ଆଉ ଡ଼େରି କରନ୍ତୁନି, ଶୀଘ୍ର ଯାଆନ୍ତୁ, ସୁନା କିଣନ୍ତୁ, ଦୀର୍ଘ ଦିନ ପରେ କମିଲା ସୁନା, ରୂପା ଦାମ୍

ଭୁବନେଶ୍ୱର: ଆପଣଙ୍କ ପାଇଁ ଏକ ଖୁସି ଖବର। ଆପଣମାନେ ସୁନା କିଣିବାକୁ ଚାହୁଁଛନ୍ତି କି? ଆଉ ସୁନାର ଦାମ୍ ବୃଦ୍ଧି ହେବା କାରଣରୁ ଅଟକି ଯାଇଛନ୍ତି। ହେଲେ ଏବେ ଆଉ ଡେରି କରନ୍ତୁନି। ଶୀଘ୍ର ଯାଇ ସୁନା କିଣିନିଅନ୍ତୁ। କାରଣ କିଛି ଦିନର ସୁନା ଦର ବୃଦ୍ଧି ପରେ ଏବେ ସୁନା ଦର କମିଛି।

ସେଥିପାଇଁ ଦୋକାନରେ ଲୋକଙ୍କ ଭିଡ଼ ମଧ୍ୟ ଜମିଲାଣି। କିଏ ଜାଣିଛି ପୁଣି କେତେବେଳେ ବି ଦର ବୃଦ୍ଧି ହୋଇଯାଇପାରେ। କାରଣ ଗତ କିଛି ଦିନ ହେବ ସୁନାଦର ଯେଉଁଭଳି ଭାବରେ ହୁହୁ ହୋଇ ବଢି ଚାଲିଛି, ସୁନା ନାଁ ଶୁଣିଲେ ଡର ଲାଗୁଛି। କିଣିବା ତ ଦୂରର କଥା।

କେହେ କିଛି ଦିନର ସୁନା ଦର ବୃଦ୍ଧି ଭିତରେ ଆଜି କିନ୍ତୁ ସୁନା ଦର ହ୍ରାସ ପାଇଛି। ସୁନା କିଣିବାକୁ ଇଚ୍ଛା କରୁଥିବା ଗ୍ରାହକଙ୍କ ପାଇଁ ସୁନାଦର ହ୍ରାସ ହେବା ଫଳରେ ଆଶ୍ୱସ୍ତି ମିଳିଛି।

ଆଜି ଭୁବନେଶ୍ୱରରେ ୨୪ କ୍ୟାରେଟ୍‌ ସୁନା ଦାମ୍‌ ୧୦ ଗ୍ରାମ୍‌ ପ୍ରତି ରହିଛି ୯୧,୬୪୦ ଟଙ୍କା। ଯାହାକି ଗତକାଲି ୯୩,୩୮୦ ଟଙ୍କା ଥିଲା। ମୋଟା ମୋଟି ଭାବରେ କହିବାକୁ ଗଲେ ଦରରେ ୧୭୪୦ ଟଙ୍କା ହ୍ରାସ ହୋଇଛି।

୨୨ କ୍ୟାରେଟ୍‌ ସୁନା ଦାମ୍‌ ୧୦ ଗ୍ରାମ୍‌ ପ୍ରତି ୮୪,୦୦୦ ଟଙ୍କା ରହିଛି। ଗତକାଲି ଏହା ୮୫,୬୦୦ ଥିଲା। ଏଥିରେ ୧୬୦୦ ଟଙ୍କା ହ୍ରାସ ପାଇଛି। ରୁପା ଦାମ୍‌ ମଧ୍ୟ ହ୍ରାସ ହୋଇଛି। ୧୦୦ ଗ୍ରାମ୍‌ ରୁପା ଦାମ୍‌ ୧୦,୮୦୦ ଟଙ୍କା ରହିଛି। ଗତକାଲି ଏହା ୧୧,୨୦୦ ଥିଲା। ଏଥିରେ ୪୦୦ ଟଙ୍କା ହ୍ରାସ ହୋଇଛି।