ସବୁଥର ସ୍ୱାମୀ ଭୁଲ ହୋଇନଥାଏ, ପୁରୁଷଙ୍କ ପକ୍ଷ ଶୁଣିବା ମଧ୍ୟ ଜରୁରୀ: କୋର୍ଟ
ନୂଆଦିଲ୍ଲୀ: ପାରିବାରିକ ବିବାଦ ମାମଲାରେ ଅଧିବେଶନ କୋର୍ଟ ନିମ୍ନ ଅଦାଲତର ନିଷ୍ପତ୍ତିକୁ ଅଯୌକ୍ତିକ ବୋଲି କହିଛନ୍ତି। କୋର୍ଟ କହିଛନ୍ତି ଯେ ପ୍ରତ୍ୟେକ ଥର ସ୍ୱାମୀ-ସ୍ତ୍ରୀ ବିବାଦରେ ସ୍ୱାମୀ ଭୁଲ ହୋଇନଥାନ୍ତି । କୋର୍ଟ ପୁରୁଷଙ୍କ ପକ୍ଷ ମ୍ରଧ୍ୟ ଶୁଣିବା ଜରୁରୀ । ଟ୍ରାଏଲ କୋର୍ଟ ଦ୍ୱାରା ପତ୍ନୀଙ୍କୁ ମାସିକ ୨୫,୦୦୦ ଟଙ୍କା ଭରଣପୋଷଣ ପାଇଁ ଦେବା ଆଦେଶକୁ ରଦ୍ଦ କରି ଅଧିବେଶନ କୋର୍ଟ ଏହିଭଳି ମତ ଦେଇଛନ୍ତି । ଅଧିବେଶନ କୋର୍ଟ କହିଛନ୍ତି ଯେ ସ୍ୱାମୀଙ୍କ ପାଖରେ ସମସ୍ତ ପ୍ରମାଣ ଅଛି, ଯାହା ଦର୍ଶାଉଛି ଯେ ସେ ପତ୍ନୀଙ୍କୁ ଏଲିମନି ଭାବରେ ୪୦ ଲକ୍ଷ ଟଙ୍କା ଦେଇସାରିଛନ୍ତି।
ପଟିଆଲା ହାଉସ୍ ସ୍ଥିତ ଅତିରିକ୍ତ ସେସନ୍ କୋର୍ଟର ଜଷ୍ଟିସ୍ ପ୍ରବୀଣ ସିଂଙ୍କ ଅଦାଲତ, ଏହି ମାମଲାକୁ ଦ୍ୱିତୀୟ ଥର ପାଇଁ ବିଚାର କରିବା ନିମେନ୍ତ ସମ୍ବର୍ନ୍ଧିତ ଅଦାଲତକୁ ପଠାଯାଉ ବୋଲି କହିଛନ୍ତି । ଅଦାଲତ କହିଛନ୍ତି ଯେ ସ୍ୱାମୀଙ୍କ ଦ୍ୱାରା ଦାଖଲ ହୋଇଥିବା ସମୀକ୍ଷା ଆବେଦନପତ୍ରରେ ସମସ୍ତ ଦଲିଲ ରହିଛି ଯେଉଁଥିରେ ଦର୍ଶାଯାଇଛି ଯେ ସେ ନିଜେ ୨୦୧୪ ମସିହାରେ ପତ୍ନୀଙ୍କୁ ୪୦ ଲକ୍ଷ ଟଙ୍କା ଏଲିମନି ପ୍ରଦାନ କରିଛନ୍ତି। ଏହି ରାଶି ଉପରେ ପତ୍ନୀ ବର୍ଷ ବର୍ଷ ପାଇଁ ସୁଧ ହିସାବରେ ମାସକୁ ୩୪ ହଜାର ଟଙ୍କା ଗ୍ରହଣ କରୁଛନ୍ତି । ଏହା ସତ୍ତେ୍ୱ ନିମ୍ନ ଅଦାଲତ ତଥ୍ୟକୁ ନ ଦେଖି ମାସକୁ ୨୫ ହଜାର ଟଙ୍କା ଭରଣାପୋଷଣ ନିମନ୍ତେ ଦେବା ଆବେଦନକୁ ସ୍ୱାମୀଙ୍କୁ ଆଦେଶ ଦେଇଥିଲେ। ଏହିପରି ଭାବରେ ପତ୍ନୀ ଭରଣାପୋଷଣ ପାଇଁ ୫୯ ହଜାର ଟଙ୍କା ପାଉଥିଲେ, ଯାହା ତାଙ୍କ ସ୍ୱାମୀଙ୍କ ମାସିକ ଆୟଠାରୁ ବହୁତ ଅଧିକ ।
ବାସ୍ତବରେ, ପ୍ରମାଣକୁ ସେସନ୍ କୋର୍ଟରେ ଉପସ୍ଥାପନ କରାଯାଇଥିଲା, ଯାହା ଅନୁଯାୟୀ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବିବାଦ ହେତୁ ସେମାନେ ପାରସ୍ପରିକ ସହମତି କ୍ରମେ କଲିକତା କୋର୍ଟରେ ଛାଡପତ୍ର ପାଇଁ ଆବେଦନ କରିଥିଲେ। ପ୍ରଥମ ତାରିଖରେ ସ୍ୱାମୀ ପତ୍ନୀଙ୍କ ଆକାଉଣ୍ଟରେ ୨୦ ଲକ୍ଷ ଟଙ୍କା ଜମା କରିଥିଲେ। ଏଥି ସହିତ ଦ୍ୱିତୀୟ ମୋସନ୍ ପୂର୍ବରୁ ମଧ୍ୟ ୨୦ ଲକ୍ଷ ଟଙ୍କା ଜମା କରାଯାଇଥିଲା। କିନ୍ତୁ ଏହିପରି ଭାବରେ ପତ୍ନୀ ୪୦ ଲକ୍ଷ ଟଙ୍କା ପାଇବା ପରେ ଛାଡପତ୍ରର ଶେଷ ତାରିଖ ଶୁଣାଣିରେ ପହଞ୍ଚି ନଥିଲେ। ଅନେକ ତାରିଖ ଏହିପରି ଭାବରେ ଗଡ଼ିବାପରେ ଛାଡପତ୍ର ଆବେଦନକୁ କୋର୍ଟ ଖାରଜ କରିଦେଇଥିଲେ। ପତ୍ନୀ ୪୦ ଲକ୍ଷ ଟଙ୍କା ନେଇଥିବା ସେସନ୍ କୋର୍ଟ ସ୍ୱୀକାର କରିଛନ୍ତି। ଏହା ସହିତ, ସେ ସୁଧ ହିସାବରେ ମାସକୁ ୩୪ ହଜାର ଟଙ୍କା ପାଆନ୍ତି ।