ଫ୍ଲାଇଟରେ ଯାତ୍ରା କରିବା ବେଳେ ସିଟ୍ ବଦଳାଇବା ହୋଇପାରେ ଭୟାନକ, ପାଇଲଟ୍ କହିଲେ ଏହାର କାରଣ
ନୂଆଦିଲ୍ଲୀ: ବିମାନରେ ଯାତ୍ରା କରିବା ସମୟରେ କିଛି ଲୋକ ବସିଥିବା ସିଟ୍ ରେ ସନ୍ତୁଷ୍ଟ ହୋଇନଥାନ୍ତି । ଫଳରେ ସିଟ୍ ବଦଳାଇଥାନ୍ତି । ହେଲେ ଜଷର ପାଇଲଟ୍ ଏହାକୁ ନେଇ ଏକ ଗୁରୁତ୍ୱପୂର୍ଣ୍ଣ ଖୁଲାସା କରିଛନ୍ତି । ସେ କହିଛନ୍ତି ଯେ, କେବେ ବି ବିମାନ ଟେକ୍-ଅପ୍ କରିବା ସମୟରେ ବା ତାପୂର୍ବରୁ ସିଟ୍ ବଦଳାଇବା ଉଚିତ୍ ନୁହେଁ । ଏହା ଖୁବ୍ ଭୟଙ୍କର ସାବ୍ୟସ୍ତ ହୋଇପାରେ । ସେ ଏହା ପଛର କାରଣ ବି କହିଛନ୍ତି ।
ଦ ସନ୍ ର ଏକ ରିପୋର୍ଟ ଅନୁସାରେ, ମଗନର୍ ନୋର୍ଡାଲ ନାମକ ଜଣେ ପାଇଲଟ୍ କହିଛନ୍ତି ଯେ, ଯାତ୍ରୀ ମାନଙ୍କୁ ସିଟ୍ ବଦଳାଇବା ବିମାନର ଜରୁରୀକାଳୀନ ଲ୍ୟାଣ୍ଡିଂର କାରଣ ହୋଇପାରେ । ଟେକ-ଅପ୍ କରିବା ସମୟରେ ଖାସ୍ କରି ଏପରି କରିବା ଆଦୌ ଠିକ୍ ନୁହେଁ । ଏପରି କରିବା ଦ୍ୱାରା ବିମାନର ବାଲାନ୍ସିଂ ବିଗିଡ଼ିଥାଏ । ଫଳରେ ଟେକ୍ନିକାଲ୍ ସମସ୍ୟା ଦେଖାଯାଇଥାଏ ।
ମଗନର୍ ନୋର୍ଡାଲଙ୍କ ଅନୁଯାୟୀ, ଯଦି ଏହି କାରଣରୁ କୌଣସି ଟେକ୍ନିକାଲ୍ ସମସ୍ୟା ଦେଖିଦିଏ ତେବେ ବିମାନଟି ଉଡ଼ାଣ ସମୟରେ ଦୁର୍ଘଟଣାଗ୍ରସ୍ତ ହୋଇପାରେ। ସେ କହିଥିଲେ ଯେ ଥରେ ମୋର ପ୍ରଥମ ଅଧିକାରୀ ବିମାନ ଉଡ଼ାଣ କରୁଥିଲେ ଏବଂ ବିମାନଟି ବୁଲାଇବା ସମୟରେ ସେ ଅସୁବିଧାର ସମ୍ମୁଖୀନ ହୋଇଥିଲେ, କାରଣ ବିମାନ ଚଳାଚଳ ପୂର୍ବରୁ ଚାରିଜଣ ଯାତ୍ରୀ ସେମାନଙ୍କ ନିର୍ଦ୍ଧାରିତ ସିଟ୍ ରୁ ଆଗରେ ବସିଥିଲେ । ଏହା ଅତ୍ୟନ୍ତ କଷ୍ଟକର ସମୟ ଥିଲା, କାରଣ ରନୱେ ବହୁତ ଛୋଟ ଥିଲା ଏବଂ ଆମେ ବିମାନକୁ ଅଟକାଇ ପାରୁନଥିଲୁ ।
ଯାତ୍ରୀମାନେ ବିମାନରେ ନିଜ ଆସନ ବଦଳାଇ ପାରିବେ କି ନାହିଁ? ଏହା ଉପରେ ମଗନର୍ ନୋର୍ଡାଲ କହିଛନ୍ତି ଯେ ଅବଶ୍ୟ ଯାତ୍ରୀମାନେ ନିଜ ଆସନ ବଦଳାଇ ପାରିବେ। ଏଥିପାଇଁ ସେମାନେ ବିମାନ କର୍ମଚାରୀଙ୍କୁ ପଚାରିପାରିବେ ଯେ ସେମାନେ ସିଟ୍ ବଦଳାଇ ପାରିବେ କିମ୍ବା ଅଦଳବଦଳ କରିପାରିବେ କି ନାହିଁ । କାରଣ ସେମାନେ ଓଜନ ସନ୍ତୁଳନ ବିଷୟରେ ଜାଣିଛନ୍ତି । ସେମାନେ ଆପଣଙ୍କୁ ସିଟ୍ ସମ୍ପର୍କରେ ସବୁକିଛି ବୁଝାଇପାରିବେ ।
ବିମାନରେ ସିଟ୍ ସମ୍ବନ୍ଧରେ ଏକ ନିୟମ ଅଛି, ଯାହା ଅନୁଯାୟୀ କେତେକ କ୍ଷେତ୍ରରେ ଯାତ୍ରୀଙ୍କୁ ଅତିରିକ୍ତ ଦେୟ ଦେବାକୁ ପଡିପାରେ । ଇକନୋମିକ୍ କ୍ଲାସ୍ ରେ ଅତିରିକ୍ତ ଲେଗ୍ ରୁମ୍ ଏବଂ ସାଧାରଣ ସିଟ୍ ରହିଥାଏ । ଯଦି ଜଣେ ସାଧାରଣ ସିଟ୍ ଯାତ୍ରୀ ଅତିରିକ୍ତ ଲେଗ୍ ରୁମ୍ ସିଟରେ ବସନ୍ତି, ତେବେ ବିମାନ କର୍ମଚାରୀ ତାଙ୍କୁ ଅତିରିକ୍ତ ଚାର୍ଜ କରିପାରିବେ କିମ୍ବା ତାଙ୍କୁ ନିଜ ଆସନକୁ ପଠାଇ ପାରିବେ ।
