ଆସ୍ଥା ଭୋଟରେ ଜିତିଲେ ଇମ୍ରାନ
ଇସଲାମବାଦ: ପାକିସ୍ତାନ ସଂସଦରେ ଆସ୍ଥା ଭୋଟରେ ଜିତିଛନ୍ତି ପ୍ରଧାନମନ୍ତ୍ରୀ ଇମ୍ରାନ ଖାନ୍ । ଇମ୍ରାନଙ୍କ ସପକ୍ଷରେ ୧୭୮ ଜଣ ମତ ଦେଇଥିବା ସୂଚନା ମିଳିଛି । ୩୪୨ ଆସନ ବିଶିଷ୍ଟ ନିମ୍ନ ସଦନରେ ମ୍ୟାଜିକ ନମ୍ବର ୧୭୨ ରହିଥିବା ବେଳେ ଇମ୍ରାନ ସେଥିରେ ବାଜି ମାରିଛନ୍ତି । ଆସ୍ଥାଭୋଟ ଆଗରୁ କକ୍ଷତ୍ୟାଗ କରିଥିଲେ ବିରୋଧୀ ମେଣ୍ଟ ପିଡିଏମ । ସିନେଟ ନିର୍ବାଚନରେ ଅର୍ଥମନ୍ତ୍ରୀ ଅବଦୁଲ ହାଫିଜ ଶେଖ ପରାସ୍ତ ହୋଇଥିଲେ । ନିମ୍ନ ସଦନରେ ସମର୍ଥନ ପ୍ରଦର୍ଶନ ପାଇଁ ଆସ୍ଥାଭୋଟ ଲୋଡିଥିଲେ ଇମ୍ରାନ ।
ସମ୍ବିଧାନର ଅନୁଚ୍ଛେଦ ୯୧(୭) ଅନୁସାରେ ବହୁମତ ପାଇଁ ନ୍ୟାସନାଲ ଆସେମ୍ବଲିର ୧୭୨ ସାଂସଦଙ୍କ ସମର୍ଥନ ଦରକାର ରହିଛି। ତେବେ ଏନ୍ଏ-୭୫ ସିଟ୍ ଖାଲି ହେବା କାରଣରୁ ଇମ୍ରାନ୍ ସରକାରଙ୍କୁ ସଂଖ୍ୟା ଗରିଷ୍ଠତା ପାଇଁ ୧୭୧ ଜଣ ସାଂସଦଙ୍କ ସମର୍ଥନ ଦରକାର ଥିଲା। କିନ୍ତୁ ଭୋଟିଂ ବେଳେ ତାଙ୍କ ପକ୍ଷରେ ୧୭୮ଟି ଭୋଟ୍ ମିଳିଛି।
