ଦୁର୍ନୀତିଗ୍ରସ୍ତ ଲୋକମାନେ ଦେଶକୁ ନଷ୍ଟ କରୁଛନ୍ତି; ସେମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନାହିଁ: ସୁପ୍ରିମକୋର୍ଟ

ନୂଆଦିଲ୍ଲୀ: ବର୍ତ୍ତମାନ ଦୁର୍ନୀତି ଦେଶକୁ ନଷ୍ଟ କରିବାକୁ ବସିଛି ବୋଲି ବୁଧବାର ସୁପ୍ରିମକୋର୍ଟ ଦୁଃଖ ପ୍ରକାଶ କରିଛନ୍ତି। ସୁପ୍ରିମକୋର୍ଟ ବୁଧବାର କହିଛନ୍ତି ଯେ ଦୁର୍ନୀତିଗ୍ରସ୍ତ ଲୋକମାନେ ଦେଶକୁ ଧ୍ୱଂସ କରୁଛନ୍ତି ଏବଂ ସେମାନେ ଟଙ୍କା ସାହାଯ୍ୟରେ ଦୁର୍ନୀତି ଅଭିଯୋଗରୁ ଦୂରେଇ ଯାଉଛନ୍ତି। ସାମାଜିକ କାର୍ଯ୍ୟକର୍ତ୍ତା ଗୌତମ ନବଲାଖାଙ୍କୁ ନ୍ୟାୟିକ ହେପାଜତ ବଦଳରେ ଗୃହରେ ରଖିବା ପାଇଁ ତାଙ୍କ ନିବେଦନ ଶୁଣାଣି ବେଳେ ଶୀର୍ଷ ଏହି ମନ୍ତବ୍ୟ ଦେଇଥିଲେ।

ନ୍ୟାସନାଲ ଇନଭେଷ୍ଟିଗେସନ୍ ଏଜେନ୍ସି (ଏନଆଇଏ) ରେ ହାଜର ହୋଇଥିବା ଅତିରିକ୍ତ ସଲିସିଟର ଜେନେରାଲ୍ ଏସ୍.ଭି ରାଜୁ ତାଙ୍କ ଆବେଦନକୁ ବିରୋଧ କରି ସର୍ବୋଚ୍ଚ ନ୍ୟାୟାଳୟଙ୍କୁ କହିଛନ୍ତି ଯେ ‘ନବଲାଖା ପରି ଲୋକମାନେ ଦେଶକୁ ଧ୍ୱଂସ କରିବାକୁ ଚାହୁଁଛନ୍ତି। ରାଜୁ ଏହା ମଧ୍ୟ କହିଥିଲେ ଯେ, ତାଙ୍କର ଆଦର୍ଶ ସେପରି। ଏହା ନୁହେଁ ଯେ ସେମାନେ ନିରୀହ ଲୋକ। ସେ ହେଉଛନ୍ତି ପ୍ରକୃତ ଯୁଦ୍ଧରେ ଜଡିତ ବ୍ୟକ୍ତି।’

ତେବେ ଜଷ୍ଟିସ୍ କେ.ଏମ ଜୋସେଫ ଏବଂ ହ୍ରିକିକେଶ ରୟଙ୍କ ଏକ ବେଞ୍ଚ ଏହା ପରେ କହିଥିଲେ, ଆପଣ ଜାଣିବାକୁ ଚାହୁଁଛନ୍ତି କି ଏହି ଦେଶକୁ କିଏ ଧ୍ୱଂସ କରୁଛି? ଯେଉଁମାନେ ଦୁର୍ନୀତିଗ୍ରସ୍ତ ଅଟନ୍ତି। ଆପଣ ଯାଉଥିବା ପ୍ରତ୍ୟେକ ଅଫିସରେ କ’ଣ ହୁଏ? ଦୁର୍ନୀତିଗ୍ରସ୍ତଙ୍କ ବିରୋଧରେ କିଏ କାର୍ଯ୍ୟାନୁଷ୍ଠାନ ଗ୍ରହଣ କରେ? ଆମ ଉପରେ ପକ୍ଷପାତ କରାଯାଉଥିବା ଅଭିଯୋଗ ଲଗାଇବା କଥା।’ ଆମର ତଥାକଥିତ ନିର୍ବାଚିତ ପ୍ରତିନିଧୀ କିଣିବା ପାଇଁ କୋଟି କୋଟି ଟଙ୍କା କଥା ହେଉଥିବା ଲୋକଙ୍କ ଭିଡିଓ ଆମେ ଦେଖିଛୁ। ଆପଣ କହୁଛନ୍ତି ଯେ, ସେମାନେ ଆମ ଦେଶ ବିରୁଦ୍ଧରେ କିଛି କରୁନାହାଁନ୍ତି? କଥାଟି ହେଉଛି, ଆପଣ ସେମାନଙ୍କୁ ରକ୍ଷା କରନ୍ତି ନାହିଁ, ସେମାନଙ୍କଠାରୁ ଆଗକୁ ବଢି ଚାଲିଯାଉଛନ୍ତି ଆଉ ସେମାନେ ମଜା କରିବାକୁ ଲାଗନ୍ତି।