କିମ୍ ଜୋଙ୍ଗ୍ ଉନଙ୍କ କଠୋର ନିଷ୍ପତ୍ତି: ଏହି ଖାଦ୍ୟକୁ କେହି ଖାଇବେନି କି ବିକିବେନି, କାରଣ ଜାଣିଲେ…

ପ୍ୟୋଙ୍ଗୟାଙ୍ଗ,୧୦ା୨:  ଉତ୍ତର କୋରିଆର ଏକଛତ୍ରବାଦୀ ଶାସକ କିମ ଜୋଙ୍ଗ ଉନ ତାଙ୍କର ତୋଗଲ ଆଦେଶ ପାଇଁ ବେଶ୍ ଜଣାଶୁଣା। ତାଙ୍କର ଅଜବ ନିଷ୍ପତ୍ତି ସାରା ଦୁନିଆରେ କାହାକୁ ଅଛପା ନାହିଁ । ୨୦୧୧ରେ ପିତାଙ୍କ ଦେହାନ୍ତ ପରେ ସେ ଉତ୍ତର କୋରିଆର ସର୍ବୋଚ୍ଚ ନେତା ଭାବରେ ଦାୟିତ୍ୱ ଗ୍ରହଣ କରିଥିଲେ । ନିକଟରେ ସେ ଏକ ଅଜବ ନିଷ୍ପତ୍ତି ନେଇଥିଲେ, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲା । ବାସ୍ତବରେ, ସେ ତାଙ୍କ ଦେଶରେ ଏକ ଖାଦ୍ୟ ଉପରେ ନିଷେଧାଦେଶ ଦେଇଥିଲେ, ବର୍ତ୍ତମାନ କେହି ଏହାକୁ ଖାଇ ପାରିବେ ନାହିଁ କିମ୍ବା ବିକ୍ରି କରିପାରିବେ ନାହିଁ।

ମିଡିଆ ରିପୋର୍ଟ ଅନୁଯାୟୀ, କିମ ହଟ୍ ଡଗକୁ ସମ୍ପୂର୍ଣ୍ଣ ଭାବେ ନିଷିଦ୍ଧ କରିଛନ୍ତି। ଏହାର ଅର୍ଥ ହେଉଛି ବର୍ତ୍ତମାନ କେହି ହଟ୍ ଡଗ କିଣି ପାରିବେ ନାହିଁ କିମ୍ବା ଉତ୍ତର କୋରିଆରେ କେହି ଏହାକୁ ବିକ୍ରି କରିପାରିବେ ନାହିଁ। ଯଦି କେହି ଏହି ନିଷ୍ପତ୍ତିକୁ ଉଲ୍ଲଂଘନ କରନ୍ତି, ତେବେ ତାଙ୍କୁ ଦଣ୍ଡ ଭାବରେ ଶ୍ରମ ଶିବିରକୁ ପଠାଯିବ।

ହଟ୍ ଡଗ୍ କାହିଁକି ନିଷେଧ ହେଲା?
ଉତ୍ତର କୋରିଆରେ ହଟ୍ ଡଗ୍ ଖାଇବାର ଧାରା୧୯୫୦ରୁ ୨୦୧୭ ପର୍ଯ୍ୟନ୍ତ ଚାଲିଆସୁଛି, ଏହାର ବିକ୍ରି ବହୁତ ଥିଲା । ବର୍ତ୍ତମାନ କିମଙ୍କ ଜଣେ ସେନା ଅଧିକାରୀ ଏହି ଖାଦ୍ୟକୁ ‘ପୁଞ୍ଜିବାଦୀ ସଂସ୍କୃତି’ର ପ୍ରତୀକ ବୋଲି କହିଛନ୍ତି। କେବଳ ଏହା ପରେ କିମ ଜୋଙ୍ଗ ଏହି ଖାଦ୍ୟକୁ ନିଷିଦ୍ଧ କରିବାକୁ ନିଷ୍ପତ୍ତି ନେଇଥିଲେ ଏବଂ ଏହାକୁ ଦେଶରେ ସମ୍ପୂର୍ଣ୍ଣ ଭାବେ ନିଷିଦ୍ଧ କରିଥିଲେ।