ଫାରୁକ୍ ଅବଦୁଲ୍ଲାଙ୍କ ବଡ ବୟାନ: ‘ରାମ କେବଳ ହିନ୍ଦୁ ନୁହଁନ୍ତି ସମଗ୍ର ଜଗତର ପ୍ରଭୁ ଅଟନ୍ତି’
ଜାମ୍ମୁ: ‘ଭଗବାନ ରାମ କେବଳ ହିନ୍ଦୁମାନଙ୍କର ନୁହଁନ୍ତି। ସେ ସମଗ୍ର ଜଗତର ପ୍ରଭୁ ଅଟନ୍ତି।’ ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ନେସନାଲ କନ୍ଫରେନ୍ସ ନେତା ଫାରୁକ୍ ଅବଦୁଲ୍ଲା ଏକ ବଡ଼ ବୟାନ ଦେଇଛନ୍ତି। ଆଜି ଏକ ରାଲିରେ ସେ କହିଥିଲେ ଯେ, ନେତାମାନେ ବିଭାଜନ ସୃଷ୍ଟି କରନ୍ତି, କୌଣସି ମନ୍ଦିର ମସଜିଦ ମଧ୍ୟରେ କେବେ ଝଗଡା ହୋଇନାହିଁ।
ମୁଁ ସେମାନଙ୍କୁ କହିବାକୁ ଚାହେଁ ଯେଉଁମାନେ ପ୍ରଭୁ ରାମ ସେମାନଙ୍କର, ପ୍ରଭୁ ରାମ ହେଉଛନ୍ତି ଜଗତର ପ୍ରଭୁ, କୌଣସି ହିନ୍ଦୁଙ୍କର ପ୍ରଭୁ ନୁହଁନ୍ତି, ସେ ସମସ୍ତଙ୍କର ପ୍ରଭୁ ଅଟନ୍ତି। ଯେଉଁମାନେ ତାହାଙ୍କୁ ବିଶ୍ୱାସ କରନ୍ତି ନାହିଁ, ସେ ମଧ୍ୟ ପରମେଶ୍ୱର ଅଟନ୍ତି। କିନ୍ତୁ ଏଠାରେ ବସିଥିବା ଲୋକମାନେ କୁହନ୍ତି ଯେ ରାମ ଆମର। ମୁଁ ସେମାନଙ୍କୁ କହିବାକୁ ଚାହେଁ ରାମ କେବଳ ତୁମର ନୁହେଁ, ରାମ ସମସ୍ତଙ୍କର, ତେଣୁ ଯେତେବେଳେ ରାମ ସମସ୍ତଙ୍କର ଅଟେ। ତେଣୁ ସମସ୍ତେ ବୁଝିବା ଉଚିତ୍ ଯେ ଆମେ ଏକତ୍ର ଗତି କରିବା ଏବଂ କେବଳ ନିଜକୁ ନୁହେଁ ଆମର ଧର୍ମକୁ ମଧ୍ୟ ଦୃଢ଼ କରିବା ଉଚିତ୍।
J&K | Lord Ram is everyone's, not just for the people of Hindu religion: National Conference President Farooq Abdullah (19.11) pic.twitter.com/ADFuZl1CUf
— ANI (@ANI) November 20, 2022
ଏହି ସମୟରେ ଫାରୁକ୍ ଅବଦୁଲ୍ଲା ବର୍ତ୍ତମାନ ମୁଦ୍ରାସ୍ଫୀତିକୁ ନେଇ ମଧ୍ୟ ଆଲୋଚନା କରିଥିଲେ। ସେ କହିଥିଲେ ଯେ, ବର୍ତ୍ତମାନ ଦେଶରେ ବିଭିନ୍ନ ଅତ୍ୟାବଶ୍ୟକ ଜିନିଷର ଦରଦାମ ଚରମ ସୀମାରେ ଅଛି। ମୁଦ୍ରାସ୍ଫୀତି ଉପରେ କାହାର ନିୟନ୍ତ୍ରଣ ନାହିଁ। ଫଳ, ପନିପରିବା, ଗ୍ୟାସ ସିଲିଣ୍ଡରର ମୂଲ୍ୟ କ୍ରମାଗତ ଭାବେ ବୃଦ୍ଧି ପାଉଛି। ତେଣୁ ଲୋକମାନେ ମୁଦ୍ରାସ୍ଫୀତି ପାଇଁ ମଧ୍ୟ ଚିନ୍ତିତ ଥିବା ସେ କହିଥିଲେ। ଏହା ସହିତ ବିଜେପିକୁ ଟାର୍ଗେଟ କରି ଫାରୁକ୍ କହିଛନ୍ତି, ନିର୍ବାଚନ ସମୟରେ ସେମାନେ ‘ହିନ୍ଦୁ ବିପଦରେ’ ବ୍ୟବହାର କରିବେ, କିନ୍ତୁ ମୁଁ ସମସ୍ତଙ୍କୁ ଅନୁରୋଧ କରୁଛି ଯେ ଏହାର ଜାଲରେ ନ ପଡ଼ନ୍ତୁ।
