ଗେମିଙ୍ଗ ଦୁର୍ନୀତିରେ ୯୦ କୋଟି ଟଙ୍କାର କ୍ରିପ୍ଟୋ ସମ୍ପତ୍ତି ଜବତ କଲା ଇଡି
ନୂଆଦିଲ୍ଲୀ: ପ୍ରବର୍ତ୍ତନ ନିର୍ଦ୍ଦେଶାଳୟ କହିଛି ଯେ, ସେ ଏକ ଅନଲାଇନ ଗେମିଙ୍ଗ ଆପ ଦୁର୍ନୀତିରେ ବାଇନେନ୍ସ, ଜେବପେ ଏବଂ ବଜୀରଏକ୍ସ ପରି ପ୍ଲାଟଫର୍ମର କ୍ରିପ୍ଟୋକରେନ୍ସି ୱାଲେଟରେ ରଖାଯାଇଥିବା ୯୦ କୋଟି ଟଙ୍କାକୁ ନିଜ କବଜାକୁ ଆଣିଛି । ଆର୍ଥିକ ଯାଞ୍ଚ ଏଜେନ୍ସି ଏକ ବିବୃତ୍ତିରେ କହିଛି ଯେ, ଗେମିଙ୍ଗ ଦୁର୍ନୀତି ସହ ସମ୍ବନ୍ଧିତ ମନିଲଣ୍ଡରିଂ ଯାଞ୍ଚରେ ଏହି କ୍ରିପ୍ଟୋ ସଂପତ୍ତିଗୁଡ଼ିକୁ କବଜାରେ ନିଆଯାଇଛି ଏବଂ ପରେ ତାକୁ ଇଡିର କ୍ରିପ୍ଟୋ ୱାଲେଟରେ ଟ୍ରାନ୍ସଫର କରାଯାଇଛି ।
ଏହି ଯାଞ୍ଚ ଇ-ନଗେଟ, ନାମକ ଏକ ନକଲି ଅନଲାଇନ ଗେମିଙ୍ଗ ଆପ ସହ ସମ୍ବନ୍ଧିତ ଅଟେ । ନିଜକୁ ଏକ ଗେମିଙ୍ଗ ପ୍ଲାଟଫର୍ମ ବୋଲି କହୁଥିବା ଇ-ନଗେଟ ଉପଯୋଗକର୍ତ୍ତାମାନଙ୍କୁ ଇନଭେଷ୍ଟମେଣ୍ଟ ଉପରେ ଅଧିକ ରିଟର୍ଣ୍ଣ ଦେବା ଲାଗି ପ୍ରତିଜ୍ଞା କରାଯାଇଥିଲା । ଏହି ବାବଦରେ କୋଲକାତାର ପାର୍କ ଷ୍ଟ୍ରିଟ ପୋଲିସ ଥାନାରେ ଏକ ଏଫଆଇଆର ଦାଖଲ କରାଯାଇଥିଲା । ଏହି ଆଧାରରେ ଧନଶୋଧନ ନିବାରଣ ଅଧିନିୟମର ପ୍ରବନ୍ଧନ ଅନୁଯାୟୀ, ଇଡି ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ଇଡି କହିଛି ଯେ, ସେ ୨୦୨୨ ବର୍ଷରେ ଏହି ଗେମିଙ୍ଗ ଆପର ଅବୈଧ ଗତିବିଧିର ଖୁଲାସା କରିବା ପରେ ପାଇଥିଲା ଯେ ଦୁର୍ନୀତି ଭାବେ ଅର୍ଜନ କରିଥିବା ଟଙ୍କାର ଏକ ଭାଗ ଡିଜିଟାଲ ସଂପତ୍ତିରେ ନିବେଶ କରାଯାଇଛି । ଯାଞ୍ଚ ସମୟରେ ପାଖାପାଖି ୨ ହଜାର ୫୦୦ ନକଲି ବ୍ୟାଙ୍କ ଖାତାର ପରିଚୟ କରାଯାଇଛି ।
