Gold Price: 5ଦିନ ଲଗାତାର କମିବା ପରେ ଆଜି ପୁଣି ବଢ଼ିଲା ସୁନା ଦର, ଜାଣନ୍ତୁ କେଉଁ ସହରରେ କେତେ ରହିଛି ଦାମ୍
ଭୁବନେଶ୍ବରରେ କେତେ ରହିଛି ସୁନାର ଦାମ୍ ଜାଣନ୍ତୁ
ନୂଆଦିଲ୍ଲୀ: ୟୁକ୍ରେନ ଯୁଦ୍ଧ ସମ୍ପର୍କରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ରୁଷକୁ ନୂତନ ଚେତାବନୀ, ଡଲାର ତୁଳନାରେ ଭାରତୀୟ ଟଙ୍କା କ୍ରମାଗତ ଭାବରେ ଦୁର୍ବଳ ହେବା ଏବଂ ଅଶୋଧିତ ତୈଳ ମୂଲ୍ୟ ହ୍ରାସ ମଧ୍ୟରେ ସୁନା ଦର ମଧ୍ୟ ବୃଦ୍ଧି ପାଇଛି । ନିବେଶକମାନେ ଏବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଦ୍ୱାରା ନିର୍ଦ୍ଧାରିତ ଅଗଷ୍ଟ 1 ତାରିଖର ଶୁଳ୍କ ସମୟସୀମା ଉପରେ ନଜର ରଖିଛନ୍ତି ।
ଆଜି ପ୍ରାରମ୍ଭିକ ବାଣିଜ୍ୟରେ ସୁନାର ମୂଲ୍ୟ 600 ଟଙ୍କା ବୃଦ୍ଧି ପାଇଛି। ଯେତେବେଳେ, ରୂପା ମଧ୍ୟ 1,15,900 ଟଙ୍କା ପ୍ରତି କିଲୋଗ୍ରାମରେ ବିକ୍ରି ହେଉଛି । ଭୁବନେଶ୍ବରରେ ମଧ୍ୟ ସୁନାଦର ବୃଦ୍ଧି ପାଇଛି । ଆଜି ମାର୍କେଟରେ 22କ୍ୟାରେଟ ସୁନାର ମୂଲ୍ୟ 92100 ରହିଥିବା ବେଳେ 24 କ୍ୟାରେଟ୍ ସୁନାର ମୂଲ୍ୟ 100480 ରହିଛି ।
କେଉଁ ସହରରେ କେତେ ରହିଛି ସୁନା ଦର- ଜାତୀୟ ରାଜଧାନୀ ଦିଲ୍ଲୀ ସହିତ ଜୟପୁର, ଅହମ୍ମଦାବାଦ ଏବଂ ପାଟନାରେ ପ୍ରତି ୧୦ ଗ୍ରାମ ପାଇଁ ୨୪ କ୍ୟାରେଟ୍ ସୁନା ୧,୦୦,୬୩୦ ଟଙ୍କାରେ ଉପଲବ୍ଧ ଥିବା ବେଳେ, ଆର୍ଥିକ ରାଜଧାନୀ ମୁମ୍ବାଇ, ହାଇଦ୍ରାବାଦ, ଚେନ୍ନାଇ, ବେଙ୍ଗାଲୁରୁ ଏବଂ କୋଲକାତାରେ ୨୪ କ୍ୟାରେଟ୍ ସୁନା ୧,୦୦,୪୮୦ ଟଙ୍କାରେ ବିକ୍ରି ହେଉଛି ।
ସେହିପରି, ଦିଲ୍ଲୀ, ଜୟପୁର, ଅହମ୍ମଦାବାଦ ଏବଂ ପାଟନାରେ ୨୨ କ୍ୟାରେଟ୍ ସୁନା ୧୦ ଗ୍ରାମ ପାଇଁ ୯୨,୨୫୦ ଟଙ୍କାରେ ବିକ୍ରି ହେଉଛି, ଯେତେବେଳେ ଏହା ବଜାରରେ ମୁମ୍ବାଇ, ହାଇଦ୍ରାବାଦ, ଚେନ୍ନାଇ, ବେଙ୍ଗାଲୁରୁ ଏବଂ କୋଲକାତାରେ ୯୨୧୦୦ ଟଙ୍କାରେ ଉପଲବ୍ଧ।
ରାଷ୍ଟ୍ରପତି ଟ୍ରମ୍ପ ଏସିଆ ପ୍ରଶାନ୍ତ ମହାସାଗରୀୟ ଆର୍ଥିକ ସହଯୋଗ ସମ୍ମିଳନୀରେ ଅଂଶଗ୍ରହଣ କରିବା ପୂର୍ବରୁ ଅକ୍ଟୋବର ୩୦ ରୁ ନଭେମ୍ବର ୧ ମଧ୍ୟରେ ଚୀନ୍ ଗସ୍ତ କରିପାରନ୍ତି କିମ୍ବା ଦକ୍ଷିଣ କୋରିଆରେ ଆୟୋଜିତ ଏହି କାର୍ଯ୍ୟକ୍ରମ ଅବସରରେ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କୁ ଭେଟିପାରନ୍ତି ।
ଗତ ସପ୍ତାହରେ, ଫେଡେରାଲ୍ ରିଜର୍ଭ ଗଭର୍ଣ୍ଣର କ୍ରିଷ୍ଟୋଫର ୱାଲର କହିଥିଲେ ଯେ ସେ ନିଶ୍ଚିତ ଯେ କେନ୍ଦ୍ରୀୟ ବ୍ୟାଙ୍କ ଆସନ୍ତା ସପ୍ତାହର ନୀତି ବୈଠକରେ ସୁଧ ହାର ହ୍ରାସ କରିବାକୁ ନିଷ୍ପତ୍ତି ନେବ ।