ରାତାରାତି ତିଆରି ହେଲା ଭଙ୍ଗା ପୋଲ: ଅମରନାଥ ଯାତ୍ରୀଙ୍କ ପାଇଁ ଇଣ୍ଡିଆନ ଆର୍ମିର ପ୍ରସ୍ତୁତି
ଶ୍ରୀନଗର: ଭୁସ୍ଖଳନ ଯୋଗୁଁ ଭାଙ୍ଗି ଯାଇଥିବା ପୋଲକୁ ପୁନଃ ନିର୍ମାଣ କରିଛନ୍ତି ଇଣ୍ଡିଆନ ଆର୍ମିର ଯବାନ । ବିପର୍ଯ୍ୟୟ ଯୋଗୁଁ ଦୁଇ ପୋଲ ଭାସିଯିବାରୁ ଅମରନାଥ ଯାତ୍ରାରେ ବାଧା ଉପୁଜିଥିଲା । ତେବେ ଗୁରୁବାର ଏବଂ ଶୁକ୍ରବାର ମଧ୍ୟରାତ୍ରରେ ଭାରତୀୟ ସେନାର ବୀର ଯବାନଙ୍କ ଚେଷ୍ଟାରେ ଏହା ପୁଣିଥରେ ପ୍ରସ୍ତୁତ ହୋଇପାରିଛି ।
ଖୁବ କମ ସମୟ ମଧ୍ୟରେ ପୋଲ ନିର୍ମାଣ କରି ରେକର୍ଡ ସୃଷ୍ଟି କରିଛି ଭାରତୀୟ ସେନା । ତାପମାତ୍ରା ବୃଦ୍ଧି ଯୋଗୁଁ ଅଚାନକ ବନ୍ୟା ଆସିବାରୁ ଏଠାରେ ଭୁସ୍ଖଳନ ହୋଇଥିଲା । ଯାହା ଫଳରେ ଏହି ପୋଲଗୁଡିକ ଭାଙ୍ଗି ଯାଇଥିଲା ।ତେବେ ଚିନାର କୋରକୁ ଏହି ପୋଲ ନିର୍ମାଣ ପାଇଁ ଅନୁରୋଧ କରିଥିଲେ ନାଗରିକ ପ୍ରଶାସନ ।
#WATCH J&K | Two bridges near Brarimarg on Baltal Axis damaged by landslides were restored by Chinar Corps which reconstructed the bridges overnight for the resumption of route for Amarnath Yatra pilgrims (02.07)
(Source: Indian Army) pic.twitter.com/dDIjvXsW6d
— ANI (@ANI) July 2, 2022
ଏହାପରେ ପୋଲ ନିର୍ମାଣ କାର୍ଯ୍ୟରେ ଲାଗି ପଡିଥିଲେ ଚିନାର କୋର । ଏଥିପାଇଁ ହେଲିକପ୍ଟର ସହିତ ଅନ୍ୟାନ୍ୟ ସାମଗ୍ରୀର ବ୍ୟବସ୍ଥା ନିଜେ ଭାରତୀୟ ସେନା କରାଇଥିଲେ । ଏହାପରେ ଅନ୍ଧାର, ଖରାପ ମୌସୁମୀ ଭଳି ବିଭିନ୍ନ ଅସୁବିଧାର ସମ୍ମୁଖୀନ କରି ମଧ୍ୟ ପୋଲ ନିର୍ମାଣରେ ସଫଳତା ପାଇଛି ଇଣ୍ଡିଆନ ଆର୍ମି । ଯାହା ଫଳରେ ପୁଣିଥରେ ଅମରନାଥ ଯାତ୍ରା ସ୍ୱାଭାବିକ ହୋଇଛି ।
