ଦୀପିକା ପାଦୁକୋଣକୁ ନେଇ ପ୍ରଶ୍ନ ପଚାରିବାରୁ ରାଗିଗଲେ କଙ୍ଗନା: କହିଲେ ‘ମୁଁ ତାଙ୍କ ଫିଲ୍ମ ପ୍ରମୋଶନ ପାଇଁ ବସିନାହିଁ’
ମୁମ୍ବାଇ: କଙ୍ଗନା ରଣାଓ୍ବତ ଗୁରୁବାର ଏକତା କପୁରଙ୍କ ଅପକମିଙ୍ଗ ରିୟାଲିଟି ଶୋ ‘ଲକଅପ୍’ ର ପ୍ରମୋଶନ କରିଛନ୍ତି । କଙ୍ଗନା ଏହି ଶୋ’ର ହୋଷ୍ଟ ଭାବରେ ନଜର ଆସିବାକୁ ଯାଉଛନ୍ତି । ତେବେ ପ୍ରେସ୍ କନଫରେନ୍ସ ସମୟରେ ଯେତେବେଳେ ଜଣେ ରିପୋର୍ଟର କଙ୍ଗନାଙ୍କୁ ଦୀପିକା ପାଦୁକୋଣଙ୍କୁ ନିକଟରେ ହୋଇଥିବା ବିବାଦ ବିଷୟରେ ପଚାରିଥିଲେ, ଆଉ ଏଥିରେ ଚିଡିଯାଇଥିଲେ କଙ୍ଗନା । ଏହା ଉପରେ କଙ୍ଗନା ରିପୋର୍ଟରଙ୍କୁ ଏପରି ଉତ୍ତର ଦେଇଥିଲେ ଯାହାକୁ ଦେଖି ସେଠାରେ ଉପସ୍ଥିତ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ ।
ପ୍ରକୃତରେ ତାଙ୍କୁ ପଚରାଯାଇଥିଲା ଯେ ଦୀପିକାର ପାଦୁକୋଣଙ୍କ ପରି ମହିଳା ଏବଂ ତାଙ୍କ ବସ୍ତ୍ର ଶୈଳୀକୁ ନେଇ ଟ୍ରୋଲ କରାଯାଉଛି । ଏହା ମହିଳା ସଶକ୍ତିକରଣର ଲଢ଼େଇକୁ କେମିତି ପ୍ରଭାବିତ କରିବ । ଏହା ଉପରେ କଙ୍ଗନା କହିଥିଲେ ଯେ ‘ମୁଁ ଏଠାକୁ ସେମାନଙ୍କ ପାଇଁ କହିବାକୁ ଆସିନାହିଁ ଯେଉଁମାନେ ନିଜ ସ୍ୱର ଉଠାନ୍ତି ନାହିଁ । କଙ୍ଗନା ଆହୁରି କହିଥିଲେ ‘ଦୀପିକାଙ୍କ ପାଖରେ ନିଜ ସ୍ୱର ଅଛି, ଏକ ପ୍ଲାଟଫର୍ମ ଏବଂ ଫ୍ୟାନ୍ ଫଲୋଇଙ୍ଗ୍ସ ଅଛି । ସେ ନିଜେ ନିଜର ପକ୍ଷ ରଖିପାରିବେ । ମୁଁ ଏଠାରେ ତାଙ୍କ ଫିଲ୍ମ ପ୍ରମୋଟ କରିବାକୁ ବସିନାହିଁ ।’ କଙ୍ଗନାଙ୍କ ଏହି ବୟାନ ପରେ ସୋସିଆଲ ମିଡିଆରେ ୟୁଜର୍ସଙ୍କ ବିଭିନ୍ନ ପ୍ରକାରର ପ୍ରତିକ୍ରିୟା ସାମ୍ନାକୁ ଆସୁଛି ।
ପ୍ରକୃତରେ ସୋସିଆଲ ମିଡିଆ ଇନଫ୍ଲୁଏନ୍ସର ଫ୍ରେଡୀ ବର୍ଡୀ ଦୀପିକାଙ୍କୁ ନେଇ କମେଣ୍ଟ କରିଥିଲେ । ଦୀପିକାଙ୍କୁ ତାଙ୍କର ଛୋଟ ଡ୍ରେସକୁ ନେଇ ମଜାକ ଉଡ଼ାଇଥିଲେ । ଫ୍ରେଡୀ ନିଜ ଇନଷ୍ଟାଗ୍ରାମ ପୋଷ୍ଟରେ ଲେଖିଥିଲେ ଯେ, ‘ବଲିଉଡର ନ୍ୟୁଟନ୍ ନିୟମ, ଯେମିତି ଯେମିତି ‘ଗେହରାଇୟାଁ’ ର ରିଲିଜ୍ ଡେଟ୍ ପାଖେଇ ଆସିବ । ଡ୍ରେସ୍ ଛୋଟ ହୋଇଚାଲିବ ।’ ଅବଶ୍ୟ ଦୀପିକା ଏହାର ଜବାବ ଦେଇ କହିଥିଲେ ‘ବୈଜ୍ଞାନିକଙ୍କ ଅନୁଯାୟୀ ବ୍ରହ୍ମାଣ୍ଡ ପ୍ରୋଟୋନ ନ୍ୟୁଟ୍ରନ ଏବଂ ଇଲେକ୍ଟ୍ରନ ଦ୍ୱାରା ତିଆରି ହୋଇଛି… କିନ୍ତୁ ସେମାନେ ମୁର୍ଖଙ୍କ ବିଷୟରେ କହିବାକୁ ଭୁଲିଯାଇଛନ୍ତି ।’
