ଜୁନରେ ରିଲିଜ୍ ହେବ ଫରହାନଙ୍କ….. ମେକର୍ସ ଓ ରଣବୀରଙ୍କ ମଧ୍ୟରେ ହୋଇଥିଲା ମନାନ୍ତର !

ମୁମ୍ବାଇ: ଆସୁଛି ବଲିଉଡର ହାଇ ବଜେଟ୍ ଫିଲ୍ମ ‘ଡନ୍ ୩’ । ଫିଲ୍ମକୁ ନେଇ ବିଗତ ଦିନରେ ବହୁତ ଚର୍ଚ୍ଚା ହୋଇଥିଲା । ବିଶେଷ କରି ଫିଲ୍ମର ରିଲିଜ୍କୁ ନେଇ ଥିବା ଦ୍ୱନ୍ଦ୍ୱ ଏବେ ଶେଷ ହୋଇଛି । ଆସନ୍ତା ବର୍ଷ ଜୁନ୍ରେ ରିଲିଜ୍ ହେବାକୁ ଯାଉଛି ଏହି ଫିଲ୍ମ । ଫରହାନ ଅଖତରଙ୍କ ଏହି ଫିଲ୍ମରେ ମୁଖ୍ୟ ଭୂମିକାରେ ନଜରକୁ ଆସିବେ କିଆରା ଆଡଭାନୀ ଏବଂ ରଣବୀର ସିଂ । ପୂର୍ବ ଯୋଜନା ମୁତାବକ ଫିଲ୍ମର ସୁଟିଂ ନିର୍ଦ୍ଦାରିତ ସମୟରେ ହିଁ ଆରମ୍ଭ ହୋଇଥିଲା । କିନ୍ତୁ ଟିମର କମିଟମଣ୍ଟ ଇସୁ ପାଇଁ ରିଲିଜ୍ ଘୁଞ୍ଚିବା ଖବର ଆସି ପହଞ୍ଚିଥିଲା । ଫିଲ୍ମର ମେକର୍ସ ଓ ରଣବୀର ସିଂଙ୍କ ମଧ୍ୟରେ ଥିବା ମତଭେଦ ଦୂର ହୋଇଯାଇଛି । ସେଥିପାଇଁ ପୂର୍ବ ନିର୍ଦ୍ଧାରିତ ଦିନରେ ହିଁ ଡନ୍-୩ ରିଲିଜ୍ ହେବ ବୋଲି ଫିଲ୍ମର ପ୍ରଡୁ୍ୟସର ବ୍ୟାନର ଏକ୍ସସେଲ ଏଣ୍ଟରଟେନମେଣ୍ଟ ପକ୍ଷରୁ କୁହାଯାଇଛି ।

ଅମିତାଭ ବଚ୍ଚନଙ୍କ ଅଭିନୀତ ଫିଲ୍ମ ଡନର ଏହା ହେଉଛି ତୃତୀୟ ସଂସ୍କରଣ । ପୂର୍ବରୁ ୨ଟି ଫିଲ୍ମ ରିଲିଜ୍ ହୋଇସାରିଛି, ଯେଉଁଥିରେ ମୁଖ୍ୟ ଭୂମିକାରେ ଅଭିନୟ କରିଥିଲେ ଶାହାରୁଖ ଖାନ୍ । ରଣବୀର ଶେଷଥର ପାଇଁ ରୋହିତ ସେଟ୍ଟୀଙ୍କ ଫିଲ୍ମ ‘ସିଂଘମ ଏଗେନ୍’ରେ ନଜରକୁ ଆସିଥିଲେ । ଫିଲ୍ମଟି ବକ୍ସ ଅଫସିରେ ବେଶ୍ ଭଲ ପ୍ରଦର୍ଶନ ମଧ୍ୟ କରିଛି । ଏହି ଫିଲ୍ମରେ ଉଭୟ ରଣବୀର ଓ ଦୀପିକାଙ୍କ ସମେତ ଅଜୟ ଦେବଗନ, ଟାଇଗର ସ୍ରଫ, ଅକ୍ଷୟକୁମାର ଏବଂ କରୀନା କପୁରଙ୍କୁ ଦେଖିବାକୁ ମିଳିଥିଲା । ଅନ୍ୟପଟେ ଫିଲ୍ମ ‘ସତ୍ୟ ପ୍ରେମ କି କଥା’ ଜରିଆରେ ୨୦୨୩ରେ କିଆରାଙ୍କୁ ଶେଷଥର ଲାଗି ବଡ଼ ପରଦାରେ ଦେଖିଥିଲେ ଦର୍ଶକ ।