୍କ ପକ୍ଷରୁ ଅନୁରୋଧ ଆସିଛି । ତେବେ ସେ କହିଛନ୍ତି ଯେ, ମେଟା ଏବେକା ସମୟରେ ଳଗାତର ସରକାରଙ୍କ ସହିତ ଜଡ଼ିତ ହୋଇ କାମ କରୁଛି ।
We have received requests from a number of Governments and the EU to take further steps in relation to Russian state controlled media. Given the exceptional nature of the current situation, we will be restricting access to RT and Sputnik across the EU at this time.
— Nick Clegg (@nickclegg) February 28, 2022
କାନାଡାରେ ମଧ୍ୟ ଟେଲିକମ୍ ଅପରେଟର୍ସ ମାନେ ଆରଟି ଚ୍ୟାନେଲ୍ ଉପରେ ରୋକ୍ ଲଗାଇଛନ୍ତି । ୟୁକ୍ରେନ ଓ ରୁଷ ମଧ୍ୟରେ ଚାଲିଥିବା ଯୁଦ୍ଧରେ ଟେକ୍ କମ୍ପାନୀ ଗୁଡ଼ିକ ପାଇଁ ରୁଷ ମିଡିଆର କଭରେଜ୍ ଏକ ବଡ଼ ସମସ୍ୟା ହୋଇଛି । ରୁଷ ଏହି ଆକ୍ରମଣକୁ ଏକ ସ୍ପେଶାଲ୍ ଅପରେସନ୍ ବୋଲି ଦର୍ଶାଉଛି । ମେଟା ବ୍ୟତୀତ ୟୁଟ୍ୟୁବ୍, ଗୁଗୁଲ ର ପ୍ୟାରେଣ୍ଟ୍ କମ୍ପାନୀ ଆଲ୍ଫାବେଟ୍ ଆଇଏନସି ମଧ୍ୟ ରୁଷର ସରକାରୀ ମିଡିଆ ବିରୋଧରେ ପଦକ୍ଷେପ ଗ୍ରହଣ କରିଛି ।
