ଧନତେରାସ ଦିନ ଭୁଲରେ ବି କିଣନ୍ତୁନି ଏହି ସବୁ ଜିନିଷ: ବିପଦ ମାଡ଼ି ବସିବ
ପ୍ରତିବର୍ଷ କାର୍ତ୍ତିକ ମାସରେ କୃଷ୍ଣ ପକ୍ଷର ତ୍ରୟୋଦଶୀରେ ଧନତେରାସ ର ପର୍ବ ପାଳନ କରାଯାଏ । ଏଥର ୨୩ ଅକ୍ଟୋବର, ରବିବାର ଦିନ ଧନତେରାସ ର ପର୍ବ ପାଳନ କରାଯିବ । ଦୀପାବଳି ଭଳି ଧନତେରାସର ମଧ୍ୟ ଅନେକ ମହତ୍ତ୍ୱ ରହିଛି । ଏହି ଦିନ ସୁନା, ରୁପା, ବାସନ, ଝାଡୁ ଭଳି ଅନେକ ଜିନିଷ କିଣାକିଣି କରାଯାଏ । ଧାର୍ମିକ ବିଶ୍ୱାସ ଅନୁଯାୟୀ ଏହି ଦିନ କିଣାକିଣି କରିବା ବହୁତ ଶୁଭ ବୋଲି କୁହାଯାଏ । ଏହି ଦିନ କିଣାକିଣି କଲେ ଧନ ବୃଦ୍ଧି ହୋଇଥାଏ ବୋଲି କୁହାଯାଏ । ସେଥିପାଇଁ ଧନତେରାସ ଦିନ ବଜାରରେ ଲୋକଙ୍କ ଭିଡ ଦେଖିବାକୁ ମିଳିଥାଏ । ତେବେ ଏହି ଦିନ କେଉଁ କେଉଁ ଜିନିଷ କିଣିବା ଉଚିତ ନୁହେଁ, ଆସନ୍ତୁ ଜାଣିବା…
ଧନତେରାସ ଦିନ ଭୁଲରେ ବି କିଣନ୍ତୁନି ଏହିସବୁ ଜିନିଷ :
– ଧନତେରାସ ଦିନ କାଚ କିମ୍ବା କାଚରେ ତିଆରି ଜିନିଷ କିଣିବା ଅଶୁଭ ହୋଇଥାଏ । କାଚର ସମ୍ପର୍କ ରାହୁ ଗ୍ରହ ସହ ରହିଛି । ସେଥପାଇଁ ଧନତେରାସ ଭଳି ଶୁଭ ଦିନରେ କାଚ ଜିନିଷ କିଣିବାକୁ ବାରଣ କରାଯାଇଥାଏ ।
– ଧନତେରାସ ଦିନ ପ୍ଲାଷ୍ଟିକରେ ନିର୍ମିତ ଜିନିଷ କିଣିବା ଉଚିତ୍ ନୁହେଁ । ପ୍ଲାଷ୍ଟିକ୍ ଜିନିଷ ଘରେ ସମୃଦ୍ଧତା ଆଣେ ନାହିଁ । ତେଣୁ, ଧନତେରାସ ଦିନରେ କୈାଣସି ପ୍ଲାଷ୍ଟିକ ସାମଗ୍ରୀ କିଣିବା ଉଚିତ ନୁହେଁ ।
– ଅନେକ ଲୋକ ଧନତେରାସରେ ଆଲୁମିନିୟମ୍ ବାସନ କିମ୍ବା ଆଇଟମ୍ କିଣନ୍ତି । ଆଲୁମିନିୟମ ଉପରେ ରାହୁଙ୍କ ପ୍ରଭାବ ମଧ୍ୟ ବହୁତ ଅଧିକ । ଏହା ମଧ୍ୟ ଦୁର୍ଭାଗ୍ୟର ସୂଚକ ଭାବରେ ବିବେଚନା କରାଯାଏ । ଧନତେରାସର ଶୁଭ ପର୍ବରେ, ନୂତନ ଆଲୁମିନିୟମ ସାମଗ୍ରୀ କିଣିବା ଠାରୁ ଦୂରେଇ ରହିବା ଉଚିତ୍ ।
– ଧନତେରାସ ଦିନ ଧାରୁଆ ଜିନିଷ କିମ୍ବା ଅସ୍ତ୍ର କିଣିବା ଅନୁଚିତ । ଯେପରିକି ଛୁରୀ, କଇଁଚି, ଖଣ୍ଡା ଭଳି ଜିନିଷ କିଣିବା ଉଚିତ ନୁହେଁ । ଧନତେରାସରେ ଧାରୁଆ ଜିନିଷ କିଣିବା ଅଶୁଭ ବୋଲି କୁହାଯାଏ ।
