ଚଳଚ୍ଚିତ୍ର ନିର୍ମାତା ଧୀରଜଲାଲ ଶାହାଙ୍କ ପରଲୋକ, ସନ୍ନି ଦେଓଲଙ୍କ ଫିଲ୍ମ ‘ହିରୋ’ର କରିଥିଲେ ନିର୍ମାଣ
ନୂଆଦିଲ୍ଲୀ: ଚଳଚ୍ଚିତ୍ର ଜଗତରୁ ଏକ ଦୁଃଖଦ ଖବର ଆସିଛି । ଜଣାଶୁଣା ଚଳଚ୍ଚିତ୍ର ନିର୍ମାତା ଧୀରଜ ଲାଲ ଶାହାଙ୍କର ସୋମବାର ୧୧ ମାର୍ଚ୍ଚରେ ମୃତ୍ୟୁ ହୋଇଛି । ଏହାକୁ ଧୀରଜଲାଲ ଶାହାଙ୍କ ଭାଇ ହସମୁଖ ସ୍ପଷ୍ଟ କରିଛନ୍ତି ।
ସେ କହିଥିଲେ ଯେ ଫିଲ୍ମ ନିର୍ମାତା ଅନେକ ଦିନ ଧରି ଅସୁସ୍ଥ ଥିଲେ । ସେ ମୁମ୍ବାଇର ଏକ ଡାକ୍ତରଖାନାରେ ଚିକିତ୍ସିତ ହେଉଥିଲେ । ଚିକିତ୍ସା ସମୟରେ ଧୀରଜଲାଲ ଶାହାଙ୍କର ମୃତ୍ୟୁ ହୋଇଥିଲା । ଧୀରଜ ଲାଲ ଶାହାଙ୍କ ଦେହାନ୍ତ ଖବର ଯୋଗୁଁ ଚଳଚ୍ଚିତ୍ର ଜଗତରେ ଶୋକର ଲହରୀ ଖେଳିଯାଇଛି ।
ଅନ୍ତିମ ସଂସ୍କାର କେବେ ହେବ?
ଧୀରଜଲାଲ ଶାହାଙ୍କ ଭାଇ ହସମୁଖ କହିଛନ୍ତି ଯେ, ତାଙ୍କୁ କୋଭିଡ ହୋଇଥିଲା, ଯାହା ପରେ ତାଙ୍କ ଫୁସଫୁସରେ ସମସ୍ୟା ଦେଖାଦେଇଥିଲା । ଗତ ୨୦ ଦିନ ମଧ୍ୟରେ ତାଙ୍କ ସ୍ୱାସ୍ଥ୍ୟ ଅବସ୍ଥା ଆହୁରି ଖରାପ ହେବାକୁ ଲାଗିଲା । ଏହି କାରଣରୁ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । କିନ୍ତୁ ଏହା ପରେ ସେ ଜୀବନର ଯୁଦ୍ଧରେ ହାରି ଦୁନ୍ରିାକୁ ଅଲବିଦା କରିଦେଲେ । ୧୨ ମାର୍ଚ୍ଚ ମଙ୍ଗଳବାର ଦିନ ଧୀରଜ ଲାଲ ଶାହାଙ୍କ ଶେଷ ରୀତିନୀତି କରାଯିବ ।
ଧୀରଜଲାଲ ଶାହା ଅକ୍ଷୟ କୁମାରଙ୍କ ଅନେକ ଚଳଚ୍ଚିତ୍ର ନିର୍ମାଣ କରିଛନ୍ତି । ଏହା ବ୍ୟତୀତ ସେ ଅଜୟ ଦେବଗନ ଷ୍ଟାରର ବିଜୟପଥ, ସନି ଦେଓଲ ଷ୍ଟାରର ହିରୋ: ଲଭ୍ ଷ୍ଟୋରୀ ଅଫ୍ ସ୍ପାଇ ମଧ୍ୟ ପ୍ରସ୍ତୁତ କରିଛନ୍ତି । ତାଙ୍କର ଚଳଚ୍ଚିତ୍ରଗୁଡିକ ଲୋକମାନଙ୍କୁ ବହୁତ ପସନ୍ଦ ଆସିଛି ।
