ପ୍ରତିଦିନ ଚାଲିଲେ ଦୂର ହୁଏ ଅନେକ ସ୍ୱାସ୍ଥ୍ୟ ସମସ୍ୟା, ଜାଣନ୍ତୁ କେତେ ସମୟ ଚାଲିବାକୁ କୁହନ୍ତି ବିଶେଷଜ୍ଞ
ଆଜିକାଲିର ବ୍ୟସ୍ତବହୁଳ ଜୀବନରେ ସୁସ୍ଥ ରହିବା ଏକ ବଡ଼ ଚ୍ୟାଲେଞ୍ଜ ପାଲଟିଛି। ଖରାପ ଜୀବନଶୈଳୀ, ଅସ୍ବାସ୍ଥ୍ୟକର ଖାଦ୍ୟପେୟ ଏବଂ ଶାରୀରିକ କାର୍ଯ୍ୟକଳାପର ଅଭାବ ଯୋଗୁ ଲୋକମାନଙ୍କ ମଧ୍ୟରେ ସ୍ଥୂଳତା, ମଧୁମେହ, ହୃଦ୍ରୋଗ ଏବଂ ଚାପ ଭଳି ସମସ୍ୟା ଦ୍ରୁତ ଗତିରେ ବୃଦ୍ଧି ପାଉଛି। ଏପରି ପରିସ୍ଥିତିରେ, ସୁସ୍ଥ ରହିବା ପାଇଁ ଚାଲିବା ଏକ ସହଜ ଏବଂ ପ୍ରଭାବଶାଳୀ ଉପାୟ (ଓଜନ ହ୍ରାସ ପାଇଁ ପ୍ରତିଦିନ ଚାଲିବା)।
ଚାଲିବା ଦ୍ୱାରା କେବଳ ଶରୀର ସୁସ୍ଥ ରହିଥାଏ ନାହିଁ ବରଂ ମାନସିକ ସ୍ବାସ୍ଥ୍ୟ ମଧ୍ୟ ଉନ୍ନତ ହୋଇଥାଏ। କିନ୍ତୁ ପ୍ରଶ୍ନ ହେଉଛି, ଶରୀରକୁ ସୁସ୍ଥ ରଖିବା ପାଇଁ ପ୍ରତିଦିନ କେତେ ମିନିଟ ଚାଲିବା ଉଚିତ? ଆସନ୍ତୁ ଜାଣିବା ଏହା ବିଷୟରେ…
ଚାଲିବାର ଲାଭ
ଚାଲିବା ଉତ୍ତମ ବ୍ୟାୟାମ। ଯାହାକୁ ଯେକୌଣସି ବୟସରେ ସମସ୍ତେ ସହଜରେ କରିପାରିବେ। ଏହା ଶରୀର ପାଇଁ ଅନେକ ଦିଗରେ ଲାଭଦାୟକ, ଯେପରିକି-
ଓଜନ ନିୟନ୍ତ୍ରଣ- ନିୟମିତ ଚାଲିବା ଦାରା କ୍ୟାଲୋରୀ ନଷ୍ଟ ହୁଏ, ଯାହା ଓଜନ ନିୟନ୍ତ୍ରଣରେ ରହେ।
ହାର୍ଟ ସୁସ୍ଥ ରହିବା ସହ ଶକ୍ତିଶାଳୀ କରିଥାଏ, ରକ୍ତଚାପକୁ ନିୟନ୍ତ୍ରଣ କରିଥାଏ।
ମାନସିକ ସ୍ବାସ୍ଥ୍ୟ ଯଥା ଚାପ ଏବଂ ଚିନ୍ତା ହ୍ରାସ କରିବାରେ ଚାଲିବା ବହୁତ ସହାୟକ।
ମାଂସପେଶୀ ସୁଦୃଢ଼ୀକରଣ କରିଥାଏ। ଏହା ଗୋଡ଼ ଏବଂ ମୂଳ ମାଂସପେଶୀକୁ ସୁଦୃଢ଼ କରିଥାଏ।
ପାଚନ ପ୍ରକ୍ରିୟା ଭଲ ହୋଇଥାଏ। ପ୍ରତିଦିନ ଚାଲିବା ଦାରା ପାଚନ ପ୍ରକ୍ରିୟା ଉନ୍ନତ ହୁଏ ଏବଂ କୋଷ୍ଠକାଠିନ୍ୟ ସମସ୍ୟା ଦୂର ହୁଏ।
ପ୍ରତିଦିନ କେତେ ମିନିଟ ଚାଲିବା ଉଚିତ୍?
ବିଶ୍ୱ ସ୍ବାସ୍ଥ୍ୟ ସଂଗଠନ (WHO) ଅନୁଯାୟୀ, ଜଣେ ବୟସ୍କ ବ୍ୟକ୍ତି ପ୍ରତି ସପ୍ତାହରେ ଅତି କମରେ ୧୫୦ ମିନିଟ ମଧ୍ୟମ ତୀବ୍ରତାର ବ୍ୟାୟାମ କରିବା ଉଚିତ। ଯଦି ଆମେ ଏହାକୁ ପ୍ରତିଦିନ ଦେଖିବା, ତେବେ ଏହି ଲକ୍ଷ୍ୟ ହାସଲ କରିବା ପାଇଁ ପ୍ରତିଦିନ ୨୦-୩୦ ମିନିଟ ଚାଲିବା ଯଥେଷ୍ଟ। ତଥାପି,ୟ ଏହି ସମୟ ବ୍ୟକ୍ତିଙ୍କ ବୟସ, ସ୍ବାସ୍ଥ୍ୟ ଅବସ୍ଥା ଏବଂ ଫିଟନେସ୍ ଲକ୍ଷ୍ୟ ଉପରେ ନର୍ଭର କରେ।