ଶ୍ରାବଣ ମାସରେ ଆଜି ହେଉଛି କାଳାଷ୍ଟମୀ ବ୍ରତ: ଜାଣନ୍ତୁ ଶୁଭ ମୁହୂର୍ତ୍ତ, ମହତ୍ତ୍ୱ ଓ ପୂଜା ବିଧି

ନୂଆଦିଲ୍ଲୀ: ହିନ୍ଦୁ ଧର୍ମରେ ପ୍ରତି ମାସରେ କୃଷ୍ଣପକ୍ଷର ଅଷ୍ଟମୀ ତିଥିରେ ମାସିକ କାଳାଷ୍ଟମୀ ବ୍ରତ ରଖାଯାଏ । ଏହି ବ୍ରତ ଭଗବାନ ଭୈରବନାଥଙ୍କ ଉଦ୍ଦେଶ୍ୟରେ ଉତ୍ସର୍ଗୀକୃତ ବୋଲି ବିବେଚନା କରାଯାଏ । ଏହି ଦିନ ବିଧି-ବିଧାନ ସହ ଭଗବାନ ଭୈରବନାଥଙ୍କୁ ପୂଜାର୍ଚ୍ଚନା କରାଯାଏ । କାଳାଷ୍ଟମୀକୁ ଭୈରବାଷ୍ଟମୀ ନାମରେ ଜଣାଯାଏ । ଶ୍ରାବଣ ମାସରେ କାଳାଷ୍ଟମୀ ପର୍ବ ଆଜି ଅର୍ଥାତ୍ ୨୦ ଜୁଲାଇରେ ପଡୁଛି । ଏହି ଦିନ ଭକ୍ତମାନେ ଭୈରବ ବାବାଙ୍କୁ ଖୁସି କରିବା ପାଇଁ ପୂଜାର୍ଚ୍ଚନା କରିବା ସହିତ ଉପବାସ ରଖନ୍ତି । ତେବେ ଆସନ୍ତୁ ଜାଣିବା ଭୈରବ ବାବାଙ୍କୁ ଖୁସି କରିବା ପାଇଁ ପୂଜାବିଧି ଓ ପୂଜାର୍ଚ୍ଚନାର ଶୁଭ ମୁହୂର୍ତ୍ତ…

ପୂଜା ରୀତିନୀତି :-
– ଏହି ପବିତ୍ର ଦିନରେ ସକାଳୁ ଉଠନ୍ତୁ ଓ ସ୍ନାନ କରିନିଅନ୍ତୁ ।
– ଯଦି ସମ୍ଭବ ଏହି ଦିନ ଉପବାସ ରଖନ୍ତୁ ।
– ଘରର ମନ୍ଦିରରେ ଦୀପ ଜାଳନ୍ତୁ ।
– ଏହି ଦିନ ଭଗବାନ ଶଙ୍କରଙ୍କୁ ମଧ୍ୟ ବିଧି-ବିଧାନ ଅନୁସାରେ ପୂଜା କରାଯିବା ଉଚିତ୍ ।
– ଭଗବାନ ଶଙ୍କରଙ୍କ ସହିତ ଦେବୀ ପାର୍ବତୀ ଏବଂ ଭଗବାନ ଗଣେଶଙ୍କୁ ମଧ୍ୟ ପୂଜା କରନ୍ତୁ ।
– ଆରତୀ କର ଏବଂ ଭଗବାନଙ୍କୁ ଭୋଗ ଅର୍ପଣ କରନ୍ତୁ । ମନେରଖନ୍ତୁ ଯେ ଭଗବାନଙ୍କୁ କେବଳ ସାତ୍ତ୍ୱିକ ଜିନିଷ ଅର୍ପଣ କରାଯାଏ ।

କାଳାଷ୍ଟମୀ ବ୍ରତର ଫଳ :-

– ଏହି ପବିତ୍ର ଦିନରେ ଭଗବାନ ଭୈରବଙ୍କୁ ପୂଜା କରିବା ଦ୍ୱାରା ସମସ୍ତ ପ୍ରକାର ଭୟରୁ ମୁକ୍ତି ମିଳିଥାଏ ।
– କାଳଷ୍ଟମୀଦିନ ଉପବାସ କରିବା ଦ୍ୱାରା ଶୁଭ ଫଳ ମିଳିଥାଏ ।
– ଭୈରବ ବାବାଙ୍କ କୃପାରୁ ଶତ୍ରୁମାନଙ୍କଠାରୁ ମୁକ୍ତି ମିଳିଥାଏ ।

ଶୁଭ ମୁହୂର୍ତ୍ତ:-
ଶ୍ରାବଣ, କୃଷ୍ଣ ଅଷ୍ଟମୀ
ଆରମ୍ଭ – ୦୭:୩୫ AM, ଜୁଲାଇ ୨୦ ।
ସମାପ୍ତ – ୦୮:୧୧ AM, ଜୁଲାଇ ୨୧ ।