(Video) ମହିଳାଙ୍କ ଛାତିରେ ଅଟୋଗ୍ରାଫ ଦେଲେ ଡୋନାଲ୍ଡ ଟ୍ରମ୍ପ, ଭିଡିଓ ଭାଇରାଲ ହେବା ପରେ ତେଜିଲା ବିବାଦ
ୱାଶିଂଟନ: ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଗତ କିଛି ଦିନ ହେବ ବିବାଦ ମଧ୍ୟରେ ଘେରି ରହୁଛନ୍ତି । ସେ ପୁଣି ଏପରି କିଛି କାର୍ଯ୍ୟକଳାପ କରିଛନ୍ତି ଯେଉଁଥି ପାଇଁ ବିବାଦ ଉପୁଜିଛି । ଟ୍ରମ୍ପ ଆମେରିକାର ଲୋବାରେ ନିଜର ନିର୍ବାଚନ କ୍ୟାମ୍ପେନ କରୁଥିଲେ । ଏହାରି ମଧ୍ୟରେ ସେ ଏକ ରେଷ୍ଟରେଣ୍ଟରେ ପହଁଚିଥିଲେ । ସେଠାରେ ଏକ ମହିଳା ୱେଟର ଟ୍ରମ୍ପଙ୍କୁ ଅଟୋଗ୍ରାଫ ଦେବା ଲାଗି କହିଥିଲେ । ଏହାପରେ ଟ୍ରମ୍ପ ତାଙ୍କୁ ଅଟୋଗ୍ରାଫ ଦେଇଛନ୍ତି । ହେଲେ ସେ ଅଟୋଗ୍ରାଫଟି ମହିଳାଙ୍କ ଛାତିରେ ଦେଇଛନ୍ତି । କହିବାକୁ ଗଲେ ସେହି ମହିଳା ଜଣକ ଏପରି କରିବାକୁ ଟ୍ରମ୍ପଙ୍କୁ କହିଥିଲେ ।
ବର୍ତ୍ତମାନ ଏହି ବ୍ୟବହାର ପାଇଁ ଟ୍ରମ୍ପଙ୍କୁ ସମାଲୋଚନା କରାଯାଉଛି । ସୋସିଆଲ ମିଡିଆରେ ତାଙ୍କ ତୀକ୍ଷ୍ଣ ପ୍ରତିକ୍ରିୟା ଦେଖିବାକୁ ମିଳିଛି । ଏହା ପ୍ରଥମ ଘଟଣା ନୁହେଁ, ୨୦୧୫ ମସିହାରେ ମଧ୍ୟ ସେ ନିର୍ବାଚନ କ୍ୟାମ୍ପେନ ସମୟରେ ଜଣେ ମହିଳାଙ୍କ ଛାତିରେ ଅଟୋଗ୍ରାଫ ଦେଇଥିଲେ ।
ଟ୍ରମ୍ପଙ୍କୁ କେଉଁ ସମାଲୋଚନାର ସାମ୍ନା କରିବାକୁ ପଡୁଛି?
୧. ୨୦୨୦ ନିର୍ବାଚନରେ ତାଙ୍କ ପରାଜୟକୁ ପ୍ରତ୍ୟାହାର କରିବାକୁ ଉଦ୍ୟମ ଅଭିଯୋଗରେ ଜର୍ଜିଆରେ ଡୋନାଲ୍ଡ ଟ୍ରମ୍ପଙ୍କ ବିରୋଧରେ ଅଭିଯୋଗ ହୋଇଛି। ତେବେ ଟ୍ରମ୍ପ ଏହି ଅଭିଯୋଗକୁ ଅସ୍ୱୀକାର କରିଛନ୍ତି।
୨. ୨୦୨୦ ରାଷ୍ଟ୍ରପତି ନିର୍ବାଚନର ଫଳାଫଳକୁ ଅଗ୍ରାହ୍ୟ କରି ଟ୍ରମ୍ପଙ୍କ ବିରୋଧରେ ଏକ ପୃଥକ ମାମଲା ପଞ୍ଜିକୃତ ହୋଇଛି, ଯେଉଁଥିରେ କ୍ୟାପିଟାଲ ହିଲର ହିଂସା ଅଭିଯୋଗ ମଧ୍ୟ ରହିଛି।
୩. ଟ୍ରମ୍ପ ମଧ୍ୟ ଉପରୋକ୍ତ ଗୁରୁତ୍ୱପୂର୍ଣ୍ଣ ଦଲିଲଗୁଡ଼ିକର ତ୍ରୁଟିପୂର୍ଣ୍ଣ ଅଭିଯୋଗ କରିଛନ୍ତି। ଉକ୍ତ ମାମଲାରେ ତଦନ୍ତକାରୀ ସଂସ୍ଥାର କାର୍ଯ୍ୟରେ ବାଧା ସୃଷ୍ଟି କରିଥିବା ମଧ୍ୟ ଅଭିଯୋଗ ହୋଇଛି।
୪. ଟ୍ରମ୍ପ ଆମେରିକାର ଏଡ଼ଲ୍ଟ ଚଳଚ୍ଚିତ୍ର ତାରକା ଷ୍ଟର୍ମୀ ଡାନିଏଲ୍ସଙ୍କୁ ଟଙ୍କା ଦେଇଥିବା ଅଭିଯୋଗ ହୋଇଛି। ସେ ତାଙ୍କ ସମ୍ପର୍କକୁ ଲୁଚାଇବା ପାଇଁ ଷ୍ଟର୍ମୀ ଡାନିଏଲ୍ସଙ୍କ ଉପରେ ଚାପ ପକାଉଥିବାର ଅଭିଯୋଗ କରିଛନ୍ତି।
Watch Trump act completely inappropriately with woman at Iowa campaign stop. Anyone surprised? pic.twitter.com/KWm6WFRWVL
— Mike Sington (@MikeSington) September 21, 2023