ନକଲି ପୁଷ୍ପାରାଜଙ୍କୁ ଦେଖିବା ପାଇଁ ଜମିଲା ଫ୍ୟାନ୍ସଙ୍କ ଭିଡ଼, ଅଲ୍ଲୁ ଅର୍ଜୁନ ଭାବି ସେଲ୍ଫି ଉଠାଇଲେ ଲୋକେ
ମୁମ୍ବାଇ: ବକ୍ସ ଅଫିସରେ କମାଲ କରୁଛି ‘ପୁଷ୍ପା ୨: ଦି ରୁଲ୍’ । ଫିଲ୍ମକୁ ନେଇ ଫ୍ୟାନ୍ସଙ୍କ ମନରେ ଉତ୍ସାହ ଓ କ୍ରେଜ୍ ଦେଖିବାକୁ ମିଳିଛି । ବହୁତ ଉତ୍ସାହିତ ଅଛନ୍ତି । ଅନେକ ଥିଏଟରରେ ଭଲ ରେସପନ୍ସ ମଧ୍ୟ ମିଳୁଛି । ବର୍ତ୍ତମାନ ସୋସିଆଲ ମିଡିଆରେ ଏଭଳି ଜଣେ ପୁଷ୍ପା ଫ୍ୟାନ୍ ପୁଷ୍ପାରାଜ୍ ଗେଟଅପରେ ସମସ୍ତଙ୍କୁ ଚକିତ କରିଛନ୍ତି । ତାଙ୍କର ଏଭଳି ଗେଟଅପ୍ ଦେଖି ଲୋକଙ୍କ ଭିଡ଼ ଜମିଥିଲା । ସେମାନେ ତାଙ୍କ ସହ ସେଲ୍ଫି ଉଠାଉଥିବାର ନଜର ଆସିଥିଲେ । ବର୍ତ୍ତମାନ ଏହାର ଏକ ଭିଡ଼ିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଭାଇରାଲ ହେଉଥିବା ଭିଡ଼ିଓରେ ଦର୍ଶାଯାଇଛି କିପରି ‘ପୁଷ୍ପାରାଜ୍’ଙ୍କ ଗେଟଅପରେ ଅଲ୍ଲୁ ଅର୍ଜୁନଙ୍କ ଜଣେ ଫ୍ୟାନ୍ କାର ଉପରେ ଚଢ଼ିଛନ୍ତି । ପୁଷ୍ପା ୨ରେ ସେ ଅଲ୍ଲୁ ଅର୍ଜୁନଙ୍କ ‘ପୁଷ୍ପାରାଜ୍’ ଗେଟଅପର ଭ୍ରମ ସୃଷ୍ଟି କରୁଛନ୍ତି । ଫ୍ୟାନ୍ ଜଣଙ୍କ ଶାଢ଼ି- ବ୍ଲାଉଜ୍, ମେକଅପ୍ ଓ ବେକରେ ଲେମ୍ବୁ ମାଳା ବି ପିନ୍ଧିଛନ୍ତି । ଏହି ଭିଡ଼ିଓକୁ ଅନେକ ଲାଇକ୍ ମିଳିଥିବାବେଳେ ୟୁଜର କମେଣ୍ଟ ବି କରିଛନ୍ତି । କହିରଖୁଛୁ ଓପେନିଂ ଦିନରେ ପୁଷ୍ପା ୨ ୱାର୍ଲ୍ଡୱାଇଡ୍ ୨୯୪ କୋଟି ଟଙ୍କା ରୋଜଗାର କରିଥିଲା । ଏହା ବାଦ୍ ଫିଲ୍ମଟି ଦୁଇ ଦିନରେ ମୋଟ୍ ୪୦୦ କୋଟି ଟଙ୍କା ରୋଜଗାର କରିଥିଲା ।
View this post on Instagram
