ଲାକ୍ଷାଦ୍ୱୀପରେ ନିର୍ମାଣ ହେବ ଏୟାରପୋର୍ଟ, ନିୟୋଜିତ ହେବ ଫାଇଟର ଜେଟସ, ଜାଣନ୍ତୁ ମୋଦୀ ସରକାରଙ୍କ ପ୍ଲାନ
ନୂଆଦିଲ୍ଲୀ: ଭାରତ ସରକାର ଲାକ୍ଷାଦ୍ୱୀପ ମିନିକୋଏ ଆଇଲ୍ୟାଣ୍ଡସରେ ନୂଆ ଏୟାରପୋର୍ଟ ନିର୍ମାଣ କରିବାକୁ ଯାଉଛନ୍ତି । ଯେଉଁଠାରେ ଫାଇଟର ଜେଟସ୍, ମିଲିଟାରୀ ଏୟାରକ୍ରାଫ୍ଟ ଏବଂ କମର୍ସିଆଲ ବିମାନ ଚଳାଚଳ ହେବ । ଏଠାରେ ଡୁଆଲ ପରପୋଜ ଏୟାରଫିଲ୍ଡ ମଧ୍ୟ ତିଆରି ହେବ ।
ସରକାରଙ୍କ ବିଶ୍ୱସ୍ତ ସୁତ୍ର ଇଣ୍ଡିଆ ଟୁଡେକୁ କହିଛନ୍ତି ଯେ, ମିନିକୋଏ ଦ୍ୱୀପରେ ଡୁଆଲ ପରପୋଜ ଏୟାରଫିଲ୍ଡ ତିଆରି କରାଯିବ । ଯେଉଁଠାରେ ଫାଇଟର ଜେଟସର ସଞ୍ଚାଳନ ହେବ । ଏହା ବ୍ୟତୀତ ଏଠାରେ ସାଧାରଣ ନାଗରିକମାନେ ମଧ୍ୟ ବିମାନରେ ଯିବା ଆସିବା କରିପାରିବେ । ଏଥିସହ ଅନ୍ୟ ମିଲିଟ୍ରୀ ଏୟାରକ୍ରାଫ୍ଟର ଲ୍ୟାଣ୍ଡିଙ୍ଗ ଏବଂ ଟେକଅଫ ହୋଇପାରିବ ।
ପୂର୍ବରୁ କେବଳ ମିଲିଟ୍ରୀ ବ୍ୟବହାର ପାଇଁ ଏୟାରଫିଲ୍ଡ ନିର୍ମାଣର ପ୍ରସ୍ତାବ ସରକାରଙ୍କଠାରୁ ପାରିତ ହୋଇଥିଲା । ହେଲେ ବର୍ତ୍ତମାନ ତାକୁ ଅପଗ୍ରେଟ କରି ଡୁଆଲ ପରପୋଜ ଏୟାରଫିଲ୍ଡ ଉଦ୍ଦେଶ୍ୟରେ ଉନ୍ନୀତ କରାଯାଇଛି । ଯଦି ଏଠାରେ ଏୟାରଫିଲ୍ଡ ତିଆରି ହେଉଛି ତେବେ ଭାରତ ଆରବ ସାଗର ଏବଂ ହିନ୍ଦ ମହାସାଗରର ଚାରିପଟେ କଡା ସୁରକ୍ଷା ରଖାଯାଇପାରିବ । ସମୁଦ୍ରରୁ ଚୋରି କରୁଥିବା ଲୋକଙ୍କ ଉପରେ ମଧ୍ୟ ନଜର ରଖାଯାଇପାରିବ ।
ନୌସେନା ଏବଂ ବାୟୁସେନାଙ୍କ ପାଇଁ ହିନ୍ଦ ମହାସାଗର ଏବଂ ଆରବ ସାଗରରେ ଅପରେସନ କରିବା ମଧ୍ୟ ସହଜ ହେବ । ଏଥିସହ ଚୀନର ବଢୁଥିବା ଗତିବିଧି ବନ୍ଦ କରାଯିବାର ମଧ୍ୟ ସୁଯୋଗ ମିଳିବ । ମିନିକୋଏ ଆଇଲ୍ୟାଣ୍ଡ ଉପରେ ଏୟାରଷ୍ଟ୍ରିପ ନିର୍ମାଣର ସବୁଠାରୁ ପ୍ରଥମ ପ୍ରସ୍ତାବ ‘ଭାରତୀୟ ତଟରକ୍ଷକ ବଳ’ ଦେଇଥିଲେ । ବର୍ତ୍ତମାନ ପ୍ରସ୍ତାବ ଅନୁ୍ଯାୟୀ, ଏହି ନୂଆ ଏୟାରପୋର୍ଟ ଏବଂ ଏୟାରଫିଲ୍ଡର ସଞ୍ଚାଳନ ଭାରତୀୟ ବାୟୁସେନା କରିବ ।
ଲାକ୍ଷାଦ୍ୱୀପ ପାଖରେ କେବଳ ଗୋଟିଏ ଏୟାରଷ୍ଟ୍ରିପ ରହିଛି । ଏହା ଅଗାତୀ ଦ୍ୱୀପରେ ଅବସ୍ଥିତ । ଏଠାରେ ସବୁ ପ୍ରକାର ବିମାନ ଲ୍ୟାଣ୍ଡ କରିପାରିବ ନାହିଁ । ସୂତ୍ରରୁ ଜଣାପଡିଛି ଯେ, ଏହି ଏୟାରପୋର୍ଟକୁ ତିଆରି କରିବାର ପ୍ରସ୍ତାବ ମୂର୍ଖ ପ୍ରମାଣିତ ବୋଲି ଅନେକ ରିଭ୍ୟୁ ମିଳିଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଲାକ୍ଷାଦ୍ୱୀପ ଯାତ୍ରା ପରେ ଏହା ସଂପୂର୍ଣ୍ଣ ଦ୍ୱୀପ ସମୂହ ଚର୍ଚ୍ଚାରେ ଆସିଥିଲା ।
