ଗାଲାକ୍ସି ଆପାର୍ଟମେଣ୍ଟ ପାଇଁ ସଲମାନଙ୍କ ସୁରକ୍ଷା ବ୍ୟବସ୍ଥା କଡ଼ାକଡ଼ି, ଡରରେ ଜୀଉଁଛି ପରିବାର

ମୁମ୍ବାଇ: ବଲିଉଡ୍ ଅଭିନେତା ସଲମାନ୍ ଖାନଙ୍କ ସୁରକ୍ଷା ବ୍ୟବସ୍ଥା ବଢ଼ାଇଦିଆଯାଇଛି । ହିରୋଙ୍କ ସୁରକ୍ଷା ବଢ଼ିବାର କାରଣ ହେଉଛି ଗାଲାକ୍ସି ଆପାର୍ଟମେଣ୍ଟ ।

ରବିବାର ଆପାର୍ଟମେଣ୍ଟର ଭିଡିଓ ସୋସିଆଲ ମିଡିଆରେ ଘୁରିବୁଲିଥିଲା । ଖବର ଅନୁସାରେ, ଆପାର୍ଟମଣ୍ଟେ ମରାମତି କାମ ଚାଲିଛି । ଯାହା ପାଇଁ ଘରକୁ ବାହାରୁ ବିଭିନ୍ନ ପ୍ରକାର ଲୋକଙ୍କ ଯାଆସ ଲାଗି ରାହିଛି । ଏହାକୁ ଦୃଷ୍ଟିରେ ରଖି ସଲମାନଙ୍କ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି ।

ଲରେନ୍ସ ବିଷ୍ଣୋଇ ଗ୍ୟାଙ୍ଗର ନଜର ସଲମାନଙ୍କ ଉପରେ ରହିଛି । ଏହାଛଡ଼ା ଗାଲାକ୍ସି ଆପାର୍ଟମଣ୍ଟେ ବାହାରେ ଗତବର୍ଷ ଏପ୍ରିଲରେ ଗୁଳିମାଡ଼ ହୋଇଥିଲା । ଯାହାକୁ ନେଇ ସଲମାନଙ୍କ ପରିବାର ବେଶ୍ ଭୟଭିତ ମଧ୍ୟ ଅଛନ୍ତି ।

ଅନେକ ସମୟରେ ବିଷ୍ଣୋଇ ଗ୍ୟାଙ୍ଗ ସଲମାନଙ୍କୁ ହତ୍ୟା କରିବା ଧମକ ଦେବା ପରେ ତାଙ୍କ ସୁରକ୍ଷା ବ୍ୟବସ୍ଥାକୁ ବଢ଼ାଇ ଦିଆଯାଇଛି । ଏକାଧିକ ଥର ସଲମାନଙ୍କ ଜୀବନରୁ ମାରିଦେବା ଲାଗି ମଧ୍ୟ କଲ୍ ଓ ଇ-ମେଲ କରାଯାଇଛି ।