IIT ବାବା ଫଲୋ କରୁଛନ୍ତି ସୁନ୍ଦରୀ ମାତାଜୀଙ୍କୁ, ଭାଇରାଲ ହେଲା ବାବାଙ୍କ ଇନଷ୍ଟା ଆକାଉଣ୍ଟ

ପ୍ରୟାଗରାଜ: 2025 ମହାକୁମ୍ଭ ମେଳା ଜରିଆରେ ଲୋକଲୋଚନକୁ ଆସିଲେ ଦୁଇ ଚର୍ଚ୍ଚିତ ସନ୍ୟାସୀ। ଜଣେ ହେଲେ IIT ବାବା ଅଭୟ ସିଂ, ଓ ଅନ୍ୟଜଣେ ସୁନ୍ଦରୀ ମାତା ହର୍ଷ ରିଚାରିୟା।

ଦୁଇଜଣ ଭିନ୍ନ ଭିନ୍ନ ରାଜ୍ୟର ହୋଇଥିଲେ ସୁଦ୍ଧା ଏବେ ସୋସିଆଲ ମିଡିଆରେ ବେଶ ଚର୍ଚ୍ଚିତ ଚେହେରା ପାଲଟିଛନ୍ତି। ପୂର୍ବରୁ ସେମାନେ ନିଜ କାର୍ଯ୍ୟପାଇଁ ଲୋକଲୋଚନକୁ ଆସିଥିଲେ। ହେଲେ ଏବେ ମାତାଙ୍କୁ ଇନଷ୍ଟାଗ୍ରାମରେ ଫଲୋ କରି ଚର୍ଚ୍ଚାକୁ ଆସିଛନ୍ତି IIT ବାବା।

ବାବାଙ୍କ ମାତା ମୋହ: ବାବା ଅଭୟ ଦୁନିଆର ମୋହ ମାୟା ଛାଡି ସନ୍ୟାସକୁ ଆପଣାଇ ନେଇଛନ୍ତି। ଏହାଛଡ଼ା ନିଜ ସୁନ୍ଦର ମୁହଁ ଓ ଦେହ ପାଇଁ ମଧ୍ୟ ହର୍ଷ ରିଚାରିୟା ବେଶ ଫେମସ ହୋଇଛନ୍ତି। ହେଲେ ସବୁଠାରୁ ଖାସ୍ କଥା ଏହା ଯେ ଏବେ ବାବା ଅଭୟ ଏହି ସୁନ୍ଦରୀ ମାତାଙ୍କୁ ଇନଷ୍ଟାଗ୍ରାମରେ ଫଲୋ କରୁଛନ୍ତି।

 ବିଶେଷ କଥା ଏହା କି ଯେତେବେଳେ ବାବା ଅଭୟଙ୍କର ଇନଷ୍ଟାଗ୍ରାମରେ ଏକ ଲକ୍ଷ 60 ହଜାର ଫଲୋର ରହିଛନ୍ତି। ସେତେବେଳେ ସେ ମାତ୍ର 40 ଜଣଙ୍କୁ ଫଲୋ କରିଛନ୍ତି। ଆଉ ସେହି 40 ଜଣଙ୍କ ମଧ୍ୟରେ ସୁନ୍ଦରୀ ମାତା ହର୍ଷ ମଧ୍ୟ ରହିଛନ୍ତି।

IIT ବାବା କିଏ : ଅଭୟ ସିଂ ହରିୟାଣାର ଝାଜ୍ଜରର ସାସରୌଲି ଗାଁରେ ଜନ୍ମଗ୍ରହଣ କରିଥିଲେ। ସେ IIT ବମ୍ୱେରେ ନିଜ ପାଠପଢା ସମାପ୍ତ କରିଥିଲେ। ଏପରିକି ସେ ବିଟେକ ମଧ୍ୟ କରିଛନ୍ତି।

 ସେ ପାଠପଢା ସମୟରେ ଦର୍ଶନଶାତ୍ସ ପ୍ରତି ରୁଚି ରଖୁଥିଲେ।  ଆଉ ଏବେ ସେ ସମ୍ପୂର୍ଣରୂପେ ସାଧୁତାକୁ ଆପଣାଇ ନେଇଛନ୍ତି। ଏହାରି ଭିତରେ ପାଖାପାଖି ଦେଢ଼ବର୍ଷ ହେବ ସେ ନିଜ ପରିବାର ସହ ସାକ୍ଷାତ ମଧ୍ୟ କରିନାହାନ୍ତି।

ଯାହାକୁ ନେଇ ତାଙ୍କ ପିତା କର୍ଣ୍ଣ ସିଂ ମଧ୍ୟ ଦୁଃଖିତ ରହିବା ସହ ତାଙ୍କୁ ଘରକୁ ଫେରିଆସିବା ପାଇଁ କହୁଥିବା ବାବା କହିଛନ୍ତି।

ହର୍ଷ ରିଚାରିୟାଙ୍କ ପରିଚୟ କ’ଣ: ହର୍ଷଙ୍କ ବୟସ ମାତ୍ର 31 ବର୍ଷ। ଯିଏକି ଉତ୍ତରାଖଣ୍ଡର ବାସିନ୍ଦା। ଏବଂ ମଧ୍ୟପ୍ରଦେଶର ରାଜଧାନୀ ଭୋପାଳରେ ମଧ୍ୟ ରହିଆସିଛନ୍ତି।

ତାଙ୍କ କହିବା କଥା ପାଖାପାଖି 2 ବର୍ଷ ତଳେ ସେ ଆଧ୍ୟାତ୍ମିକ ରାସ୍ତାକୁ ଆପଣାଇଥିଲେ। କିନ୍ତୁ ସେ ଏପର୍ଯ୍ୟନ୍ତ ସନ୍ୟାସ ନେଇନାହାନ୍ତି। ଏହାଛଡା ସେ ଏବେ ସୋସିଆଲ ମିଡିଆରେ ଆଙ୍କର ରହିବା ସହ ଜଣେ ମେକଅପ ଆର୍ଟିଷ୍ଟ ମଧ୍ୟ।