ରାଜା ଚକ୍ରଙ୍କୁ ୩ ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ୍, ଅନୁମତି ଦେଲେ OPID କୋର୍ଟ
OPID କୋର୍ଟରେ ରାଜା ଚକ୍ରଙ୍କୁ ହାଜର କଲା କ୍ରାଇମବ୍ରାଞ୍ଚ୍ । 3 ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ
ଭୁବନେଶ୍ବର: ବିଜେଡି ନେତା ରାଜା ଚକ୍ରଙ୍କୁ ରିମାଣ୍ଡରେ ନେବ କ୍ରାଇମବ୍ରାଞ୍ଚ । ରାଜା ଚକ୍ରଙ୍କୁ ୩ ଦିନିଆ ରିମାଣ୍ଡରେ ନେବ କ୍ରାଇମବ୍ରାଞ୍ଚ୍ । ତାଙ୍କର ଅନ୍ୟ 2 ସହଯୋଗୀ ମଧ୍ୟ ରିମାଣ୍ଡରେ ଯିବେ । କହିରଖୁଛୁ କି, ଗନ୍ଧମାର୍ଦନ ଲୋଡିଂ ଏଜେନ୍ସି ମାମଲାରେ ରାଜାଙ୍କୁ ଗିରଫ କରିଛି କ୍ରାଇମବ୍ରାଞ୍ଚ ।
୩ ଦିନିଆ ରିମାଣ୍ଡ ପାଇଁ ଅନୁମତି ଦେଲେ OPID କୋର୍ଟ । ପ୍ରକାଶ ଥାଉକି ରାଜା ଚକ୍ରଙ୍କୁ 5 ଦିନିଆ ରିମାଣ୍ଡରେ ନେବା ପାଇଁ ଇଓଡବ୍ଲୁ ଆବେଦନ କରିଥିଲା । ଆଜି ତାଙ୍କୁ ଆଣି କୋର୍ଟରେ ହାଜର କରାଯାଇଥିଲା । ସଭାପତି ମାନସ ବାରିକ ଏବଂ ସମ୍ପାଦକ ଉତ୍କଳ ଦାଶ ମଧ୍ୟ ରିମାଣ୍ଡରେ ଯିବେ ।
୪ ବର୍ଷରେ ଗାଁ ଲୋକଙ୍କୁ ରାଜା ୩୩ କୋଟି ଟଙ୍କା ବାଣ୍ଟିଥିବା ତଦନ୍ତରୁ ଜଣାପଡ଼ିଛି । ମା’ କାଳୀ ନାମକ ଏକ ପ୍ରେଟ୍ରୋଲ ପମ୍ପକୁ ୯.୧ କୋଟି ଯଙ୍କା ପ୍ରଦାନ କରାଯାଇଛି । ଶ୍ରମିକମାନଙ୍କୁ ପାଉଣା ନାଁରେ ମଧ୍ୟ ଠକେଇ କରିଥିବା ଅଭିଯୋଗ ହୋଇଛି ।
ଇଓଡବ୍ଲୁ-ଏସଟିଏଫର ପକ୍ଷରୁ ଅନେକ ସ୍ଥାନରେ ରେଡ୍ ମଧ୍ୟ କରିଥିଲେ । ତେବେ ଗନ୍ଧମାର୍ଦ୍ଦନ ଲୋଡିଂ ଆଣ୍ଡ କୋ- ଅପରେଟିଭ୍ ସୋସାଇଟିରେ କୋଟି କୋଟି ଟଙ୍କାର ଘୋଟାଲା ହୋଇଥିବାର ଅଭିଯୋଗ ଆସିଥିଲା।