କ’ଣ ୨୦୦୦ ନୋଟ୍ ଫେରାଇବା ପଛରେ ଆଗାମୀ ନିର୍ବାଚନ ସହିତ ଅଛି କି କନେକ୍ସନ ? ସର୍ଭେରୁ ଖୁଲାସା
ନୂଆଦିଲ୍ଲୀ: ରିଜର୍ଭ ବ୍ୟାଙ୍କ ଅଫ୍ ଇଣ୍ଡିଆ (ଆରବିଆଇ) ଦ୍ୱାରା ୨୦୦୦ ଟଙ୍କିଆ ନୋଟ ପ୍ରତ୍ୟାହାର ପରେ ହଇଚଇ ସୃଷ୍ଟି ହୋଇଛି । ଏହି ନିଷ୍ପତ୍ତି ନେଇ ରାଜନୀତି ମଧ୍ୟ ତୀବ୍ର ହେବାରେ ଲାଗିଛି । ବିରୋଧୀ ଦଳ ୨୦୦୦ ନୋଟ ପ୍ରତ୍ୟାହାରକୁ ମୋଦୀ ସରକାରଙ୍କ ବିଫଳତା ବୋଲି କହିଥିବା ବେଳେ ବିଜେପି ଏହି ନିଷ୍ପତ୍ତିକୁ ନେଇ ନିଜର ପକ୍ଷ ରଖିଛି । ଏହି ସମୟରେ ଜନସାଧାରଣଙ୍କ ମତ ଜାଣିବା ପାଇଁ ସି-ଭୋଟର ଏକ ନ୍ୟୁଜ୍ ଚ୍ୟାନେଲ ପାଇଁ ଏକ ସର୍ଭେ କରିଛିି ।
ସର୍ଭେରେ ୨୦୦୦ ନୋଟ ପ୍ରତ୍ୟାହାର ପଛରେ ଆଗାମୀ ନିର୍ବାଚନ ସହିତ କନେକ୍ସନ ଅଛି କି ନାହିଁ ବୋଲି ପ୍ରଶ୍ନ କରାଯାଇଥିଲା । ଏହି ପ୍ରଶ୍ନର ବହୁତ ଆଶ୍ଚର୍ଯ୍ୟଜନକ ଉତ୍ତର ଗ୍ରହଣ କରାଯାଇଛି । ସର୍ଭେରେ ଜଡିତ ୪୫% ଲୋକ ହଁ କହିଛନ୍ତି କି ୨୦୦୦ ନୋଟ୍ ପ୍ରତ୍ୟାହାରର ନିର୍ବାଚନରେ କିଛି କନେକ୍ସନ ହୋଇପାରେ । ଅନ୍ୟପଟେ ୩୪ ପ୍ରତିଶତ ଲୋକ ଏହାକୁ ‘ନା’ କହିଛନ୍ତି । ୨୧ ପ୍ରତିଶତ ଲୋକ କହିଛନ୍ତି ଯେ ସେମାନେ କହିପାରିବେ ନାହିଁ ।
ସର୍ଭେରେ ଆଉ ଏକ ପ୍ରଶ୍ନ ପଚରାଯାଇଥିଲା ଯେ ୨୦୦୦ ନୋଟ୍ ପ୍ରତ୍ୟାହାର ପରେ ସରକାର ପୁଣି ୧୦୦୦ ନୋଟ୍ ଫେରାଇ ଆଣିବା ଉଚିତ କି? ଏହି ପ୍ରଶ୍ନର ଆଶ୍ଚର୍ଯ୍ୟଜନକ ଉତ୍ତର ମଧ୍ୟ ଗ୍ରହଣ କରାଯାଇଛି । ଏହି ସର୍ଭେରେ ଅଂଶଗ୍ରହଣ କରିଥିବା ୬୬ ପ୍ରତିଶତ ଲୋକ ‘ହଁ’ କହିଥିବା ବେଳେ ୨୨% ‘ନା’ କହିଛନ୍ତି । ସର୍ଭେରେ ଜଡିତ ୧୨ ପ୍ରତିଶତ ଲୋକ କହିଛନ୍ତି ଯେ ସେମାନେ କିଛି କହିପାରିବେ ନାହିଁ ।
