ମନୁ ଭାକର ଏବଂ ଡି ଗୁକେଶଙ୍କ ସମେତ ୪ ଖେଳାଳିଙ୍କୁ ମିଳିବ ଖେଳରତ୍ନ ସମ୍ମାନ
ନୂଆଦିଲ୍ଲୀ: ଧ୍ୟାନଚନ୍ଦ ଖେଳରତ୍ନ ଆୱାର୍ଡର ଘୋଷଣା କରାଯାଇଛି। ଖେଳ ମନ୍ତ୍ରାଳୟ ଏହି ସୂଚନା ଜାରି କରିଛି। ଖେଳ ମନ୍ତ୍ରାଳୟ କହିଛି ଯେ, ଅଲମ୍ପିକ ମେଡାଲ ବିଜେତା ମନୁ ଭାକର ଏବଂ ଚେସ୍ ୱାର୍ଲ୍ଡ ଚାମ୍ପିଅନ୍ ଡି ଗୁକେଶଙ୍କ ସମେତ ୪ ଜଣ ଖେଳାଳିଙ୍କୁ ମିଳିବ ଧ୍ୟାନଚନ୍ଦ ଖେଳରତ୍ନ ପୁରଷ୍କାର।
ମନୁ ଭାକର ଏବଂ ୱାର୍ଲଡ ଚାମ୍ପିଅନ ଡି ଗୁକେଶଙ୍କ ବ୍ୟତୀତ ହରମନପ୍ରୀତ ସିଂହ ଏବଂ ପାରା ଆଥଲେଟ୍ ପ୍ରବୀଣ କୁମାରଙ୍କୁ ଧ୍ୟାନଚନ୍ଦ ଖେଳ ରତ୍ନ ଆୱାର୍ଡରେ ସମ୍ମାନୀତ କରାଯିବ। ଏହି ଚାରିଜଣ ଆଥଲେଟ ୧୭ ଜାନୁଆରୀରେ ରାଷ୍ଟ୍ରପତି ଭବନରେ ରାଷ୍ଟ୍ରପତିଙ୍କ ହାତରୁ ଏହି ଖେଳରତ୍ନ ସମ୍ମାନ ଗ୍ରହଣ କରିବେ।