ଲୋକସଭା ନିର୍ବାଚନ ମଧ୍ୟରେ କଂଗ୍ରେସକୁ ବଡ଼ ଝଟକା, ଅରବିନ୍ଦର ସିଂ ଲଭଲିଙ୍କ ସମେତ ଅନେକ ନେତା ବିଜେପିରେ ହେଲେ ସାମିଲ

ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ମଧ୍ୟରେ ଦିଲ୍ଲୀର ପୂର୍ବତନ କଂଗ୍ରେସ ଅଧ୍ୟକ୍ଷ ଅରବିନ୍ଦର ସିଂ ଲଭଲି ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି । ବିଜେପି ମୁଖ୍ୟାଳୟରେ ପୂର୍ବତନ କଂଗ୍ରେସ ଦିଲ୍ଲୀ ପ୍ରମୁଖଙ୍କ ସମେତ ପୂର୍ବ କଂଗ୍ରେସ ବିଧାୟକ ରାଜ କୁମାର ଚୌହ୍ୱାନ, ନସିବ ସିଂ, ନୀରଜ ବାସୋୟା ଏବଂ ପୂର୍ବତନ ଯୁବ କଂଗ୍ରେସ ସଭାପତି ଅମିତ ମଲିକ କେନ୍ଦ୍ର ମନ୍ତ୍ରୀ ହାର୍ଦ୍ଦିକ ସିଂ ପୁରୀଙ୍କ ଉପସ୍ଥିତିରେ ବିଜେପିରେ ଯୋଗ ଦେଇଛନ୍ତି । କିଛି ଦିନ ପୂର୍ବରୁ କାନହୟା କୁମାର ଉତ୍ତର ପୂର୍ବ ଦିଲ୍ଲୀର ପ୍ରାର୍ଥୀ ହେବା ବିରୋଧରେ ବିରୋଧ କରି ଦିଲ୍ଲୀ କଂଗ୍ରେସ ସଭାପତି ପଦରୁ ଇସ୍ତଫା ଦେଇଥିଲେ । ଯଦିଓ ସେ କହିଥିଲେ ଯେ ସେ ଦଳର ସଦସ୍ୟ ରହିବେ, ଏକ ସପ୍ତାହ ମଧ୍ୟରେ ଅରବିନ୍ଦର ସିଂ ଲଭଲି ନିଜର ଆଭିମୁଖ୍ୟ ପରିବର୍ତ୍ତନ କରି ବିଜେପିରେ ସାମିଲ ହୋଇଥିଲେ ।

ଅରବିନ୍ଦର ସିଂ ଲଭଲି ଜଣେ ୪ ଥର ବିଧାୟକ ଏବଂ ଦୁଇଥର ଦିଲ୍ଲୀରେ କ୍ୟାବିନେଟ ମନ୍ତ୍ରୀ ହୋଇଥିଲେ । ସେହିଭଳି ବିଜେପିରେ ସାମିଲ ହୋଇଥିବା ରାଜକୁମାର ଚୌହ୍ୱାନ ୪ ଥର ବିଧାୟକ ଏବଂ ଦୁଇଥର ଦିଲ୍ଲୀରେ କ୍ୟାବିନେଟ ମନ୍ତ୍ରୀ ହୋଇଛନ୍ତି । ଏଥି ସହ ବିଜେପିରେ ସାମିଲ ହୋଇଥିବା ନସିବ ସିଂ ଦୁଇଥର ବିଧାୟକ ଏବଂ କଂଗ୍ରେସର ପୂର୍ବତନ ସଚିବ ଭାବରେ କାର୍ଯ୍ୟ କରିଛନ୍ତି । ସେହିଭଳି ନୀରଜ ବାସୋୟା ମଧ୍ୟ ଜଣେ ପୂର୍ବତନ ବିଧାୟକ ଏବଂ ଅନ୍ୟ ଜଣେ ନେତା ଅମିତ ମଲିକ ୟୁରଥ କଂଗ୍ରେସର ପୂର୍ବତନ ସଭାପତି ହୋଇଥିଲେ ।

ନିର୍ବାଚନ ମଧ୍ୟରେ କଂଗ୍ରେସ ପାଇଁ ବଡ ଝଟକା :-
କଂଗ୍ରେସର ଅନେକ ପୂର୍ବତନ ବିଧାୟକ ତଥା ଦଳର ବରିଷ୍ଠ ନେତାମାନେ ନିର୍ବଚନ ମଝିରେ କଂଗ୍ରେସ ଛାଡି ବିଜେପିରେ ମିଶିବା ନିଶ୍ଚିତ ଭାବରେ କଂଗ୍ରେସ ପାଇଁ ଏକ ବଡ ଝଟକା ଏବଂ ବିଜେପି ଏହାର ଫାଇଦା ନେଇପାରେ, ଯଦିଓ କେବଳ ନିର୍ବାଚନ ଫଳାଫଳ କହିବ । କିନ୍ତୁ ଏହାର କ’ଣ ପ୍ରଭାବ ପଡ଼ିବ? କିନ୍ତୁ ଦିଲ୍ଲୀ କଂଗ୍ରେସର ଏହି ନେତାମାନେ ଗ୍ରାଉଣ୍ଡ ସ୍ତରରେ ବହୁ ପ୍ରଭାବ ହାସଲ କରୁଛନ୍ତି ।