BREAKING: ଟୋଲ ଗେଟ୍ ନିକଟରେ ହୁତୁହୁତୁ ହୋଇ ଜଳିଗଲା କଣ୍ଟେନର, ଡ୍ରାଇଭର ଜୀବନ୍ତ ଦଗ୍ଧ

ଭୁବନେଶ୍ବର: ବିଳମ୍ବିତ ରାତିରେ ଭୟଙ୍କର ଦୁର୍ଘଟଣା । କଣ୍ଟେନର ସହିତ ଜଳିଗଲେ ଡ୍ରାଇଭର । ତେବେ ଭୟଙ୍କର ଅଗ୍ନିକାଣ୍ଡରେ ଜୀବନ୍ତ ଦଗ୍ଧ ହୋଇଯାଇଛନ୍ତି ଡ୍ରାଇଭର । ବାଲେଶ୍ବର ଜିଲ୍ଲା ଜଳେଶ୍ବର ଥାନା ଲକ୍ଷ୍ମଣନାଥ ଟୋଲ ପ୍ଲାଜା ନିକଟରେ ଏହି ଭୟାନକ ଅଘଟଣ ଦେଖିବାକୁ ମିଳିଛି । ପଶ୍ଚିମବଙ୍ଗରୁ ଓଡିଶାକୁ ଦ୍ରୁତ ଗତିରେ  ଆସୁଥିଲା ବେଳେ ଲକ୍ଷ୍ମଣନାଥ ଟୋଲ ପ୍ଲାଜାକୁ ଧକ୍କା ଦେଇ ହୁତୁହୁତୁ ହୋଇ କଣ୍ଟେନରଟି ଜଳିଯାଇଥିଲା । ହେଲେ ଏଥିରୁ ଅଳ୍ପକେ ରକ୍ଷା ପାଇଯାଇଥିଲେ ଟୋଲପ୍ଲାଜା କର୍ମଚାରୀ । କିନ୍ତୁ ସମ୍ପୂର୍ଣ୍ଣ ଭାବରେ ଜଳିଗଲେ କଣ୍ଟେନର ଡ୍ରାଇଭର । ଖବର ପାଇ ଅଗ୍ନିଶମ ବାହିନୀ ନିଆଁକୁ ଆୟତ୍ତ କରିବା ସହିତ ତଦନ୍ତ ଆରମ୍ଭ ହୋଇଛି ।

ଖବର ଅନୁସାରେ, TN 58 AE 7861 ନ ବିଶିଷ୍ଟ ଏକ କଣ୍ଟେନର ବିଳମ୍ବିତ ରାତିରେ ପଶ୍ଚିମବଙ୍ଗରୁ ଓଡିଶା ଅଭିମୁଖେ ଆସୁଥିବା ବେଳେ ଲକ୍ଷ୍ମଣ ନାଥ  ଟୋଲପ୍ଲାଜାରେ ଥିବା ଡିଭାଇଡର ଉପରକୁ ଚଢି ଯାଇ ଟୋଲ ପ୍ଲାଜାର କେବିନକୁ ଜୋରରେ ଧକ୍କା ଦେଇଥିଲା । କଣ୍ଟେନରଟି   ହୁ ହୁ ହୋଇ ଜଳିବାକୁ ଲାଗିଥିଲା। କେବିନ ମଧ୍ୟରେ ଥିବା ଟୋଲ କର୍ମଚାରୀ ଅଳ୍ପକେ ରକ୍ଷା ପାଇଥିଲା ବେଳେ କଣ୍ଟେନର ଥିବା ଡ୍ରାଇଭର ସମ୍ପୂର୍ଣ୍ଣ ଭାବରେ ଜଳି ଯାଇଥିଲେ । ଖବର ପାଇ ଘଟଣା ସ୍ଥଳରେ ଜଳେଶ୍ୱର ଅଗ୍ନିଶମ ବିଭାଗ କର୍ମଚାରୀ ପହଞ୍ଚି  ପ୍ରାୟ ଏକ ଘଣ୍ଟା ଅପରେଶନ ପରେ ନିଆଁକୁ ଆୟତ କରିଥିଲା ବେଳେ ଜଳେଶ୍ୱର ପୋଲିସ ଘଟଣାର  ତଦନ୍ତ ଜାରି ରଖିଛି ।