ଚିଆ ସିଡ୍ ନଖାଉଥିଲେ ଏବେଠୁ ଖାଇବା ଆରମ୍ଭ କରନ୍ତୁ : ଜାଣନ୍ତୁ ଏହାର ପ୍ରକୃତ ରହସ୍ୟ
ଓଡିଶା ଭାସ୍କର: ଚିଆ ସିଡ୍ ଖାଇବା ଦ୍ୱାରା ଆପଣଙ୍କୁ ଅନେକ ପ୍ରକାରର ପୋଷଣ ମିଳିଥାଏ। ଚିଆ ସିଡରେ ଭିଟାମିନ, ମିନେରାଲ୍ସ ଏବଂ ପ୍ରୋଟିନ ଭରପୁର ମାତ୍ରରେ ରହିଥାଏ । ଶରୀରରେ ଥିବା ଅନେକ ପ୍ରକାରର ସମସ୍ୟାକୁ ଚିଆ ସିଡ୍ ଦୂର କରିବାରେ ସହାୟକ ହୋଇଥାଏ । ତେଣୁ ଆସନ୍ତୁ ଜାଣିବା ଚିଆ ସିଡର ବିଶେଷ ଉପକାରିତା……
ଚିଆ ସିଡ୍ ପ୍ରତ୍ୟେକ ଦିନ ଖାଇବା ଦ୍ୱାରା ହଜମ ପକ୍ରିୟାଠାରୁ ଆରମ୍ଭ କରି ଓଜନ କଣ୍ଟ୍ରୋଲ କରିବା ପର୍ଯ୍ୟନ୍ତ ସହାୟକ ହୋଇଥାଏ । ତେଣୁ ଚିଆ ସିଡ୍ ବ୍ୟବହାର କରିବା ଦ୍ୱାରା ଆପଣ ଅନେକ ରୋଗରୁ ଉପଶମ ହୋଇପାରିବେ ।
ହାଡ ମଜଭୁତ ହୋଇଥାଏ – ଚିଆ ସିଡ୍ ଖାଇବା ଦ୍ୱାରା ହାଡଗୁଡିକ ଶକ୍ତ ହୋଇଥାଏ । ରାତିରେ ପାଣିରେ ଭିଜାଇ ସକାଳେ ସବୁଦିନ ପିଇବା ଦ୍ୱାରା ଶରୀରର ହାଡଗୁଡିକ ମଜଭୁତ ହୋଇଥାଏ । ଏହା ସେବନ କରିବା ଦ୍ୱାରା ବୁଢା ହେବା ପର୍ଯ୍ୟନ୍ତ ମଧ୍ୟ ହାଡ ଏବଂ ଗଣ୍ଠି ସବୁ କାର୍ଯ୍ୟକ୍ଷମ ହୋଇଥାଏ।
ଓଜନ କମ କରିବାରେ ସହାୟକ- ଯଦି ଆପଣଙ୍କ ମୋଟାପଣ ସମସ୍ୟା ରହିଥାଏ ବା କୋଲେଷ୍ଟ୍ରୋଲ ଜନିତ ସମସ୍ୟା ରହିଥାଏ । ତେବେ ଆପଣ ଏହି ଚିଆ ସିଡର ବ୍ୟବହାର କରିବା ଦ୍ୱାରା ଆପଣଙ୍କର ଏହି ମୋଟାପଣ ଏବଂ କୋଲେଷ୍ଟ୍ରୋଲ ସମସ୍ୟା ଗୁଡିକ ଧୀରେ ଧୀରେ ସମାପ୍ତ ହେବାକୁ ଲାଗିବ । ଏହି ମଞ୍ଜିକୁ ଆପଣ ଏକ ଗ୍ଲାସରେ ଏକ ଚାମଚ ବା ଦୁଇ ଚାମଚ ପାଣିରେ ଭିଜାଇ ତାକୁ ସେବନ କରିବା ଦ୍ୱାରା ଆପଣଙ୍କୁ କିଛିଦିନ ଭିତରେ ଏହାର ଫାଇଦା ମିଳିଯିବ ।
ହଜମ ପକ୍ରିୟା ଠିକ ରଖିଥାଏ- ପେଟ ଜନିତ କୌଣସି ପ୍ରକାରର ସମସ୍ୟା ଲାଗି ରହୁଥିଲେ ଏହାକୁ ଠିକ କରିଥାଏ ଚିଆ ସିଡ। ଗ୍ୟାସ, କୋଷ୍ଠକାଠିନ୍ୟ, ହଜମ ନ ହେବା ଭଳି ସମସ୍ୟାକୁ ଚିଆ ସିଡ୍ ସେବନ କରିବା ଦ୍ୱାରା ସମାପ୍ତ ହୋଇଥାଏ। ଆପଣମାନେ ରାତିରେ ଏହାକୁ ଏକ ଗ୍ଲାସ ପାଣିରେ ଭିଜାଇ ସକାଳେ ପିଇପାରିବେ। ପ୍ରତ୍ୟେକ ଦିନ ଚିଆ ସିଡର ସେବନ ଦ୍ୱାରା ଆପଣ ଅନେକ ଉପକାର ପାଇପାରିବେ।