ବନ୍ଧୁତ୍ବ ଦିବସକୁ ନିଆରା ଭାବେ ପାଳିଲା ଯାଯାବର ସଂଗଠନ
ଭୁବନେଶ୍ବର: ସ୍ବଚ୍ଛତାର ବାର୍ତ୍ତା ଦେଇ ବନ୍ଧୁତ୍ୱ ଦିବସକୁ ନିଆରା ଭାବେ ପାଳିଲା ଯାଯାବର । ପରିବେଶ ସୁରକ୍ଷା ପାଇଁ ଅଣ୍ଟା ଭିଡ଼ିଲେ ସାମ୍ବାଦିକ ଭାଇ ଭଉଣୀ। ଭୁବନେଶ୍ୱର ଖଣ୍ଡଗିରି ବସଷ୍ଟାଣ୍ଡ ପରିସରକୁ ସଫା କରିଛନ୍ତି। ଏହା ସହ ରାସ୍ତା କଡରେ ବୃକ୍ଷରୋପଣ ମଧ୍ୟ କରିଥିଲେ। ଯାଯାବର ସ୍ବେଚ୍ଛାସେବୀ ସଂଗଠନର ସଦସ୍ୟ ପ୍ରଥମ ପର୍ଯ୍ୟାୟରେ ସାମ୍ବାଦିକ ଭାଇ ଭଉଣୀ ମାନେ ଏହି ସଫେଇ କାର୍ଯ୍ୟରେ ସାମିଲ୍ ହୋଇଥିବା ବେଳେ ସମସ୍ତଙ୍କୁ ଏହି ପ୍ରୟାସ ସହ ଯୋଡି ହେବାକୁ ଆହ୍ବାନ ଦେଇଛନ୍ତି।
ମୁକେଶ ପରିଡାଙ୍କ ନେତୃତ୍ବରେ ସଦସ୍ୟ ମନୋରଞ୍ଜନ ମହାନ୍ତି, ସ୍ମୃତି ରଞ୍ଜନ ବିଶ୍ବାଳ, ସତ୍ୟଜିତ୍ ରାଉତ, ଦିଲ୍ଲିପ ରାଉତ, ସସ୍ମିତା ମଲ୍ଲ, ପ୍ରିୟଦର୍ଶିନୀ ସାହୁ, ସତ୍ୟାନନ୍ଦ ନାୟକ, ନଳିନୀ ରାଉତ, ସମ୍ବିତ ବେହେରା, ଅନିଲକାନ୍ତ ଦାସ, ଶ୍ରୀରାମ ମହାନ୍ତି, ଅରୂପାନନ୍ଦ ବାରିକ ପ୍ରମୁଖ ଯୋଗଦେଇଥିଲେ। ଆଗାମୀ ଦିନରେ ସଂଗଠନ ତରଫରୁ ସଚେତନତାମୂଳକ କାର୍ଯ୍ୟକ୍ରମ ଜାରି ରହିବ ବୋଲି କୁହାଯାଇଛି।
